NUMBERS 18:20 - Edisana ñwed Abasi Ibom

²⁰ Jehovah onyuŋ ɔdɔhɔ Aaron, ete, Afo udunyeneke udeme ke isɔŋ mmɔ, udunyuŋ unyeneke ubak ke otu mmɔ: ami ndi ubak fo, ye udeme fo, ke otu nditɔ Israel.

NUMBERS 18:20 ပူးပေါင်းရင်းမြစ်များ

GENESIS 15:1

KE ŋkpɔ emi ema ekebe, ikɔ Jehovah osim Abram ke ŋkukut, ete, Kufehe ndik, Abram: Ami ndi otu ekɔŋ fo, utip fo awak eti-eti.

ŊWED MME PSALM 142:5

Nseme ŋkot fi, O Jehovah: ndɔhɔ nte ke afo edi ubɔhɔ mi, ye udeme mi ke isɔŋ mme andidu uwem.

ŊWED MME PSALM 16:5

Jehovah edi udeme mi, ye cup mi: afo omum afia mi akama.

ŊWED MME PSALM 73:26

Baba kiet ke isɔŋ inyuŋ inemke mi nte afo. Obukidem mi ye esit mi emekure: Abasi edi akwa itiat esit mi, ye udeme mi ke nsinsi.

ŊWED ESEME 3:24

Ukpɔŋ mi ɔdɔhɔ ete, Jehovah edi udeme mi: mmɔdo nyedori enyin ye enye.

EZEKIEL 44:28

Oro eyenyuŋ edi udeme mmɔ: ami ndi udeme mmɔ: ndien mbufo ekunɔ mmɔ se ekpedade enyene ke Israel: ami ndi se mmɔ edidade enyene.

NUMBERS 18:7

Edi afo ye nditɔ fo ŋko edikpeme ndinam utom idaha oku mbufo, ke kpukpru ŋkpɔ itie-uwa, ye ke edem ukara; mbufo enyuŋ enam ŋkpɔ: mmada idaha oku nnɔ mbufo ke utom enɔ: ndien esen owo eke asaŋade ekpere enyene ndikpa.

NUMBERS 26:62

Ndien owo mmɔ emi ekebatde esim tɔsin owo edip ye ita, kpukpru mmɔ edi iren owo, ɔtɔŋɔde ke eyen ɔfiɔŋ kiet, ye mmɔ eke ebede oro: koro mikebatde mmɔ isin ke otu nditɔ Israel: koro minɔŋɔ mmɔ udeme ke otu nditɔ Israel.

DEUTERONOMY 10:9

Mmɔdo Levi minyeneke ubak ye udeme ke otu nditɔ ete esie; Jehovah edi udeme esie, kpa nte Jehovah Abasi fo ɔkɔdɔhɔde enye.

DEUTERONOMY 12:12

ndien mbufo, ye nditɔ-iren mbufo, ye nditɔ mbufo iban, ye ifin iren mbufo, ye ifin iban mbufo, eyedat esit ke iso Jehovah, ye mme Levite emi edude ke mme obio mbufo: koro mmɔ midaha ubak ye udeme ke otu mbufo.

DEUTERONOMY 14:27

Ndien kufre Levite eke odude ke mme obio fo: koro enye minyeneke ubak minyuŋ inyeneke udeme ye afo.

DEUTERONOMY 14:29

ndien Levite, (koro enye minyeneke ubak ye udeme ye afo,) ye esen owo, ye eyen-akpa, ye ebe-akpa, eke edude ke mme obio fo, edi edidia eyuhɔ; man Jehovah Abasi ɔdiɔŋ fi ke kpukpru utom ubɔk fo eke afo edinamde.

JOSHUA 13:14

Edi enye inɔŋɔ esien Levi udeme: mme uwa ikaŋ Jehovah Abasi Israel edi udeme mmɔ; kpa nte enye ɔkɔdɔhɔde mmɔ.

JOSHUA 13:33

ke edem usiaha-utin. Edi Moses inɔŋɔ esien mme Levite baba udeme kiet; edi Jehovah Abasi Israel edi udeme mmɔ, kpa nte enye ɔkɔdɔhɔde mmɔ.

JOSHUA 14:3

Koro Moses ama akada udeme ɔnɔ esien iba ye ubak esien kiet ke edem Jordan oko; edi ikɔnɔŋɔ mme Levite udeme ke otu mmɔ.

JOSHUA 18:7

Koro mme Levite midaha udeme ke otu mbufo: koro idaha oku edide udeme mmɔ: Gad ye Reuben, ye ubak esien Manasseh ema enyuŋ eda udeme mmɔ ke edem usiaha-utin Jordan, emi Moses owo Jehovah ɔkɔnɔde mmɔ.

ERIYARARE 21:3

Ndien ŋkop ɔkpɔsɔŋ uyo nte otode ke ebekpo ɔwɔrɔ ete, Sese, ebiet iduŋ Abasi omodu ye owo. Enye eyenyuŋ oduŋ ye mmɔ; ndien mmɔ eyedi ikɔt Esie, Abasi ke Idem Esie eyenyuŋ odu ye mmɔ, onyuŋ edi Abasi mmɔ.