NUMBERS 18:24 - Edisana ñwed Abasi Ibom

²⁴ Edi mmɔbɔ nditɔ Israel ɔyɔhɔ ubak duop, emi mmɔ emenerede enɔ Jehovah ke edimenere uwa, nnɔ mme Levite eda enyene: oro esin ndɔhɔ mmɔ nte, Mmɔ ekunyene udeme ke otu nditɔ Israel.

NUMBERS 18:24 ပူးပေါင်းရင်းမြစ်များ

NEHEMIAH 10:38

Ndien oku eyen Aaron eyedu ye mme Levite ke ini mme Levite edade ɔyɔhɔ mbak duop: ndien mme Levite edisio ɔyɔhɔ ubak duop ke ɔyɔhɔ mbak duop oro eda edi ke ufɔk Abasi nnyin, esin ke ubet ke ufɔk-unim-ŋkpɔ.

NEHEMIAH 13:12

Ndien ofuri Judah eda ɔyɔhɔ mbak ibokpot, ye eke obufa wine, ye eke aran, duop, edibon ke ufɔk-unim-ŋkpɔ.

LEVITICUS 27:30

Ndien ŋko kpukpru ubak kiet ke itie duop ke ofuri isɔŋ, edide mkpasip iŋwaŋ, onyuŋ edide mfri eto, enyene Jehovah: enye edi edisana ŋkpɔ Jehovah.

NUMBERS 18:25

Ekem Jehovah ɔdɔhɔ Moses, ete, Dɔhɔ ye nditɔ Levi,

NUMBERS 18:26

ete mmɔ, Ke adaŋemi mbufo ebɔde nditɔ Israel ɔyɔhɔ ubak duop emi ŋkɔbɔde mmɔ nnɔ mbufo ke udeme mbufo, mbufo esio ndien ɔyɔhɔ ubak duop ke esit, kpa ke ɔyɔhɔ ubak duop oro, emen enɔ Jehovah ke edimenere uwa.

NUMBERS 26:62

Ndien owo mmɔ emi ekebatde esim tɔsin owo edip ye ita, kpukpru mmɔ edi iren owo, ɔtɔŋɔde ke eyen ɔfiɔŋ kiet, ye mmɔ eke ebede oro: koro mikebatde mmɔ isin ke otu nditɔ Israel: koro minɔŋɔ mmɔ udeme ke otu nditɔ Israel.

DEUTERONOMY 10:9

Mmɔdo Levi minyeneke ubak ye udeme ke otu nditɔ ete esie; Jehovah edi udeme esie, kpa nte Jehovah Abasi fo ɔkɔdɔhɔde enye.

DEUTERONOMY 26:12

Ke ini afo ama akada ɔyɔhɔ ubak ofuri mbuŋwum fo duop ɔnɔ ama, ke ɔyɔhɔ isua ita, eke edide isua erinɔ ɔyɔhɔ ubak duop, ama onyuŋ emen enye ɔnɔ mme Levite, ye esen owo, ye eyen-akpa, ye ebe-akpa, man mmɔ eda edia ŋkpɔ ke mme obio fo, eyuhɔ;

JOSHUA 13:14

Edi enye inɔŋɔ esien Levi udeme: mme uwa ikaŋ Jehovah Abasi Israel edi udeme mmɔ; kpa nte enye ɔkɔdɔhɔde mmɔ.