NUMBERS 16:38 - Edisana ñwed Abasi Ibom

³⁸ Kpa mme censer mbon emi ediɔkde ye ukpɔŋ mmɔ, ndien yak edom mbat-mbat, eda efuk itie uwa: koro mme mmɔ oro ekedade mmɔ edi ke iso Jehovah, mmɔdo mmɔ edide edisana: ndien mmɔ edidi idiɔŋɔ nditɔ Israel

NUMBERS 16:38 ပူးပေါင်းရင်းမြစ်များ

1 NDIDEM 2:23

Ndien edidem Solomon otomo Jehovah, ete, Ntem ke Abasi edinam mi, ntem ke onyuŋ anam aka iso, Adonijah mikosuk idɔhɔke ikɔ emi ituk uwem esiemɔ.

MME ŊKE 1:18

Edi mme mmɔ edibe ebet iyip idem mmɔ; etie ebet ukpɔŋ idem mmɔ.

MME ŊKE 20:2

Ndik edidem ebiet ŋkuni lion: owo eke ayatde enye esit ɔdiɔk ye ukpɔŋ esiemɔ.

MME ŊKE 8:36

Edi owo eke eduede mi abiat ukpɔŋ esiemɔ: kpukpru mmɔ eke esuade mi, ema mkpa.

JEREMIAH 44:7

Ndien kemi ntem ke Jehovah Abasi mme udim Abasi Israel ɔdɔhɔ, ete, Mbufo enam didie enam akamba idiɔk-ŋkpɔ etuk idem mbufo, ke esibe mbufo eren ye ŋwan, eyenɔwɔŋ ye eyen nsek efep ke Judah, ekusuhɔ baba nsuhɔ enɔ idem mbufo?

EZEKIEL 14:8

ndien nyewuk iso mi nse owo oro, nnyuŋ nnim enye ke idiɔŋɔ ye ke ufiet, nnyuŋ nsibe enye ke otu ikɔt mi mfep; ndien mbufo eyefiɔk ete ke ami ndi Jehovah.

HABAKKUK 2:10

man enye ɔbɔhɔ ubɔk idiɔk-ŋkpɔ! Afo amaduak but ɔnɔ ufɔk fo ke erikpok ediwak owo,

NUMBERS 16:37

Dɔhɔ Eleazar eyen Aaron oku, ete enye osio mme censer oro ke esit ikaŋ efep, afo nyuŋ da ikaŋ kɔduɔk nsan-nsan: koro mmɔ edide edisana:

NUMBERS 16:39

Ndien Eleazar oku ada mme censer okpoho, emi mme mmɔ emi eketade ikaŋ ekedade edi; ndien edom mmɔ mbat-mbat eda efuk itie-uwa:

NUMBERS 16:40

Man edi ŋkpɔ eriti nditɔ Israel, man esen owo, emi mitoho ke ubon Aaron, okusaŋa ekpere ndifɔp incense ke iso Jehovah; man okutie nte Korah ye mme nsaŋa esie: kpa nte emi Jehovah ɔkɔdɔhɔde enye ke ubɔk Moses.

NUMBERS 17:10

Ekem Jehovah ɔdɔhɔ Moses, ete Da, esaŋ Aaron fiak dinim ke iso ŋkpɔ-ntiense, man enye etie ke idiɔŋɔ ɔnɔ mbon nsɔŋ-ibuot; ntem ke afo edimen ofuri nsuk-uyo mmɔ ke iso mi efep, mbak mmɔ edikpaŋa.

NUMBERS 26:10

ndien isɔŋ atat inua esie emen mmɔ ye Korah, ke ini udim oro ekpaŋade, ke ini ikaŋ atade owo ikie iba ye aba ye duop: ndien mmɔ ekabare edi idiɔŋɔ.

1 ŊWED CORINTH 10:11

Mme ŋkpɔ emi ekɔwɔrɔ mmɔ, man edi uwut-ŋkpɔ enɔ owo; ekenyuŋ ewet mmɔ ndida nteme nnyin, emi utit mme eyo ama osim nnyin.

2 PETER 2:6

edieke Enye onyuŋ ɔfɔpde mme obio Sodom ye Gomorrah ekabare ntɔŋ, ke ini Enye adade nsobo obiom mmɔ ikpe onyuŋ anamde mmɔ edi uwut-ŋkpɔ ɔnɔ mmɔ eke midibakke Abasi;