NUMBERS 18:4 - Edisana ñwed Abasi Ibom

⁴ Ndien yak mmɔ edian idem ye afo enyuŋ ekpeme se ekpekpemede ke efe esop, ke ofuri utom efe oro: ndien esen owo okusaŋa ekpere mbufo.

NUMBERS 18:4 ပူးပေါင်းရင်းမြစ်များ

EZEKIEL 44:14

Ndien nyenim mmɔ ke owo eke esaŋade utom ufɔk mi, ke ofuri utom esie, ye ke kpukpru se mmɔ enamde ke esit.

NUMBERS 1:51

Ndien ke ini eyomde ndiwuhɔre ebiet-iduŋ, mme Levite ewuri enye: ndien ŋko ke eyomde ebiet-iduŋ ndiwuk, mme Levite enyuŋ eneŋere enye ewuk; ndien esen owo eke asaŋade ekpere enyene ndikpa.

NUMBERS 1:53

Ndien yak mme Levite ewuk ekana ebiet-iduŋ ŋkpɔ-ntiense ekuk, man iyaresit okutiene mbon-esop nditɔ Israel: mme Levite enyuŋ etim ekpeme ebiet-iduŋ ŋkpɔ-ntiense.

NUMBERS 18:3

Ndien yak mmɔ ekpeme se afo etemede mmɔ ekpeme, ye ŋkpɔ emi ekpekpemede ke ofuri efe oro: edi mmɔ ekusaŋa ekpere ŋkpɔ unam-utom edisana ebiet, ye itie-uwa, mbak mmɔ, ye mbufo ŋko edikpa mkpa.

NUMBERS 18:5

Ndien mbufo ekpeme se ekpekpemede ke edisana ebiet, ye ke itie-uwa: man iyaresit okutiene aba nditɔ Israel.

NUMBERS 3:10

Nyuŋ nim Aaron ye nditɔ esie, ete etiŋ enyin ke idaha oku mmɔ; ndien esen owo eke asaŋade ekpere enyene ndikpa.

NUMBERS 31:30

Ndien ŋko, ama edi udeme nditɔ Israel, sio kiet ke itie aba ye duop, ke owo, ye ke enaŋ, ye ke mme ass ye ke ŋkpri ufene, ye ke kpukpru oruk unam, ndien da mmɔ nɔ mme Levite emi enyenede nditiŋ enyin ke ebiet-iduŋ Jehovah.

NUMBERS 8:26

edi yak enye anam ŋkpɔ ɔnɔ nditɔ ete esie ke efe esop, etie ekpeme ŋkpɔ, edi okunam utom. Ke ntre ke afo edinam ye mme Levite ke ikɔ utom mmɔ.

1 SAMUEL 6:19

Ndien enye owot nditɔ Bethshemesh, koro mmɔ ekubɔrede ekebe Jehovah ese, enye owot owo ata ye duop (tɔsin owo aba ye duop) ke otu mbio oro; ndien kpukpru owo etuaŋa, koro Jehovah akamiade mmɔ akamba ufen.