NUMBERS 18:19 - Edisana ñwed Abasi Ibom

¹⁹ Mmada kpukpru edimenere uwa ke edisana ŋkpɔ emi nditɔ Israel ewade enɔ Jehovah, nnɔ fi, ye nditɔ-iren fo, ye nditɔ-iban fo ŋko, ke nsinsi ewuhɔ; enye edi nsinsi ediomi inuŋ fo, ye eke ubon fo, ke iso Jehovah.

NUMBERS 18:19 ပူးပေါင်းရင်းမြစ်များ

2 NDIDEM 12:16

Mmɔ idaha silver uwa-ndudue ye silver uwa-idiɔk-ido isɔk ufɔk Jehovah: mme oku eda enye.

2 CHRONICLES 13:5

Nte mbufo ikemeke ndifiɔk, ete ke Jehovah Abasi Israel akada ubɔŋ Israel ɔnɔ David ke nsinsi, kpa enye ye nditɔ esie ke ediomi inuŋ?

2 CHRONICLES 31:4

Enye onyuŋ ɔdɔhɔ mmɔ eke eduŋde ke Jerusalem, ete enɔ udeme mme oku ye eke mme Levite, man mmɔ esɔŋɔ emum ido Jehovah ekama.

EXODUS 29:27

Nyuŋ da ikɔŋ-esit edifuŋ uwa, ye ukot edimenere uwa, eke efuŋde, enyuŋ emenerede ke enyɔŋ, ke okukim ɔyɔhɔ-ubɔk, emi enyenede Aaron, ye emi enyenede nditɔ esie, nim ke edisana ŋkpɔ:

EZEKIEL 43:24

Ndien da mmɔ saŋa kpere ke iso Jehovah, yak mme oku enyuŋ eduɔk mmɔ inuŋ ke idem, ndien efɔp mmɔ enɔ Jehovah ke edifɔp uwa.

LEVITICUS 2:13

Nyuŋ sin inuŋ ke kpukpru enɔ inuak-udia fo; kunyuŋ uyak inuŋ ediomi Abasi anana ke inuak-udia fo; dori inuŋ ke kpukpru mme uwa fo emi afo adade edi.

LEVITICUS 21:22

Yak enye ata uyo Abasi esie, eke ata edisana, ye eke edisana; edi okuduk osim ukara,

LEVITICUS 7:14

Ndien yak enye osio kiet-kiet ke ofuri enɔ oro, ɔnɔ Jehovah ke edimenere uwa, ndien oro edinyene oku eke osimede iyip uwa emem.

NUMBERS 18:11

Emi ŋko onyuŋ edi okuo; edimenere uwa enɔ mi, ye kpukpru edifuŋ uwa nditɔ Israel: mmada mmɔ nnɔ fi, ye nditɔ-iren fo, ye nditɔ-iban fo ŋko, ke nsinsi ewuhɔ: yak kpukpru edisana owo ke ufɔk fo eta enye.

NUMBERS 18:8

Ndien Jehovah ɔdɔhɔ Aaron, ete, Sese, ami ŋko mmɔnɔ, fi ukpeme edimenere uwa mi ke kpukpru edisana ŋkpɔ nditɔ Israel: mmada mmɔ nnɔ fi ye nditɔ fo ke udeme ke nsinsi ewuhɔ.

NUMBERS 31:29

mbufo esio enye ke udeme mmɔ, ndien da enye nɔ Eleazar oku, ke edimenere uwa Jehovah.

NUMBERS 31:41

Ndien Moses ada utomo, kpa edimenere uwa Jehovah, ɔnɔ Eleazar oku, kpa nte Jehovah eketemede Moses.

DEUTERONOMY 12:26

Edi men ndisana ŋkpɔ fo eke afo edinyenede, ye mme akaŋa fo, ka ke ebiet emi Jehovah edimekde: nyuŋ wa edifɔp uwa fo,

DEUTERONOMY 12:6

mbufo enyuŋ eda mme edifɔp uwa mbufo eka do, ye mme uwa emem mbufo, ye mme ɔyɔhɔ ubak ŋkpɔ mbufo duop, ye edimenere uwa ubɔk mbufo, ye mme akaŋa mbufo, ye mme uwa ima esit mbufo, ye akpa nditɔ enaŋ mbufo, ye eke ekpri ufene mbufo.