NUMBERS 18:8 - Edisana ñwed Abasi Ibom

⁸ Ndien Jehovah ɔdɔhɔ Aaron, ete, Sese, ami ŋko mmɔnɔ, fi ukpeme edimenere uwa mi ke kpukpru edisana ŋkpɔ nditɔ Israel: mmada mmɔ nnɔ fi ye nditɔ fo ke udeme ke nsinsi ewuhɔ.

NUMBERS 18:8 ပူးပေါင်းရင်းမြစ်များ

2 NDIDEM 12:16

Mmɔ idaha silver uwa-ndudue ye silver uwa-idiɔk-ido isɔk ufɔk Jehovah: mme oku eda enye.

2 CHRONICLES 31:4

Enye onyuŋ ɔdɔhɔ mmɔ eke eduŋde ke Jerusalem, ete enɔ udeme mme oku ye eke mme Levite, man mmɔ esɔŋɔ emum ido Jehovah ekama.

2 CHRONICLES 31:5

Ekem adaŋemi ikɔ oro ɔwɔrɔde, nditɔ Israel eda ediwak akpa ibokpot, ye wine, ye aran, ye aran-ɔkwɔk, ye kpukpru mbuŋwum iŋwaŋ edi; mmɔ enyuŋ eda ɔyɔhɔ ubak kpukpru ŋkpɔ duop edi ediwak.

EXODUS 28:43

Ndien yak Aaron ye nditɔ esie esine mmɔ ke idem, ke ini mmɔ edukde ke tent esop, ye ke ini mmɔ edide ke itie-uwa ndinam ŋkpɔ ke edisana ubet, man ekudue isop, ekunyuŋ ekpa: eyedi nsinsi ewuhɔ ɔnɔ enye, ye nditɔ esie eke editienede enye ke edem.

EXODUS 29:21

Ndien da ubak iyip emi odorode ke itie-uwa ye eke aran nyere, sime Aaron, ye edisine-ŋkpɔ esie ye nditɔ esie, ye edisine-ŋkpɔ nditɔ esie nde; ndien enye eyesana, ye edisine-ŋkpɔ esie, ye nditɔ esie, ye edisine-ŋkpɔ nditɔ esie nde.

EXODUS 29:28

ndien enye eyedi se Aaron ye nditɔ esie edibɔde nditɔ Israel ke nsinsi ewuhɔ: koro edide edimenere uwa: ndien eyebɔ nditɔ Israel edimenere uwa, esio ke uwa emem mmɔ, edimenere uwa eke mmɔ enɔde Jehovah.

EXODUS 29:29

Ndien edisana edisine-ŋkpɔ Aaron eyenyene nditɔ esie eke editienede enye edem, man eyet mmɔ aran, enyuŋ eyɔhɔ mmɔ ubɔk ke esit.

EXODUS 40:13

Ndien sine Aaron edisana edisine-ŋkpɔ ke idem, nyuŋ yet enye aran, nyuŋ nim enye ke edisana; man enye ada oku mi.

EXODUS 40:15

nyuŋ yet mmɔ aran ke idem, nte emi eyetde ete mmɔ, man mmɔ eda oku mi: ndien eriyet emi afo eyetde mmɔ, iditreke ndidi eke itie oku, ke nsinsi, ke ofuri emana mmɔ.

ISAIAH 10:27

Ndien ama ekem ke usen oro, eyebiomore fi mbiomo esie ke afara efep, ye ɔkpɔnɔ esie ke itɔŋ, nte ɔkpɔnɔ abiarade efep ke iso (enaŋ) ubom.

LEVITICUS 21:10

Ndien ŋko akwa oku ke otu nditɔ-ete esie, emi eketɔhɔde enye aran-nyere ke ibuot, enyuŋ eyɔhɔde enye ubɔk man esine edisine-ŋkpɔ oro, okukporo idet esie, okunyuŋ awai edisine-ŋkpɔ esie;

LEVITICUS 23:20

Ndien yak oku ofuŋ mmɔ, ye uyo akpa mfri, ke edifuŋ uwa ke iso Jehovah, ye nditɔ erɔŋ iba: mmɔ edidi edisana ŋkpɔ Jehovah ke eke oku.

LEVITICUS 6:16

Ndien Aaron ye nditɔ esie edia ubak eke ɔsuhɔde; yak edia enye ke edisana ebiet, ekusin leaven; ke okure efe esop ke edidia enye. Ekusin leaven esaŋ enye.

LEVITICUS 6:18

Kpukpru irenowo ke otu nditɔ Aaron edidia enye. Edi nsinsi ewuhɔ mme uwa ikaŋ Jehovah ke ofuri emana mbufo: kpukpru owo eke etukde mmɔ eyekabare edisana.

LEVITICUS 6:20

ye eke nditɔ esie, eke mmɔ edidade esɔk Jehovah, toto ke usen eke eyetde enye aran; omer eti ndom-uyo kiet ke inuak-udia kpukpru ini, ubak esie ke usenubɔk, ye ubak esie eken ke mbubreyo.

LEVITICUS 6:26

Oku eke awade enye edita enye: ke edisana ebiet ke enye edita enye, ke okure efe esop.

LEVITICUS 7:14

Ndien yak enye osio kiet-kiet ke ofuri enɔ oro, ɔnɔ Jehovah ke edimenere uwa, ndien oro edinyene oku eke osimede iyip uwa emem.

LEVITICUS 7:28

Ndien Jehovah onyuŋ ɔdɔhɔ Moses, ete,

LEVITICUS 7:6

Kpukpru irenowo ke otu mme oku edita enye: yak eta enye ke edisana ebiet: enye edi ata edisana.

LEVITICUS 8:30

Ndien Moses ada ndusuk aran-nyere, ye eke iyip emi odorode ke itie-uwa, osime Aaron, ye edisine-ŋkpɔ esie, ye nditɔ esie, ye edisine-ŋkpɔ nditɔ esie ŋko; onyuŋ onim Aaron, ye edisine-ŋkpɔ esie, ye nditɔ esie, ye edisine-ŋkpɔ nditɔ esie ŋko ke edisana ŋkpɔ.

NUMBERS 18:9

Emi edidi okuo ke otu ata edisana ŋkpɔ eke mifɔpke ke ikaŋ: kpukpru enɔ mmɔ, ye kpukpru inuak-udia mmɔ, ye kpukpru uwa idiɔk ido mmɔ, ye kpukpru uwa isop mmɔ, eke mmɔ edidade esɔk mi, enye edi ata edisana ŋkpɔ fo, ye eke nditɔ fo.

NUMBERS 5:9

Ndien kpukpru edimenere uwa ke otu kpukpru edisana ŋkpɔ nditɔ Israel, eke mmɔ edade esɔk oku, enyene enye.

1 ŊWED CORINTH 9:13

Nte mbufo ifiɔkke ite mmɔ emi enamde utom temple edadia se itode ke temple? mmɔ emi edade mbet itie-uwa ebuana udeme-udia ye itie-uwa?

DEUTERONOMY 12:11

ndien ama ekem, mbufo eda kpukpru se ntemede mbufo, kpa edifɔp uwa mbufo, ye mme uwa emem mbufo, ye mme ɔyɔhɔ ubak ŋkpɔ mbufo duop, ye edimenere uwa ubɔk mbufo, ye kpukpru akaŋa eke mbufo emekde ndikaŋa nnɔ Jehovah, eka ke ebiet emi Jehovah Abasi fo edimekde ndinam enyiŋ esie oduŋ do:

DEUTERONOMY 12:6

mbufo enyuŋ eda mme edifɔp uwa mbufo eka do, ye mme uwa emem mbufo, ye mme ɔyɔhɔ ubak ŋkpɔ mbufo duop, ye edimenere uwa ubɔk mbufo, ye mme akaŋa mbufo, ye mme uwa ima esit mbufo, ye akpa nditɔ enaŋ mbufo, ye eke ekpri ufene mbufo.

DEUTERONOMY 18:1

MME oku, mme Levite, kpa ofuri esien Levi, idinyeneke ubak, idinyuŋ inyeneke udeme ye Israel: mmɔ eyedia mme uwa ikaŋ Jehovah ye udeme esie.

DEUTERONOMY 26:13

ndien dɔhɔ ke iso Jehovah Abasi fo, ete, Mmosio mme edisana ŋkpɔ ke ufɔk mi mfep, mmonyuŋ nda mmɔ ndinɔ mme Levite, ye esen owo, ye eyen-akpa, ye ebe-akpa, nte kpukpru mme ewuhɔ fo emi afo owukde mi esaŋade: ŋkeduehe mme ewuhɔ fo, ŋkoyuŋ mfreke:

MME HEBREW 1:9

Afo amama se inende, onyuŋ asua se ikwaŋade; Mmɔdo Abasi, kpa Abasi Fo, adade aran idaresit eyet fi akan mme nsaŋa Fo.

1 JOHN 2:20

Edi Enye emi edide Edisana ama aŋwaŋa Spirit mbufo ke idem, kpukpru mbufo emenyuŋ efiɔk akpanikɔ.

1 JOHN 2:27

Ama edi mbufo, Spirit emi Christ ama aŋwaŋa mbufo ke idem mmɔdo ke esit mbufo oduŋ, inyuŋ inaŋa nte owo ekpep mbufo ŋkpɔ; edi nte Spirit emi Enye aŋwaŋade mbufo ke idem ekpepde mbufo abaŋa kpukpru ŋkpɔ, onyuŋ edide akpanikɔ, midige nsu, ndien nte Enye ekekpepde mbufo, mbufo esuk eduŋ ke Enye.