NUMBERS 19:13 - Edisana ñwed Abasi Ibom

¹³ Owo ekededi eke otukde okpo owo eke akpade ndien miyetke idem esie, asabare iduŋ Jehovah: ndien mmɔ enyene ndisibe owo oro mfep ke otu Israel: koro mikesimeke enye mmɔŋ udarade ndek, enye eyedi edidehe; ndek esie osuk adiana enye ke idem.

NUMBERS 19:13 ပူးပေါင်းရင်းမြစ်များ

EXODUS 30:33

Ama edi owo eke edibuakde se ibietde enye, ye owo ŋko eke adade enye eyet esen owo ke idem, yak esibe enye efep ke otu mbio-obio mmɔ.

MME ŊKE 14:32

Idiɔk ido idiɔk owo onuk enye efep: edi eti owo enyene mbuɔtidem ke mkpa esie.

EZEKIEL 44:26

Ndien ke ini enye ama anam idem esie asana, yak mmɔ ebat usen itiaba enɔ enye.

LEVITICUS 15:31

Ntem ke mbufo edidianare nditɔ Israel ke ndek mmɔ, man mmɔ ekukpaŋa ke ndek mmɔ ke mmɔ esabarede ebiet-iduŋ mi emi odude ke otu mmɔ.

LEVITICUS 20:3

Ami nyenyuŋ ŋwuk iso mi nse owo oro, nnyuŋ nsibe enye ke otu mbio-obio mmɔ mfep; koro enye akadade eyen esie ɔnɔ Molech, man enye asabare edisana ebiet mi, onyuŋ abiat edisana enyiŋ mi.

LEVITICUS 22:3

Dɔhɔ mmɔ ete, Owo ekededi ke ofuri ubon mbufo, ke emana mbufo, eke edisaŋade ekpere ndisana ŋkpɔ emi nditɔ Israel edidianarede enɔ Jehovah, ke ndek esie odude enye ke idem, yak esibe ukpɔŋ oro efep ke iso mi: ami ndi Jehovah.

LEVITICUS 22:4

Baba owo kiet ke otu ubon Aaron eke ɔdɔŋɔde akpa-mfia, mme eke ŋkpɔ ɔwɔrɔde enye ke idem, okudia ndisana ŋkpɔ, tutu enye akabare edisana. Ndien ŋko ama edi owo eke otukde ndek okpo ekededi, mme eke owo eke idem eren-owo ɔbɔhɔde enye;

LEVITICUS 5:17

Ndien edieke owo eduede, onyuŋ abiat mbet Jehovah ekededi, eke mikpanamke, ndien mifiɔkke, onyuŋ edue isop, ndien enye obiomo idiɔk ido esie.

LEVITICUS 5:3

Mme onyuŋ edieke enye otukde ndek owo, ke ndek ekededi eke owo edehede ke esit, onyuŋ edibe enye; ke ini enye edifiɔkde, enye enyene isop.

LEVITICUS 5:6

ndien yak enye ada isop esie edisɔk Jehovah, abaŋa ndudue esie emi enye eduede, uman eke otode ke ŋkpi ufene, edide eyen erɔŋ, onyuŋ edide eyen ebot ke uwa idiɔk ido; ndien oku edisio isop esie abaŋa ndudue esie.

LEVITICUS 7:20

Ndien edieke owo adade ndek ke idem esie, akata unam uwa emem eke enyenede Jehovah, yak esibe owo oro efep ke oruk esie.

LEVITICUS 7:21

Ndien ŋko ŋko adaŋemi owo otukde ndek ekededi, edide ndek owo, onyuŋ edide ndek edidehe unam, onyuŋ edide ndek ŋkpɔ ekededi, eke edehede, ndien aka akata unam uwa emem eke enyenede Jehovah, yak esibe owo oro efep ke oruk esie.

NUMBERS 15:30

Edi ama edi owo eke okoide koi anam ŋkpɔ ke ibak, edide amana ke isɔŋ, onyuŋ edide esen owo, enye esuene Jehovah, ndien yak esibe owo oro ke mbio-obio mmɔ efep.

NUMBERS 19:14

Emi edi ewuhɔ, ke ini owo akpade ke tent: kpukpru owo eke edukde ke tent oro, ye kpukpru se idude ke tent, edidi edidehe ke usen itiaba.

NUMBERS 19:18

Ndien yak owo eke asanade ada hyssop, edebi ke mmɔŋ oro ndien ada osime ke tent oro, ye ke kpukpru usin-ŋkpɔ, ye mbio eke edude do, ke idem, ye owo eke otukde ɔkpɔ, mme owo oro ekewotde, mme akpa mkpa, mme udi:

NUMBERS 19:19

Ke ntre yak owo eke asanade osime owo eke edehede, ke ɔyɔhɔ usen ita, ye ke ɔyɔhɔ usen itiaba: ndien enye edinam idem esie asana ke ɔyɔhɔ usen itiaba, ndien yak enye eyet ɔfɔŋidem esie, onyuŋ eyet idem esie ke mmɔŋ, ndien enye eyedi edisana ke mbubreyo.

NUMBERS 19:20

Edi ama edi owo eke edehede, ndien minyimeke ndinam idem esie asana, enyene ndisibe ukpɔŋ oro ke otu esop mfep: koro enye asabarede edisana ebiet Jehovah: ikedaha mmɔŋ udarade ndek isime enye ke idem; enye edi edidehe.

NUMBERS 19:9

Ndien yak owo emi edide edisana owobi ntɔŋ enaŋ oro, edinim ke edem nna ke ɔtɔ emi asanade, ndien yak ekpeme enye enɔ mbon esop nditɔ Israel ke eke mmɔŋ udarade ndek: enye edi uwa idiɔk ido.

NUMBERS 8:7

Ndien ntem ke afo edinam ye mmɔ, ke erinam mmɔ esana: da mmɔŋ idiɔk ido sime mmɔ ke idem, yak mmɔ enyuŋ ekporo ofuri idem mmɔ, enyuŋ eyet edisine-ŋkpɔ mmɔ, ndien ntem ke mmɔ edinam idem mmɔ esana.

NUMBERS 9:13

Edi ama edi owo eke asanade, minyuŋ ikaha idut, ndien etre ndinim passover, yak mmɔ esibe ukpɔŋ oro ke mbio-obio mmɔ efep: owo oro enyene ndibiom idiɔk ido esie, koro enye mikadaha enɔ Jehovah idi ke ekem ini esie.

JOHN 8:24

Mmɔdo ndɔhɔ mbufo nte, Mbufo eyekpaŋa ke mme idiɔk-ŋkpɔ mbufo. Koro ke mbufo minimke ke akpanikɔ ite Ami ndi Enye, mbufo eyekpaŋa ke mme idiɔk-ŋkpɔ mbufo.

MME HEBREW 10:29

mbufo ese ndien ete edibiere ufen ɔsɔŋ adaŋa didie akan enɔ owo, eke edigide Eyen Abasi ke ikpat, onyuŋ abatde iyip ediomi, emi edade enam enye asana, ke ŋkpɔ ndek, onyuŋ esuenede Spirit mfɔn?

MME HEBREW 9:10

sia mme uwa oro (mmɔ esaŋa ye udia ye eriŋwɔŋ-ŋkpɔ ye nsio-nsio uyere-mmɔŋ) edide enyɔŋ-enyɔŋ ido obukidem, emi enɔde owo enim tutu osim ini eke edidiɔŋde kpukpru ŋkpɔ.

ERIYARARE 21:8

Edi ama edi mbon esit ndik, ye mmɔ emi minimke ke akpanikɔ, ye mmɔ emi emade mbubiam ido, ye mme owot owo, ye mbon use, ye mbia idiɔŋ, ye mme okpono ndem, ye kpukpru mme osu nsu, udeme mmɔ eyedu ke akwa mkpɔdiɔhɔ emi asakde ye ikaŋ ye brimstone, emi edide udiana mkpa.

ERIYARARE 22:11

Owo eke edide ukwaŋ, yak enye osuk amana anam ukwaŋido; owo eke edehede, yak enye osuk amana edehe; owo eke edide edinen, yak enye osuk amana anam edinen ido; owo eke asanade, yak enye osuk amana asana.

ERIYARARE 22:15

Mme ebua edu ke edem obio, ye mme abia idiɔŋ, ye mbon use, ye mme owot owo, ye mme okpono ndem, ye kpukpru owo eke emade nsu, enyuŋ esude nsu.