NUMBERS 16:14 - Edisana ñwed Abasi Ibom

¹⁴ Afo uka unyuŋ udaha nnyin uduk ke isɔŋ emi ɔfiɔrɔde mmɔŋ-eba ye aran-ɔkwɔk, uka unyuŋ unɔŋɔ nnyin iŋwaŋ ye iŋwaŋ vine ŋko inyene: nte afo oyom nditibi mbon emi enyin? Nnyin idige.

NUMBERS 16:14 ပူးပေါင်းရင်းမြစ်များ

EXODUS 22:5

Edieke owo esinde ete eta iŋwaŋ mme iŋwaŋ vine, onyuŋ ebin ufene esie esin, aka akata ke iŋwaŋ owo efen; yak enye ada ŋkpɔ eke edide ata eti ke iŋwaŋ esie, ye ke iŋwaŋ vine esie ɔnɔ ke usiene.

EXODUS 23:10

Ndien tɔ iŋwaŋ fo ke ofuri isua itiokiet, nyuŋ taŋ mbuŋwum esie:

EXODUS 23:11

edi ke ɔyɔhɔ isua itiaba yak enye ɔduɔk odudu, onyuŋ ana suŋ; kpaŋ mme ubuene obio mbufo ekpedia: ndien yak mme unam ikɔt eta se mmɔ esuhɔde. Nam kpa ntre ye iŋwaŋ vine fo, ye iŋwaŋ olive fo.

EXODUS 3:17

Mmonyuŋ ndɔhɔ nte, Nyesio mbufo ke ukut Egypt, nda ŋka isɔŋ mme Canaanite, ye mme Hittite, ye mme Amorite, ye mme Perizzite, ye mme Hivite, ye mme Jebusite, ke isɔŋ emi ɔfiɔrɔde mmɔŋ-eba ye aran-ɔkwɔk.

EXODUS 3:8

mmonyuŋ nsuhɔre ndisio mmɔ nditɔ Egypt ke ubɔk, ndinyuŋ nda mmɔ ŋwɔrɔ ke isɔŋ oro, ndɔk ŋka isɔŋ emi ɔfɔnde, onyuŋ aŋwaŋade, ke isɔŋ emi ɔfiɔrɔde mmɔŋ-eba ye aran-ɔkwɔk; ke ɔtɔ mme Canaanite, ye mme Hittite, ye mme Amorite, ye mme Perizzite, ye mme Hivite, ye mme Jebusite.

LEVITICUS 20:24

Ŋkonyuŋ ndɔhɔ mbufo, nte mbufo eyeda isɔŋ mmɔ enyene, ami nyenyuŋ nda enye nnɔ mbufo enyene, isɔŋ emi ɔfiɔrɔde mmɔŋ-eba ye aran-ɔkwɔk: ami ndi Jehovah Abasi mbufo, emi ndianarede mbufo ke mme idut efen.

NUMBERS 13:27

Ndien mmɔ edɔhɔ enye, ete, Nnyin ima isim ke isɔŋ emi afo ɔkɔdɔŋde nnyin ete ika, ndien ke akpanikɔ enye ɔfɔfiɔrɔ mmɔŋ-eba ye aran-ɔkwɔk; emi onyuŋ edi mfri esie.

NUMBERS 14:8

Edieke nnyin inemde Jehovah esit, enye eyeda nnyin oduk ke isɔŋ oro, onyuŋ ada enye ɔnɔ nnyin; isɔŋ emi ɔfiɔrɔde mmɔŋ-eba ye aran-ɔkwɔk.

NUMBERS 20:5

Ndien nsinam mbufo ekenyuŋ enamde nnyin iwɔŋɔ ke Egypt, enyuŋ eda nnyin eduk ke idiɔk ebiet emi? Idige ebiet mkpasip, inyuŋ idige ebiet eto fig, ye vine eke pomegranate; mmɔŋ eke iŋwɔŋde inyuŋ iduhe.

JUDGES 16:21

Ndien mme Philistine emum enye, enyuŋ etibe enye enyin, enyuŋ eda enye esuhɔre ke Gaza, ndien ekɔbi enye ke ibuka okpoho, ndien enye etie ke ufɔk ŋkpɔkɔbi ɔkɔk.

1 SAMUEL 11:2

Ndien Nahash eyen Ammon ɔbɔrɔ mmɔ, ete, Ntem ke ndinyime ndinam ediomi ye mbufo, mma ntibi mbufo kpukpru enyin nnasia, nnyuŋ nda enye ndori ofuri Israel ke esuene.