NUMBERS 17:5 - Edisana ñwed Abasi Ibom

⁵ Ndien ama ekem esaŋ owo eke ndimekde, eyesehe: ntem ke ndisuk nsukuyo nditɔ Israel emi mmɔ esukde mbufo, nnam enye ɔkpɔŋ mi.

NUMBERS 17:5 ပူးပေါင်းရင်းမြစ်များ

2 CHRONICLES 26:16

Ekem adaŋemi enye ɔsɔŋɔde ntre, esit esie akabare okpon, esin enye ɔdiɔk, ndien enye edue Jehovah Abasi esie, onyuŋ oduk ke temple Jehovah ndifɔp incense ke itie ufɔp incense.

EZRA 2:62

mmɔ emi eyom ŋwed ubon mmɔ edi ikwe: ndien esio mmɔ ke itie oku nte mme andidehe.

ŊWED MME PSALM 105:26

Enye ɔdɔŋ Moses owo esie utom; ye Aaron emi enye ekemekde.

EXODUS 16:7

ndien ke usenubɔk, mbufo eyekut ubɔŋ Jehovah; koro enye okopde uyo emi mbufo esukde Jehovah; ndien nnyin idi mme anie, eke mbufo esukde nnyin uyo?

ISAIAH 11:1

NDIEN nsehe kiet eyetibe ke etak eto Jesse, ŋkɔk eyenyuŋ asiaha ke oruŋ esie.

ISAIAH 13:11

Ndien nyeda ufen ntiene ererimbot mbaŋa idiɔk ido mmɔ, ntiene mme idiɔk owo mbaŋa mme ukwaŋ-ŋkpɔ mmɔ; ndien nyenam iseri mme ɔsɔŋ-enyin etre, nnyuŋ nsuhɔre mme ntaŋidem mbon afai.

ISAIAH 27:6

Ke eyo emi edide, Jacob eyemum oruŋ ke isɔŋ: Israel eyesehe onyuŋ asiaha ikɔŋ, onyuŋ ada mbuŋwum ɔyɔhɔ ke iso ererimbot.

ISAIAH 5:24

Mmɔdo nte edemikaŋ atade etak nnyanyaŋa, ye nte edisak mbiet ɔduɔde, kpa ntre oruŋ mmɔ edibiet mbumbu eto, ikɔŋ mmɔ eyenyuŋ ɔdɔk nte obu: koro mmɔ emende ibet Jehovah mme udim eduɔk, enyuŋ esinde uyo Edisana Abasi Israel ke ndek.

EZEKIEL 16:41

enyuŋ efɔp ufɔk fo ke ikaŋ, enyuŋ enɔ fi ufen ke iso ediwak iban; ndien nyenam fi etre ndisin efibe, ndien afo udunɔŋɔ aba utip.

EZEKIEL 23:27

Ndien nyanam oburobut ido fo etre ke idem fo, nnam use fo emi otode isɔŋ Egypt etre, ndien afo udumenekede enyin fo use mmɔ, udunyuŋ utihi aba Egypt.

HOSEA 14:5

Nyenam ye Israel nte mbara: enye eyesiaha nte lily, onyuŋ omum oruŋ esie nte Lebanon.

NUMBERS 1:51

Ndien ke ini eyomde ndiwuhɔre ebiet-iduŋ, mme Levite ewuri enye: ndien ŋko ke eyomde ebiet-iduŋ ndiwuk, mme Levite enyuŋ eneŋere enye ewuk; ndien esen owo eke asaŋade ekpere enyene ndikpa.

NUMBERS 11:1

NDIEN adaŋemi mbio oro enamde nsukuyo, ɔdiɔk Jehovah ke utɔŋ: ndien Jehovah okop, onyuŋ ayat esit; ikaŋ Jehovah onyuŋ obumere ke otu mmɔ, onyuŋ ata owo ke utit nna.

NUMBERS 16:11

Edi emi esin fi ye nsaŋa fo esop idem enam ikɔ ye Jehovah: ndien Aaron edi anie eke mbufo esukde enye uyo?

NUMBERS 16:5

Ndien ɔdɔhɔ Korah, ye kpukpru nsaŋa esie, ete, Eyo esiere, Jehovah eyewut eke edide esiemɔ, ye eke onyuŋ asanade: eyenyuŋ ada enye adian ke idem: enye eyeda owo eke enye edimekde adian ke idem.

NUMBERS 17:10

Ekem Jehovah ɔdɔhɔ Moses, ete Da, esaŋ Aaron fiak dinim ke iso ŋkpɔ-ntiense, man enye etie ke idiɔŋɔ ɔnɔ mbon nsɔŋ-ibuot; ntem ke afo edimen ofuri nsuk-uyo mmɔ ke iso mi efep, mbak mmɔ edikpaŋa.

NUMBERS 17:6

Ndien Moses ɔdɔhɔ ye nditɔ Israel, ndien kpukpru mme ikpɔ owo mmɔ kiet kiet enɔ enye esaŋ kiet, ke akwa owo kiet, ke adaŋa ibat owo mme ete mmɔ, esaŋ duopeba: esaŋ Aaron onyuŋ esine ke otu mme esaŋ mmɔ.

NUMBERS 17:8

Edikem ke eyo esierede, Moses ediduk ke efe ntiense; ndien, sese, esaŋ Aaron eke ufɔk Levi esehe, onyuŋ asiaha ikɔŋ, onyuŋ osioŋo mfri, ndien oŋwum almond.

1 ŊWED CORINTH 10:10

Mbufo ekunyuŋ esuk uyo, nte ndusuk mmɔ ekesukde, enyuŋ etakde ke ubɔk andisobo.

JOSHUA 4:7

Ndien mbufo edibɔrɔ mmɔ ete, Mmɔŋ Jordan ama ekekpehe ke iso ekebe ediomi Jehovah; adaŋaemi enye ebede Jordan, mmɔŋ Jordan ekpehe: ndien mme itiat emi eyena ke editi ŋkpɔ nditɔ Israel ke nsinsi.