NUMBERS 17:10 - Edisana ñwed Abasi Ibom

¹⁰ Ekem Jehovah ɔdɔhɔ Moses, ete Da, esaŋ Aaron fiak dinim ke iso ŋkpɔ-ntiense, man enye etie ke idiɔŋɔ ɔnɔ mbon nsɔŋ-ibuot; ntem ke afo edimen ofuri nsuk-uyo mmɔ ke iso mi efep, mbak mmɔ edikpaŋa.

NUMBERS 17:10 ပူးပေါင်းရင်းမြစ်များ

ŊWED MME PSALM 57:4

Ukpɔŋ mi odu ke otu mme lion: nyena ke otu mmɔ eke esakde nte ikaŋ, kpa nditɔ owo emi edet mmɔ edide eduat ye idaŋ, ndien edeme mmɔ edi edisɔp ofut.

EXODUS 16:32

Ndien Moses ɔdɔhɔ ete, Ŋkpɔ emi ke Jehovah okowuk, ete, Mbufo esin enye ke omer eyɔhɔ, enim enɔ mme emana mbufo; kpaŋ mmɔ ekpekut udia emi mbɔkde mbufo ke wilderness, ke ini ŋkadade mbufo nto ke isɔŋ Egypt.

EXODUS 16:34

Nte emi Jehovah eketemede Moses, kpa ntre ke Aaron onim enye ke iso ŋkpɔ-ntiense, ete ekpeme enye.

ISAIAH 1:2

Mbufo enyɔŋ ekop, isɔŋ nyuŋ kpaŋ utɔŋ: koro Jehovah ɔdɔhɔde: Mbɔk, nnyuŋ ŋkɔ nditɔ, ndien mmɔ emekabare esɔŋ ibuot ye ami.

HOSEA 10:9

O Israel, afo emedue toto ke ini Gibeah: mmɔ esuk ededa do: ekɔŋ oro ekeŋwanade ke Gibeah ye nditɔ mme ukwaŋ-ŋkpɔ ikesimke mmɔ.

NUMBERS 14:5

Ndien Moses ye Aaron eduɔ ke isɔŋ ekubi iso mmɔ ke iso ofuri esop nditɔ Israel emi ekebonode.

NUMBERS 16:21

Mbufo edianare idem mbufo ke esop emi, ndien nyesobo mmɔ ini kiet.

NUMBERS 16:38

Kpa mme censer mbon emi ediɔkde ye ukpɔŋ mmɔ, ndien yak edom mbat-mbat, eda efuk itie uwa: koro mme mmɔ oro ekedade mmɔ edi ke iso Jehovah, mmɔdo mmɔ edide edisana: ndien mmɔ edidi idiɔŋɔ nditɔ Israel

NUMBERS 16:40

Man edi ŋkpɔ eriti nditɔ Israel, man esen owo, emi mitoho ke ubon Aaron, okusaŋa ekpere ndifɔp incense ke iso Jehovah; man okutie nte Korah ye mme nsaŋa esie: kpa nte emi Jehovah ɔkɔdɔhɔde enye ke ubɔk Moses.

NUMBERS 17:11

Ndien Moses anam ntre, kpa nte emi Jehovah eketemede enye, ntem ke enye akanam.

NUMBERS 17:4

Ndien nim mmɔ ke efe esop ke iso ŋkpɔ-ntiense, emi ndisobode ye mbufo do.

NUMBERS 17:9

Ndien Moses ataŋ kpukpru esaŋ oro ke iso Jehovah ɔwɔrɔ edisɔk kpukpru nditɔ Israel: ndien mmɔ ese, kpukpru owo enyuŋ eda esaŋ mmɔ.

NUMBERS 20:9

Ekem Moses emen esaŋ oro efep ke iso Jehovah, kpa nte Enye eketemede enye.

NUMBERS 4:18

Mbufo ekusibe esien ye mme ufɔk mme Kohathite ke otu nditɔ Levi efep:

1 ŊWED CORINTH 10:10

Mbufo ekunyuŋ esuk uyo, nte ndusuk mmɔ ekesukde, enyuŋ etakde ke ubɔk andisobo.

ŊWED MBON EPHESUS 5:6

Ekuyak owo ada ikpikpu ikɔ abiaŋa mbufo; koro ke ntak ido emi iyaresit Abasi etiene nditɔ ntut-utɔŋ.

DEUTERONOMY 9:24

Mbufo esuk esɔsɔŋ ibuot ye Jehovah, toto ke usen emi ŋkɔfiɔkde mbufo.

DEUTERONOMY 9:7

Ti, kufre nte afo akayatde Jehovah Abasi fo esit ke wilderness: ɔtɔŋɔde ke usen emi afo otode ke isɔŋ Egypt, tutu mbufo edisim ebiet emi, mbufo emesɔŋ ibuot ye Jehovah.

MME HEBREW 9:4

emi enyenede ŋkpɔ ufɔp-incense o-gold, ye ekebe ediomi emi edade gold efuk ekanare ekuk, emi eso o-gold emi mana esinede ke esit,

1 SAMUEL 2:12

Ndien nditɔ Eli edi oburobut owo; mmɔ ifiɔkke Jehovah.

1 SAMUEL 30:22

Ndien kpukpru mme idiɔk ye mme oburobut owo ke otu mbio oro ekesaŋede ye David, ebɔrɔ, ete, Koro mmɔ mikasaŋake ye nnyin, nnyin ikunɔ mmɔ ubak mbume emi nnyin ikanyaŋade, ke mibɔhɔke nnyin ndinɔ kiet kiet ŋwan esie ye nditɔ esie, man eda mmɔ enyɔŋ.