NUMBERS 18:1 - Edisana ñwed Abasi Ibom

¹ EKEM Jehovah ɔdɔhɔ Aaron, ete, afo ye nditɔ iren fo, ye ufɔk usɔ ŋko, ebiom ukwaŋ-ŋkpɔ edisana ebiet: afo ye nditɔ-iren fo enyuŋ ebiom ukwaŋ-ŋkpɔ itie oku mbufo.

NUMBERS 18:1 ပူးပေါင်းရင်းမြစ်များ

EXODUS 28:38

Yak enye onyuŋ ana Aaron ke ɔkpɔ-iso, man Aaron obiom isop edisana ŋkpɔ, emi nditɔ Israel edinimde ke edisana, ye eke kpukpru edisana enɔ mmɔ; ntem ke ana enye ke ɔkpɔ-iso kpukpru ini, man mmɔ enem Jehovah esit.

ISAIAH 53:11

Enye eyekut se itode ke ukut ukpɔŋ eise ɔyuhɔ: edinen owo mi eyeda ifiɔk esie anam ikɔ asana ediwak owo; eyenyuŋ obiom mme idiɔk ido mmɔ.

ISAIAH 53:6

Kpukpru nnyin idiyo nte erɔŋ: kpukpru nnyin ikabare iduk ke usuŋ nnyin; ndien Jehovah ada idiɔk ido nnyin kpukpru odori enye ke idem.

EZEKIEL 4:4

Afo nyuŋ na ke ŋkaŋ fo ufien, nyuŋ dori enye idiɔk ido ufɔk Israel: afo eyebiom idiɔk ido mmɔ ekem ke ibat usen eke afo edinade ke esit.

LEVITICUS 10:17

Enam didie mbufo mitaha uwa idiɔk ido ke edisana ebiet: koro enye edide ata edisana? Enye (Abasi) ama onyuŋ ada enye ɔnɔ mbufo ete, Mbufo ebiom idiɔk ido ofuri esop, man esio isop enɔ mmɔ ke iso Jehovah.

LEVITICUS 22:16

ekunyuŋ esin mmɔ ebiom ukwaŋ-ŋkpɔ isop, ke ini mmɔ ediade edisana ŋkpɔ mmɔ: koro edi ami Jehovah nnim mmɔ ke edisana.

LEVITICUS 22:9

Yak mmɔ enim ndien mme ewuhɔ mi, man ekubiom idiɔk-ŋkpɔ ke esit, ekunyuŋ ekpa ebaŋa enye; ami Jehovah nnim mmɔ ke edisana.

NUMBERS 14:34

Ke adaŋa ibat usen oro mbufo ekedade eyep isɔŋ, kpa usen aba oro, usen kiet isua kiet, usen kiet isua kiet, ke mbufo edibiom mme ukwaŋ-ŋkpɔ mbufo, kpa isua aba, ndien mbufo eyefiɔk asua mi.

NUMBERS 16:10

Enye ama onyuŋ ada fi ye kpukpru nditɔ usɔ, nditɔ Levi ŋko, adian ke idem: ndien mbufo emɔŋ eyom itie oku ŋko.

NUMBERS 17:13

Kpukpru mmɔ eke esaŋade ekpere ebiet-iduŋ Jehovah eyekpaŋa: nte nnyin imɔŋ ikpaŋa kpukpru ima?

NUMBERS 17:3

Afo nyuŋ wet enyiŋ Aaron sin ke esaŋ Levi: koro esaŋ kiet editiede ke ibuot ufɔk mme ete mmɔ.

NUMBERS 17:7

Ndien Moses ada mme esaŋ oro okonim ke iso Jehovah ke efe ntiense.

NUMBERS 18:11

Emi ŋko onyuŋ edi okuo; edimenere uwa enɔ mi, ye kpukpru edifuŋ uwa nditɔ Israel: mmada mmɔ nnɔ fi, ye nditɔ-iren fo, ye nditɔ-iban fo ŋko, ke nsinsi ewuhɔ: yak kpukpru edisana owo ke ufɔk fo eta enye.

NUMBERS 3:6

ete, Da esien Levi di ken, nyuŋ nim mmɔ ke iso Aaron oku, man enam ŋkpɔ enɔ enye.

DEUTERONOMY 10:8

Ke ini oro Jehovah adianare esien Levi, ete ebiom ekebe ediomi Jehovah, enyuŋ eda ke iso Jehovah, ndinam ŋkpɔ esie, nnyuŋ nda enyiŋ esie ndiɔŋ, tutu osim mfin emi.

MME HEBREW 13:17

Ekop uyo mme andida mbufo usuŋ, enyuŋ esuk ibuot enɔ mmɔ; koro mmɔ ekpemede eyom ufɔn ukpɔŋ mbufo, nte mmɔ emi enyenede ndinɔ Abasi ibat; man mmɔ enam utom ke idara, ekunam ke mfuhɔ; koro emi midorike udori inɔ mbufo.

MME HEBREW 4:15

Koro nnyin minyeneke Akwa Oku eke mikemeke nditiene nnyin ŋkut mmem-idem nnyin; edi Akwa Oku emi okokutde idomo ke kpukpru nde kpa nte nnyin, edi minyeneke idiɔk-ŋkpɔ.

1 PETER 2:24

Enye ke Idem Esie obiom mme idiɔk-ŋkpɔ nnyin ke ikpɔhidem Esie ke eto, man nnyin ikpakpa ikpɔŋ idiɔk-ŋkpɔ, inyuŋ idu uwem inɔ edinen ido.

JUDGES 17:12

Micah onyuŋ ɔyɔhɔ Levite ubɔk: ndien akparawa oro akabare edi oku esie; enye onyuŋ oduŋ ke ufɔk Micah.