NUMBERS 18:2 - Edisana ñwed Abasi Ibom

² Nyuŋ nam nditɔ-usɔ, esien Levi, iman usɔ, etiene fi edi, man mmɔ ediana ye afo, enyuŋ enam ŋkpɔ enɔ fi: edi afo ye nditɔ-iren fo ŋko edi ke iso efe ntiense.

NUMBERS 18:2 ပူးပေါင်းရင်းမြစ်များ

GENESIS 29:34

enyiŋ Simeon. Ndien enye ɔtɔŋɔ ntak oyomo, onyuŋ aman eyen-eren; ndien ɔdɔhɔ ete, ke ini emi ebe mi eyediana ye ami, koro mma nnim nditɔ-iren ita nnɔ enye; mmɔdo osiode enye enyiŋ Levi.

2 CHRONICLES 30:16

Ndien mmɔ eda ke idaha mmɔ, kpa nte ekam esinamde, esin ke item Moses owo Abasi; mme oku ebɔ mme Levite iyip ke ubɔk esime.

EZEKIEL 44:11

Ndien mmɔ eyedi mme anam-ŋkpɔ ke edisana ebiet mi, enam utom ukpeme ke inua-otop ufɔk, enyuŋ enam ŋkpɔ ufɔk: mmɔ eyeyɔk edifɔp uwa ye uwa emen enɔ mbio-obio; mmɔ eyenyuŋ eda ke iso mmɔ edinam ŋkpɔ enɔ mmɔ.

EZEKIEL 44:15

Edi mme oku, mme Levite, nditɔ Zadok, emi esaŋade utom edisana ebiet mi, ke adaŋemi nditɔ Israel ekpɔŋde mi ediyo, mmɔ eyesaŋa ekpere mi, ndinam ŋkpɔ nnɔ mi, enyuŋ eda ke iso mi edida ikpɔŋ ye iyip esɔk mi: Ɔbɔŋ Jehovah ɔdɔhɔ.

MALACHI 2:4

Ndien mbufo eyefiɔk ete ke ami nnɔ ewuhɔ emi esɔk mbufo, man ediomi mi okpodu ye Levi, Jehovah mme udim ɔdɔhɔ.

NUMBERS 1:53

Ndien yak mme Levite ewuk ekana ebiet-iduŋ ŋkpɔ-ntiense ekuk, man iyaresit okutiene mbon-esop nditɔ Israel: mme Levite enyuŋ etim ekpeme ebiet-iduŋ ŋkpɔ-ntiense.

NUMBERS 16:40

Man edi ŋkpɔ eriti nditɔ Israel, man esen owo, emi mitoho ke ubon Aaron, okusaŋa ekpere ndifɔp incense ke iso Jehovah; man okutie nte Korah ye mme nsaŋa esie: kpa nte emi Jehovah ɔkɔdɔhɔde enye ke ubɔk Moses.

NUMBERS 17:7

Ndien Moses ada mme esaŋ oro okonim ke iso Jehovah ke efe ntiense.

NUMBERS 18:4

Ndien yak mmɔ edian idem ye afo enyuŋ ekpeme se ekpekpemede ke efe esop, ke ofuri utom efe oro: ndien esen owo okusaŋa ekpere mbufo.

NUMBERS 3:5

Ekem Jehovah ɔdɔhɔ Moses,

NUMBERS 4:15

Ndien ama ekem, ke adaŋemi Aaron ye nditɔ esie efukde edisana ebiet, ye kpukpru ŋkpɔ unam-utom edisana ebiet ema, ke ini ewuhɔrede nna; yak nditɔ Kohath edi ndien edibiom: edi ekuktuk edisana ŋkpɔ baba kiet, mbak mmɔ edikpa. Mme mmɔ emi edi mbiomo nditɔ Kohath ke efe esop.

NUMBERS 8:19

Mmonyuŋ nda mme Levite nnɔ Aaron ye nditɔ esie ke enɔ ke otu nditɔ Israel, man enam ŋkpɔ nditɔ Israel ke efe esop, enyuŋ esio isop enɔ nditɔ Israel: man mkpa okudu ke otu nditɔ Israel, ke ini nditɔ Israel esaŋade ekpere edisana ebiet.

NUMBERS 8:22

Ndien ke oro ebede, mme Levite eduk ke efe esop ekenam utom mmɔ ke iso Aaron, ye ke iso nditɔ esie: nte Jehovah eketemede Moses abaŋa mme Levite, kpa ntre ke enam ye mmɔ.

MME HEBREW 9:6

Edi ke ema ekotim mme ŋkpɔ emi ntem, mme oku edoduk ke akpa Ataya kpukpru ini edinam utom Abasi;