NUMBERS 15:21 - Edisana ñwed Abasi Ibom

²¹ Mbufo eda ndusuk akpa ibokpot emi ekɔkde, enɔ Jehovah ke edimenere uwa, ke ofuri emana mbufo.

NUMBERS 15:21 ပူးပေါင်းရင်းမြစ်များ

NEHEMIAH 10:38

Ndien oku eyen Aaron eyedu ye mme Levite ke ini mme Levite edade ɔyɔhɔ mbak duop: ndien mme Levite edisio ɔyɔhɔ ubak duop ke ɔyɔhɔ mbak duop oro eda edi ke ufɔk Abasi nnyin, esin ke ubet ke ufɔk-unim-ŋkpɔ.

EXODUS 23:19

Da akpa mbem-iso akpan mbuŋwum iŋwaŋ fo sɔk ke ufɔk Jehovah Abasi fo. Kutem eyen ebot ke mmɔŋ-eba eka esie.

EXODUS 29:28

ndien enye eyedi se Aaron ye nditɔ esie edibɔde nditɔ Israel ke nsinsi ewuhɔ: koro edide edimenere uwa: ndien eyebɔ nditɔ Israel edimenere uwa, esio ke uwa emem mmɔ, edimenere uwa eke mmɔ enɔde Jehovah.

EZEKIEL 44:30

Mme akpa-ubak kpukpru oruk ŋkpɔ eke edide mbemiso, ye kpukpru edimenere uwa kpukpru oruk ŋkpɔ eke otode ke mme edimenere uwa mbufo, eyenyene mme oku: mbufo enyuŋ eda akpa-ubak ndom ibokpot mbufo enɔ mme oku, man ufɔn osuk ana ke ufɔk mbufo.

LEVITICUS 23:14

Ndien mbufo ekuta uyo, ekunyuŋ eta edifɔp ibokpot, ye ŋkim mbuot, tutu ekem ke idem usen eke mbufo edade uwa edisɔk Abasi mbufo: emi edidi nsinsi ewuhɔ ke kpukpru emana mbufo, ke kpukpru ebiet iduŋ mbufo.

NUMBERS 15:20

Mbufo eda akpa ibokpot emi ekɔkde, enam uyo kiet, emenere ke edimenere uwa: mbufo emenere enye kpa nte ekam emenerede uwa ubek ibokpot.

NUMBERS 15:22

Ndien edieke mbufo eduede, minyuŋ inimke kpukpru mbet emi Jehovah ɔkɔdɔhɔde Moses,

NUMBERS 18:26

ete mmɔ, Ke adaŋemi mbufo ebɔde nditɔ Israel ɔyɔhɔ ubak duop emi ŋkɔbɔde mmɔ nnɔ mbufo ke udeme mbufo, mbufo esio ndien ɔyɔhɔ ubak duop ke esit, kpa ke ɔyɔhɔ ubak duop oro, emen enɔ Jehovah ke edimenere uwa.