NUMBERS 18:5 - Edisana ñwed Abasi Ibom

⁵ Ndien mbufo ekpeme se ekpekpemede ke edisana ebiet, ye ke itie-uwa: man iyaresit okutiene aba nditɔ Israel.

NUMBERS 18:5 ပူးပေါင်းရင်းမြစ်များ

1 CHRONICLES 23:24

Mme mmɔ emi edi nditɔ Levi nte ufɔk mme ete mmɔ esaŋade; kpa mme etubom mme ete mmɔ, nte ibat mmɔ edide, ke ibat enyiŋ, nte ibuot mmɔ edide, eke enamde utom, enyuŋ esaŋade ŋkpɔ ufɔk Jehovah, ɔtɔŋɔde ke owo isua edip, ye mmɔ eke ebede oro.

1 CHRONICLES 23:32

man mmɔ enyuŋ ekpeme ukpeme efe esop, ye ukpeme edisana ebiet, ye ukpeme nditɔ Aaron, nditɔ-ete mmɔ, ke erisaŋa ŋkpɔ ufɔk Jehovah.

1 CHRONICLES 24:5

Enyuŋ eda afia ebahare mmɔ, mme mmɔ emi ye mme mmɔ eken; koro mbɔŋ edisana efe, ye mbɔŋ Abasi etode ke nditɔ Eleazar, ye ke nditɔ Ithamar.

1 CHRONICLES 9:19

Ndien Shallum eyen Kore, eyen Ebiasaph, eyen Korah, ye nditɔ-ete esie, ke ufɔk ete esie mme Korahite, edi mme etubom mme asaŋa utom, mme andikpeme enyin-usuŋ efe. Ndien mme ete mmɔ emi edide mme etubom nna Jehovah, edi mme andikpeme ebiet emi edukde.

1 CHRONICLES 9:23

Ntem ke mmɔ ye nditɔ mmɔ edi mme etubom inua-otop ufɔk Abasi, kpa ufɔk efe, ke mme ŋka ukpeme.

1 CHRONICLES 9:33

Ndien mme mmɔ emi edi mme ɔkwɔ ikwɔ, mme etubom mme ete mme Levite, emi minyeneke utom ke ubet; koro mmɔ enyenede ndinam utom ke uwemeyo ye ke okoneyo.

EXODUS 27:21

Ke tent esop ke iso ukara, emi odude ke iso ŋkpɔ-ntiense, yak Aaron ye nditɔ esie ediɔŋ enye, ɔtɔŋɔde ke mbubreyo, tutu eyo esiere, ke iso Jehovah: edidi nsinsi ewuhɔ ke otu nditɔ Israel ke ofuri emana mmɔ.

JEREMIAH 23:15

Mmɔdo ntem ke Jehovah mme udim ɔdɔhɔ abaŋa mme prophet, ete, Sese, mmɔŋ nnɔ mmɔ wormwood edia, nnyuŋ nnɔ mmɔ mmɔŋ etidot eŋwɔŋ: koro oburobut ido otode mme prophet Jerusalem osim ofuri isɔŋ.

EZEKIEL 44:15

Edi mme oku, mme Levite, nditɔ Zadok, emi esaŋade utom edisana ebiet mi, ke adaŋemi nditɔ Israel ekpɔŋde mi ediyo, mmɔ eyesaŋa ekpere mi, ndinam ŋkpɔ nnɔ mi, enyuŋ eda ke iso mi edida ikpɔŋ ye iyip esɔk mi: Ɔbɔŋ Jehovah ɔdɔhɔ.

EZEKIEL 44:16

Edi mmɔ ediduk ke edisana ebiet mi, onyuŋ edi mmɔ edisaŋa ekpere okpokoro mi, edinam ŋkpɔ enɔ mi, edinyuŋ esaŋa utom mi.

LEVITICUS 10:6

Ndien Moses ɔdɔhɔ Aaron, ye Eleazar, ye Ithamar, nditɔ esie, ete, Mbufo ekuyarare ŋkpɔ ke ibuot mbufo, ekunyuŋ ewai edisine-ŋkpɔ mbufo, mbak mbufo edikpaŋa, ifuresit edinyuŋ odoro kpukpru owo: edi yak ofuri ufɔk Israel, nditɔ ete mbufo, etuaŋa erifɔp emi Jehovah ɔkɔfɔpde.

LEVITICUS 24:3

Ke iso ukara ŋkpɔ-ntiense, ke efe esop, ke Aaron editim enye ɔtɔŋɔde ke mbubreyo tutu osim usenubɔk ke iso Jehovah kpukpru ini: edide nsinsi ewuhɔ ke ofuri emana mbufo.

ZECHARIAH 10:3

Iyaresit mi ofiop ye mme andibɔk oro: ami nnyuŋ nnɔ okpo ebot ufen: koro Jehovah mme udim ekerede otu erɔŋ esie kpa ufɔk Judah, onyuŋ onimde mmɔ ke ediye horse esie ke ekɔŋ.

NUMBERS 1:50

Edi nim mme Levite ete ekama ebiet-iduŋ ŋkpɔ-ntiense, ye kpukpru ŋkpɔ unam utom esie, ye kpukpru se inyenede enye: edi mmɔ edibiom ebiet-iduŋ emi, ye kpukpru ŋkpɔ unam utom esie: onyuŋ edi mmɔ edinam utom esie, enyuŋ ena ekan ebiet-iduŋ emi ekuk.

NUMBERS 1:53

Ndien yak mme Levite ewuk ekana ebiet-iduŋ ŋkpɔ-ntiense ekuk, man iyaresit okutiene mbon-esop nditɔ Israel: mme Levite enyuŋ etim ekpeme ebiet-iduŋ ŋkpɔ-ntiense.

NUMBERS 16:46

Ndien Moses ɔdɔhɔ Aaron ete, Da censer kiet, nyuŋ sio ikaŋ ke itie-uwa sin ke esit, ndien sin incense, nyuŋ sɔp itɔk iwiwa, duk ke otu mbon esop, nyuŋ sio isop nɔ mmɔ: koro iyaresit ɔmɔwɔrɔ Jehovah ke iso: udɔŋɔ ɔmɔtɔŋɔ.

NUMBERS 18:4

Ndien yak mmɔ edian idem ye afo enyuŋ ekpeme se ekpekpemede ke efe esop, ke ofuri utom efe oro: ndien esen owo okusaŋa ekpere mbufo.

NUMBERS 4:18

Mbufo ekusibe esien ye mme ufɔk mme Kohathite ke otu nditɔ Levi efep:

NUMBERS 8:19

Mmonyuŋ nda mme Levite nnɔ Aaron ye nditɔ esie ke enɔ ke otu nditɔ Israel, man enam ŋkpɔ nditɔ Israel ke efe esop, enyuŋ esio isop enɔ nditɔ Israel: man mkpa okudu ke otu nditɔ Israel, ke ini nditɔ Israel esaŋade ekpere edisana ebiet.

NUMBERS 8:2

Ke adaŋemi afo odomode mme utuenikaŋ, mme utuenikaŋ itiaba oro eyeŋwaŋa edem emi asakde iso ese uwuk utuenikaŋ.

1ŊWED TIMOTHY 1:18

Uyo emi ke ŋkemen nnɔ fi, Timothy eyen mi, nte ekemde ye se ekebemde iso etiŋ ebaŋa fi, man oto do afo aŋwana eti eŋwan.

1ŊWED TIMOTHY 3:15

edi edieke mbigide ndidi, ŋwet man afo ɔfiɔk usuŋ nte owo ekpedude uwem ke ufɔk Abasi; emi edide ufɔk odu uwem Abasi, adaha ye isɔŋ eke akpanikɔ Abasi odorode ke esit.

1ŊWED TIMOTHY 5:21

Mmowuk fi ke iso Abasi, ye Christ Jesus, ye ndimek angel, nte afo ekpeme ndinam uyo emi; okubem iso obiom owo ke unana ntak, okunyuŋ anam baba ŋkpɔ kiet ke uma.

1ŊWED TIMOTHY 6:20

O Timothy, kpeme se ekayakde esin fi ke ubɔk. Fep idem ke mbukpo ndisime ndutiŋ ye ɔkpɔsɔŋ eneni, eke owo ekotde ke nsu, ete, ifiɔk;