NUMBERS 20:17 - Edisana ñwed Abasi Ibom

¹⁷ Mbɔk, yak nnyin isaŋa le isɔŋ fo ibe: nnyin idisaŋake ke iŋwaŋ, idinyuŋ isaŋake ke iŋwaŋ vine, idinyuŋ iŋwɔŋke mmɔŋ obube: nnyin iyesaŋa ke ɔkpɔ-usuŋ edidem, idiwahake ke nnasia, idinyuŋ iwahake ke ufien, tutu nnyin ibe adaŋa fo.

NUMBERS 20:17 ပူးပေါင်းရင်းမြစ်များ

2 CHRONICLES 20:10

Se, ndien, nditɔ Ammon, ye eke Moab, ye eke obot Seir, emi afo mukayakke Israel eduk ke edem mmɔ, ke ini mmɔ eketode ke Egypt, edi ewɔŋɔre ekpɔŋ mmɔ, inyuŋ isuanke mmɔ;

NUMBERS 21:1

NDIEN adaŋemi edidem Arad eyen Canaan, emi oduŋde ke edem usuk, okopde nte Israel edide ke usuŋ Atharim; enye aka akaŋwana ekɔŋ ye Israel, onyuŋ omum ndusuk mmɔ.

DEUTERONOMY 2:27

emem ye Sihon ɔbɔŋ Heshbon, ete, Mbɔk, yak nsaŋa ke isɔŋ fo mbe: nyesaŋa ke ɔkpɔ-usuŋ, ndiwahake ŋka ke ubɔk nnasia, nnyuŋ ŋkaha ke ubɔk ufien.

DEUTERONOMY 2:28

Afo eyenyam udia ɔnɔ mi ke okuk, ndia; eyenyuŋ ɔnɔ mi mmɔŋ ke okuk, nda ŋwɔŋ: edi nyeda ukot-ukot nsaŋa mbe;

DEUTERONOMY 2:29

kpa nte nditɔ Esau emi eduŋde ke Seir ekenamde ye ami; ye mme Moabite emi eduŋde ke Ar; tutu ŋkebe Jordan nduk ke isɔŋ emi Jehovah Abasi nnyin ɔnɔde nnyin.