NUMBERS 16:5 - Edisana ñwed Abasi Ibom

⁵ Ndien ɔdɔhɔ Korah, ye kpukpru nsaŋa esie, ete, Eyo esiere, Jehovah eyewut eke edide esiemɔ, ye eke onyuŋ asanade: eyenyuŋ ada enye adian ke idem: enye eyeda owo eke enye edimekde adian ke idem.

NUMBERS 16:5 ပူးပေါင်းရင်းမြစ်များ

ŊWED MME PSALM 105:26

Enye ɔdɔŋ Moses owo esie utom; ye Aaron emi enye ekemekde.

ŊWED MME PSALM 115:10

O Ufɔk Aaron, mbufo ebuɔt idem ye Jehovah: enye edi andinyaŋa mmɔ ye otu-ekɔŋ mmɔ.

ŊWED MME PSALM 65:4

Ɔfɔfɔn ɔnɔ owo eke afo edimekde, onyuŋ anamde asaŋa ekpere fi, man enye oduŋ ke okure fo: nnyin iyeyuhɔ ufɔn ufɔk fo, ye eke edisana temple fo.

EXODUS 28:1

NDIEN afo sio Aaron eyen-uka, ye nditɔ-iren esie ŋko, ke otu nditɔ Israel, dian idem, man mmɔ eda oku mi, kpa Aaron, ye Nadab, ye Abihu, ye Eleazar, ye Ithamar nditɔ Aaron

EXODUS 28:41

Nyuŋ da mmɔ sine Aaron eyen-uka, ye nditɔ esie ŋko ke idem; ndien yet mmɔ aran ke idem, nyuŋ yɔhɔ mmɔ ubɔk, nyuŋ nam mmɔ esana man eda oku mi.

EXODUS 28:43

Ndien yak Aaron ye nditɔ esie esine mmɔ ke idem, ke ini mmɔ edukde ke tent esop, ye ke ini mmɔ edide ke itie-uwa ndinam ŋkpɔ ke edisana ubet, man ekudue isop, ekunyuŋ ekpa: eyedi nsinsi ewuhɔ ɔnɔ enye, ye nditɔ esie eke editienede enye ke edem.

JEREMIAH 30:21

Ndien ɔbɔŋ mmɔ eyeto ke otu idem mmɔ: andikara mmɔ eyenyuŋ oto ke ufɔt mmɔ ɔwɔrɔ; ndien ami nyeyak enye asaŋa ekpere, ndien enye eyesim mi: koro anie owo edi emi onimde esit esie ubiɔŋ man osim mi?

JEREMIAH 49:19

Sese, enye eyeto ke iseri Jordan nte lion, ɔdɔk aka ke iduŋ ata ɔkpɔsɔŋ: koro nyeyip enyin nnam enye oto ke esit efehe ndien anie edi edimek owo eke ndinimde ke etubom esie? Koro anie ebiet mi? Anie edinyuŋ odori ini ɔnɔ mi? Anie owo onyuŋ edi ɔbɔk ufene eke edidade ke iso mi?

JEREMIAH 50:44

Sese, enye eyeto ke iseri Jordan nte lion, ɔdɔk aka ke iduŋ ata ɔkpɔsɔŋ: koro nyeyip enyin nnam enye oto ke esit efehe, ndien anie edi edimek owo eke ndinimde ke etubom esie? Koro anie ebiet mi? Anie edinyuŋ odori ini ɔnɔ mi? Anie owo onyuŋ edi ɔbɔk ufene eke edidade mi ke iso?

EZEKIEL 40:46

Ndien ubet emi esede edem edere enyene mme oku emi esaŋade utom itie-uwa: mme mmɔ emi edi nditɔ Zadok emi etode ke nditɔ Levi esaŋa ekpere Jehovah ndinam ŋkpɔ nnɔ enye.

EZEKIEL 43:19

Ndien da enye nɔ mme oku mme Levite emi edide ubon Zador, emi esaŋade ekpere mi ndinam ŋkpɔ mi, abak-enaŋ eyen ufene ke uwa idiɔk ido: uyo Ɔbɔŋ Jehovah edi emi.

EZEKIEL 45:4

Edisana ubak isɔŋ emi edinyene mme oku emi enamde ŋkpɔ edisana ebiet, emi esaŋade ekpere edinam ŋkpɔ Jehovah; ndien enye eyedi ebiet mmɔ ke eke ufɔk; onyuŋ edi edisana ebiet ke eke edisana ubet.

LEVITICUS 10:3

Ndien Moses ɔdɔhɔ Aaron ete, Emi edi se Jehovah ɔdɔhɔde ete, Kpukpru mmɔ eke esaŋade ekpere mi, enyene ndise mi ke edisana, enyuŋ enyene ndikpono mi ke iso kpukpru owo. Ndien Aaron odop uyo.

LEVITICUS 8:2

ye aran-nyere, ye abak ayara enaŋ uwa idiɔk ido, ye okukim iba, ye akpan uyo eke leaven miduhe;

MALACHI 3:18

Ndien mbufo eyetɔŋɔ ntak ekut nte eti ye idiɔk esaŋade isio, ye nte anam ŋkpɔ Abasi ye owo eke minamke ŋkpɔ esie esaŋade isio.

NUMBERS 16:3

Ndien mmɔ esop idem enam ikɔ ye Moses ye Aaron, ekedɔhɔ mmɔ, ete, Eke mbufo ekem ke adaŋa oro: koro ofuri esop kpukpru edide edisana, Jehovah onyuŋ odu ke otu mmɔ ŋko: nsinam ndien mbufo emende idem mbufo ke enyɔŋ ntre ekan esop Jehovah.

NUMBERS 16:6

Mbufo enam ntem; mbufo Korah ye ofuri nsaŋa esie eda censer;

NUMBERS 17:5

Ndien ama ekem esaŋ owo eke ndimekde, eyesehe: ntem ke ndisuk nsukuyo nditɔ Israel emi mmɔ esukde mbufo, nnam enye ɔkpɔŋ mi.

NUMBERS 17:8

Edikem ke eyo esierede, Moses ediduk ke efe ntiense; ndien, sese, esaŋ Aaron eke ufɔk Levi esehe, onyuŋ asiaha ikɔŋ, onyuŋ osioŋo mfri, ndien oŋwum almond.

JOHN 15:16

Idige mbufo ekemek Mi, edi Ami ŋkemek mbufo nnyuŋ nnim nte mbufo eka ekeŋwum mfri, mfri mbufo okponyuŋ osuk odu: man Ete ɔkpɔnɔ mbufo ŋkpɔ ekededi eke edibeŋede Enye ke enyiŋ Mi.

UTOM MME APOSTLE 1:2

tutu osim usen oro emende Enye edɔk ke enyɔŋ, ke Enye ama ɔkɔnɔ mme apostle emi Enye ekemekde item oto ke Edisana Spirit:

UTOM MME APOSTLE 1:24

Mmɔ enyuŋ ebɔŋ akam ete, Afo, ɔbɔŋ, emi ɔfiɔkde esit kpukpru owo, wut enye emi ekemekde ke otu owo iba emi,

UTOM MME APOSTLE 13:2

Edi nte mmɔ enamde ŋkpɔ enɔ Ɔbɔŋ, enyuŋ etrede udia, Edisana Spirit ɔdɔhɔ mmɔ ete, Edianare Barnabas ye Saul enɔ Mi, man mmɔ enam utom oro ŋkokotde mmɔ nnɔ.

UTOM MME APOSTLE 15:7

Edi ke mmɔ ema ekeneni ediwak eneni, Peter adaha ke enyɔŋ ɔdɔhɔ mmɔ ete, Nditɔ-ete, mbufo emefiɔk ete tutuko Abasi ekemek ke otu mbufo, ete oto ke inua mi mme Gentile ekpekop ikɔ gospel, enyuŋ enim ke akpanikɔ.

UTOM MME APOSTLE 22:14

Enye onyuŋ ɔdɔhɔ ete, Abasi mme ete nnyin omonim fi ete ɔfiɔk uduak Imɔ, onyuŋ okut Enye emi enende, onyuŋ okop ikɔ eke otode Enye ke inua.

ŊWED MBON EPHESUS 2:13

Edi ke emi, ke Christ Jesus, ema enam mbufo, emi ekadade nsan-nsan ke ini oko, esaŋa ekpere ke iyip Christ.

2 ŊWED TIMOTHY 2:19

Edi ɔkpɔsɔŋ isɔŋ, eke Abasi okowukde ufɔk Esie ke esit, ɔsɔŋɔ ada; ndien enyene idiɔŋɔ ke esit ntem, ete, Abasi ɔmɔfiɔk mmɔ emi enyenede Enye; Ye, Yak kpukpru owo emi esemede ekot enyiŋ Ɔbɔŋ edianare ekpɔŋ ukwaŋkpɔ.

MME HEBREW 12:14

Etiŋ enyin esaŋa ke emem ye kpukpru owo; enyuŋ esaŋa ke edisana ido; koro esiode oro efep, baba owo kiet idikwe Ɔbɔŋ.

ERIYARARE 1:6

Enye omonyuŋ anam nnyin idi obio Ubɔŋ, idi mme oku inɔ Abasi ye Ete Esie; enɔ Enye ubɔŋ ye erikara ekondo ke nsinsi-nsinsi. Amen.

1 SAMUEL 2:28

Ŋkonyuŋ mmek enye ŋko ke otu kpukpru mme esien Israel, nnim ke oku mi, man enye ɔfɔp uwa ke itie uwa mi, onyuŋ ɔfɔp incense, onyuŋ esine ephod ke iso mi. Ŋkonyuŋ nda kpukpru mme uwa ikaŋ nditɔ Israel nnɔ ufɔk usɔ.