NUMBERS 18:15 - Edisana ñwed Abasi Ibom

¹⁵ Kpukpru se isirerede itie-eyen ke otu kpukpru se idide obukidem eke edade esɔk Jehovah, edide owo, onyuŋ edide mme unam, edidi okuo: edi kutre ndifak akpan owo, nyuŋ fak akpa eyen unam eke midige edisana.

NUMBERS 18:15 ပူးပေါင်းရင်းမြစ်များ

2 NDIDEM 12:5

yak mme oku ɔbɔ mme ɔdiɔŋɔ mmɔ ke idem mmɔ: yak mmɔ enyuŋ ediɔŋ ŋwure ufɔk, ke kpukpru ebiet emi mmɔ ekutde nte owurede.

NEHEMIAH 10:37

ke nnyin inyuŋ ida akpa edikɔk ibokpot nnyin, ye edimenere uwa nnyin, ye mfri kpukpru oruk eto, ye wine, ye aran, isɔk mme oku ke ubet-unim-ŋkpɔ ufɔk Abasi nnyin; inyuŋ inɔ mme Levite ɔyɔhɔ mbak iŋwaŋ nnyin duop, man mme Levite oro enyuŋ eda ɔyɔhɔ mbak duop ke kpukpru obio eke nnyin inamde utom iŋwaŋ.

EXODUS 13:15

ndien ekem ke Pharaoh mi-kenyimke ndiyak nnyin ika, Jehovah owot kpukpru akpan ke isɔŋ Egypt, ye akpan owo, ye akpan eyen ufene: mmɔdo ami ndade kpukpru nyara eke esirerede itie-eyen ŋwa nnɔ Jehovah; edi mfak kpukpru akpan nditɔ iren mi.

EXODUS 13:2

se isirerede kpukpru itie-eyen ke otu nditɔ Israel, ke owo ye ke ufene edidi okim.

EXODUS 22:29

Kubigi ndinɔ akpa mfri fo, ye wine fo. Afo edinɔ mi akpan fo.

EXODUS 34:20

Edi da eyen erɔŋ fak akpa eyen ass: ndien mufakke, buŋ enye itɔŋ. Fak kpukpru nditɔ-iren fo. Ndien owo baba kiet okusaŋa ubɔk-ubɔk edi ke iso mi.

NUMBERS 18:16

Ndien ama edi mme mmɔ emi enyenede ndifak, fak mmɔ adaŋemi ekemde ɔfiɔŋ kiet, ke ekɔm urua fo, ke shekel silver ition, asaŋa ye edisana shekel, emi edi gerah edip.

NUMBERS 3:13

koro kpukpru akpan edide okim: ke usen ami ŋkowotde kpukpru akpan ke isɔŋ Egypt, ndianare kpukpru akpan Israel nda ke idem mi, ye owo ye unam: mmɔ edidi okim: ami ndi Jehovah.

NUMBERS 3:46

Ndien ŋko ama edi mme mmɔ emi enyenede ndifak, kpa akpan nditɔ Israel ikie iba ye ata ye duopeta, emi edorode ekan mme Levite:

DEUTERONOMY 15:19

Da kpukpru akpa nyara nditɔ emi amanade ke otu ikpɔ ye ŋkpri ufene fo, nim ke edisana ŋkpɔ Jehovah Abasi fo: kuda akpa eyen enaŋ fo unam utom, kunyuŋ ufat idet akpa eyen erɔŋ fo.