NUMBERS 18:3 - Edisana ñwed Abasi Ibom

³ Ndien yak mmɔ ekpeme se afo etemede mmɔ ekpeme, ye ŋkpɔ emi ekpekpemede ke ofuri efe oro: edi mmɔ ekusaŋa ekpere ŋkpɔ unam-utom edisana ebiet, ye itie-uwa, mbak mmɔ, ye mbufo ŋko edikpa mkpa.

NUMBERS 18:3 ပူးပေါင်းရင်းမြစ်များ

EZEKIEL 44:13

Mmɔ ekunyuŋ esaŋa ekpere mi ndinam utom oku nnɔ mi, ekunyuŋ etuk baba edisana ŋkpɔ mi kiet ke ata edisana ebiet: edi mmɔ eyebiom esuene mmɔ, ye mbubiam mmɔ emi mmɔ ekenamde.

NUMBERS 1:51

Ndien ke ini eyomde ndiwuhɔre ebiet-iduŋ, mme Levite ewuri enye: ndien ŋko ke eyomde ebiet-iduŋ ndiwuk, mme Levite enyuŋ eneŋere enye ewuk; ndien esen owo eke asaŋade ekpere enyene ndikpa.

NUMBERS 1:53

Ndien yak mme Levite ewuk ekana ebiet-iduŋ ŋkpɔ-ntiense ekuk, man iyaresit okutiene mbon-esop nditɔ Israel: mme Levite enyuŋ etim ekpeme ebiet-iduŋ ŋkpɔ-ntiense.

NUMBERS 16:40

Man edi ŋkpɔ eriti nditɔ Israel, man esen owo, emi mitoho ke ubon Aaron, okusaŋa ekpere ndifɔp incense ke iso Jehovah; man okutie nte Korah ye mme nsaŋa esie: kpa nte emi Jehovah ɔkɔdɔhɔde enye ke ubɔk Moses.

NUMBERS 18:4

Ndien yak mmɔ edian idem ye afo enyuŋ ekpeme se ekpekpemede ke efe esop, ke ofuri utom efe oro: ndien esen owo okusaŋa ekpere mbufo.

NUMBERS 18:7

Edi afo ye nditɔ fo ŋko edikpeme ndinam utom idaha oku mbufo, ke kpukpru ŋkpɔ itie-uwa, ye ke edem ukara; mbufo enyuŋ enam ŋkpɔ: mmada idaha oku nnɔ mbufo ke utom enɔ: ndien esen owo eke asaŋade ekpere enyene ndikpa.

NUMBERS 3:25

Ndien utom emi nditɔ Gershon edinamde ke efe esop, edidi ebiet-iduŋ, ye tent, ye ufɔhɔ-ŋkpɔ esie, ye ikpehe emi eyiride ke enyin-usuŋ efe esop,

NUMBERS 3:31

Ndien se mmɔ edikpemede edi ekebe, ye okpokoro, ye uwuk-utuenikaŋ, ye mme itie uwa, ye ŋkpoduoho edisana ebiet eke edade enam ŋkpɔ ke esit, ye ukara, ye kpukpru se enamde ke esit.

NUMBERS 3:36

Ndien yak nditɔ Merari ese enyuŋ ekpeme mme obukpɔk ebiet-iduŋ, ye mme bar esie, ye mme obubɔk esie, ye mme socket esie, ye kpukpru ŋkpɔ unam-utom esie, ye kpukpru se mmɔ enamde ke esit,

NUMBERS 31:30

Ndien ŋko, ama edi udeme nditɔ Israel, sio kiet ke itie aba ye duop, ke owo, ye ke enaŋ, ye ke mme ass ye ke ŋkpri ufene, ye ke kpukpru oruk unam, ndien da mmɔ nɔ mme Levite emi enyenede nditiŋ enyin ke ebiet-iduŋ Jehovah.

NUMBERS 4:15

Ndien ama ekem, ke adaŋemi Aaron ye nditɔ esie efukde edisana ebiet, ye kpukpru ŋkpɔ unam-utom edisana ebiet ema, ke ini ewuhɔrede nna; yak nditɔ Kohath edi ndien edibiom: edi ekuktuk edisana ŋkpɔ baba kiet, mbak mmɔ edikpa. Mme mmɔ emi edi mbiomo nditɔ Kohath ke efe esop.