NUMBERS 19:19 - Edisana ñwed Abasi Ibom

¹⁹ Ke ntre yak owo eke asanade osime owo eke edehede, ke ɔyɔhɔ usen ita, ye ke ɔyɔhɔ usen itiaba: ndien enye edinam idem esie asana ke ɔyɔhɔ usen itiaba, ndien yak enye eyet ɔfɔŋidem esie, onyuŋ eyet idem esie ke mmɔŋ, ndien enye eyedi edisana ke mbubreyo.

NUMBERS 19:19 ပူးပေါင်းရင်းမြစ်များ

GENESIS 2:2

Abasi onyuŋ anam utom esie emi enye akanamde, okure ke ɔyɔhɔ usen itiaba; ndien ke ɔyɔhɔ usen itiaba enye odop kpukpru utom esie emi enye akanamde.

EXODUS 19:10

Ndien Jehovah ɔdɔhɔ Moses, ete, Ka ketiene kpukpru owo, nyuŋ nam mmɔ esana mfin emi ye mkpɔŋ, nam enyuŋ eyet edisine-ŋkpɔ mɔ,

EZEKIEL 36:25

Ndien nyesime mbufo edisana mmɔŋ ke idem, ndien mbufo eyedi edisana: nyesio mbufo kpukpru ndek mbufo ye kpukpru ibɔk mbufo ke idem mfep nnam esana.

LEVITICUS 14:7

onyuŋ osime owo emi eyomde ndisio enye udɔŋɔ akpa-mfia ke idem mfep nnam asana, utim ikatiaba, onyuŋ onim enye ke edisana, ndien asana inuen emi odude uwem ayak ɔnyɔŋ ikɔt.

LEVITICUS 14:9

Ndien ama ekem ke ɔyɔhɔ usen itiaba, yak enye okporo ofuri idet ibuot esie, ye ntaŋ ebek esie, ye nditan enyin esie, onyuŋ okporo ofuri idet esie efep, onyuŋ eyet edisine-ŋkpɔ esie, onyuŋ eyet idem esie ke mmɔŋ, ndien edi edisana.

NUMBERS 19:12

Enye enyene ndida mmɔŋ oro nyet idem esie ke ɔyɔhɔ usen ita, ndien ke ɔyɔhɔ usen itiaba enye edidi edisana: edi edieke miyetke idem esie ke ɔyɔhɔ usen ita, enye ididige edisana ke ɔyɔhɔ usen itiaba.

NUMBERS 19:13

Owo ekededi eke otukde okpo owo eke akpade ndien miyetke idem esie, asabare iduŋ Jehovah: ndien mmɔ enyene ndisibe owo oro mfep ke otu Israel: koro mikesimeke enye mmɔŋ udarade ndek, enye eyedi edidehe; ndek esie osuk adiana enye ke idem.

NUMBERS 19:18

Ndien yak owo eke asanade ada hyssop, edebi ke mmɔŋ oro ndien ada osime ke tent oro, ye ke kpukpru usin-ŋkpɔ, ye mbio eke edude do, ke idem, ye owo eke otukde ɔkpɔ, mme owo oro ekewotde, mme akpa mkpa, mme udi:

NUMBERS 31:19

Ndien mbufo edaŋ ke edem nna ke ofuri usen itiaba: kpukpru mbufo emi ekewotde owo, ye emi eketukde okpo owo, enam idem mbufo ye mbuot ekɔŋ mbufo esana ke ɔyɔhɔ usen ita, ye ke ɔyɔhɔ usen itiaba.

NUMBERS 31:24

Mbufo enyuŋ eyet edisine ŋkpɔ mbufo ke ɔyɔhɔ usen itiaba, ndien mbufo eyesana, ndien eduk ke nna.

TITUS 2:14

Emi akayakde Idem Esie ɔnɔ kabaŋa nnyin, man Enye afak nnyin osio ke kpukpru mme idiɔk-ŋkpɔ, onyuŋ anam nnyin asak-ubɔk ikɔt Esie, emi isinde esit inam nti utom.

MME HEBREW 10:22

eyak nnyin isaŋa ikpere ye esit akpanikɔ ke ɔyɔhɔ mbuɔt-idem idem, ye esit eke esimede esio ifiɔk idiɔk-ŋkpɔ efep ye idem eke eyetde ke ata mmɔŋ:

1 JOHN 1:7

edi edieke nnyin isaŋade ke uŋwana, kpa nte Enye odude ke uŋwana, nnyin imoduk nduk ye kiet eken, ndien iyip Jesus Eyen Esie eyet nnyin isana ke kpukpru mme idiɔk-ŋkpɔ.

JUDE 1:23

enyuŋ eda ndik etua ndusuk mmɔ mbɔm, esua kpa ɔfɔŋidem eke obukidem asabarede.