NUMBERS 18:9 - Edisana ñwed Abasi Ibom

⁹ Emi edidi okuo ke otu ata edisana ŋkpɔ eke mifɔpke ke ikaŋ: kpukpru enɔ mmɔ, ye kpukpru inuak-udia mmɔ, ye kpukpru uwa idiɔk ido mmɔ, ye kpukpru uwa isop mmɔ, eke mmɔ edidade esɔk mi, enye edi ata edisana ŋkpɔ fo, ye eke nditɔ fo.

NUMBERS 18:9 ပူးပေါင်းရင်းမြစ်များ

2 NDIDEM 12:17

Edikem Hazael edidem Syria ɔdɔk aka akaŋwana ekɔŋ ye Gath, onyuŋ ada enye: ndien Hazael onim iso esie, ete idɔk ika ekɔŋ ye Jerusalem.

NEHEMIAH 10:36

inyuŋ ida akpan nditɔ-iren nnyin, ye akpa nditɔ ufene nnyin, kpa nte ewetde ke ŋwed ewuhɔ, ye akpa nditɔ enaŋ nnyin, ye eke ŋkpri ufene nnyin, idi ke ufɔk Abasi nnyin, isɔk mme oku emi esaŋade utom ke ufɔk Abasi nnyin:

EZEKIEL 42:13

Ndien enye ɔdɔhɔ mi, ete, Mme ubet edem edere, ye mme ubet edem usuk emi edude ke iso ebiet eridianare mfep, mmɔ edi edisana ubet emi mme oku emi esaŋade ekpere Jehovah edidiade ata edisana ŋkpɔ do: mmɔ eyenim ata edisana ŋkpɔ do, ye inuak-udia, ye uwa idiɔk ido, ye uwa ndudue: koro ebiet oro edide edisana.

EZEKIEL 44:29

Mmɔ eyedia inuak-udia, ye uwa idiɔk ido, ye uwa ndudue: kpukpru se enimde enɔ Abasi ke Israel eyenyuŋ enyene mmɔ.

LEVITICUS 10:17

Enam didie mbufo mitaha uwa idiɔk ido ke edisana ebiet: koro enye edide ata edisana? Enye (Abasi) ama onyuŋ ada enye ɔnɔ mbufo ete, Mbufo ebiom idiɔk ido ofuri esop, man esio isop enɔ mmɔ ke iso Jehovah.

LEVITICUS 14:13

Ndien yak enye owot eyen erɔŋ oro ke ebiet emi ewotde uwa idiɔk ido, ye edifɔp uwa, ke ebiet emi asanade: koro uwa isop enyenede oku, kpa nte uwa idiɔk ido: enye edi ata edisana:

LEVITICUS 2:10

Ndien ubak inuak-udia eke ɔsuhɔde enyene Aaron ye nditɔ esie: edi ata edisana ubak mme uwa ikaŋ Jehovah.

LEVITICUS 22:11

Edi edieke oku adade inyene esie edep owo, yak enye ye emana ke ufɔk esie edia ke esit: yak mme mmɔ emi edia udia esie.

LEVITICUS 22:7

Ndien adaŋemi eyo okutde, edi ndien edisana, yak enye adia ndien edisana ŋkpɔ: koro edide udia esie.

LEVITICUS 4:22

Adaŋemi ɔbɔŋ eduede, onyuŋ anamde ŋkpɔ ekededi eke Jehovah Abasi esie ebetde, eke mikpanamke, mikoho koi, ndien enyene isop;

LEVITICUS 4:27

Ndien edieke owo mbio-obio kiet eduede, mikoho koi, ke erinam ŋkpɔ ekededi eke Jehovah ebetde, eke mikpanamke, ndien enyene isop;

LEVITICUS 5:1

NDIEN adaŋemi owo eduede ke ama okokop uyo eke owukde, onyuŋ edide ntiense, mme enye okokut, mme ɔfɔfiɔk; edieke enye mitiŋke, idiɔk ido esie eyebiomo enye.

LEVITICUS 5:6

ndien yak enye ada isop esie edisɔk Jehovah, abaŋa ndudue esie emi enye eduede, uman eke otode ke ŋkpi ufene, edide eyen erɔŋ, onyuŋ edide eyen ebot ke uwa idiɔk ido; ndien oku edisio isop esie abaŋa ndudue esie.

LEVITICUS 6:17

Mmada enye nnɔ mmɔ ke udeme uwa ikaŋ mi; enye edi ata edisana ŋkpɔ, nte uwa idiɔk ido, ye nte uwa isop.

LEVITICUS 6:19

Ndien Jehovah ɔdɔhɔ Moses, ete, Emi edi enɔ Aaron,

LEVITICUS 6:30

Edi ekuta baba uwa idiɔk ido emi edade iyip esie eduk ke efe esop, ndisio isop ke esit ke edisana ebiet: yak efɔp enye ke ikaŋ.

LEVITICUS 7:1

NDIEN emi onyuŋ edi ewuhɔ uwa isop: enye edi ata edisana.

LEVITICUS 7:6

Kpukpru irenowo ke otu mme oku edita enye: yak eta enye ke edisana ebiet: enye edi ata edisana.

LEVITICUS 7:7

Uwa isop ebiet uwa idiɔk ido: mmɔ esaŋa ewuhɔ kiet; oku eke edidade enye osio isop, edida enye enyene.

NUMBERS 18:10

Ke ata edisana ebiet ke afo edita enye; kpukpru iren owo enyene ndita enye: enye eyedi edisana ŋkpɔ fo.

DEUTERONOMY 18:1

MME oku, mme Levite, kpa ofuri esien Levi, idinyeneke ubak, idinyuŋ inyeneke udeme ye Israel: mmɔ eyedia mme uwa ikaŋ Jehovah ye udeme esie.