NUMBERS 15:20 - Edisana ñwed Abasi Ibom

²⁰ Mbufo eda akpa ibokpot emi ekɔkde, enam uyo kiet, emenere ke edimenere uwa: mbufo emenere enye kpa nte ekam emenerede uwa ubek ibokpot.

NUMBERS 15:20 ပူးပေါင်းရင်းမြစ်များ

NEHEMIAH 10:37

ke nnyin inyuŋ ida akpa edikɔk ibokpot nnyin, ye edimenere uwa nnyin, ye mfri kpukpru oruk eto, ye wine, ye aran, isɔk mme oku ke ubet-unim-ŋkpɔ ufɔk Abasi nnyin; inyuŋ inɔ mme Levite ɔyɔhɔ mbak iŋwaŋ nnyin duop, man mme Levite oro enyuŋ eda ɔyɔhɔ mbak duop ke kpukpru obio eke nnyin inamde utom iŋwaŋ.

EXODUS 23:19

Da akpa mbem-iso akpan mbuŋwum iŋwaŋ fo sɔk ke ufɔk Jehovah Abasi fo. Kutem eyen ebot ke mmɔŋ-eba eka esie.

EXODUS 34:26

Da akpa obufa mbuŋwum isɔŋ fo sɔk ke ufɔk Jehovah Abasi fo. Kutem eyen ebot ke mmɔŋ eba eka esie.

EZEKIEL 44:30

Mme akpa-ubak kpukpru oruk ŋkpɔ eke edide mbemiso, ye kpukpru edimenere uwa kpukpru oruk ŋkpɔ eke otode ke mme edimenere uwa mbufo, eyenyene mme oku: mbufo enyuŋ eda akpa-ubak ndom ibokpot mbufo enɔ mme oku, man ufɔn osuk ana ke ufɔk mbufo.

LEVITICUS 2:12

Ama edi enɔ akpa mfri, mbufo edida mmɔ esɔk Jehovah: edi ekudori mmɔ ke itie-uwa ke edinem utebe.

LEVITICUS 2:14

Ndien edieke afo edidade uwa akpa mfri ɔsɔk Jehovah, da mbuot obufa ibokpot eke efɔpde ke ikaŋ, editim mbuŋwum iŋwaŋ, sɔk ke inuak-udia akpa mfri fo.

LEVITICUS 23:10

ete mmɔ, Ke ini mbufo edukde ke isɔŋ emi ami mmɔŋ nnɔ mbufo, enyuŋ ekpeŋede ukpeŋe udia esie, ndien mbufo emen ebek akpasa ukpeŋe mbufo edisɔk oku;

LEVITICUS 23:20

Ndien yak oku ofuŋ mmɔ, ye uyo akpa mfri, ke edifuŋ uwa ke iso Jehovah, ye nditɔ erɔŋ iba: mmɔ edidi edisana ŋkpɔ Jehovah ke eke oku.

NUMBERS 15:21

Mbufo eda ndusuk akpa ibokpot emi ekɔkde, enɔ Jehovah ke edimenere uwa, ke ofuri emana mbufo.

NUMBERS 18:12

Mmada kpukpru akakan aran, ye kpukpru akakan wine, ye wheat, akpa mfri mmɔ eke ediwade enɔ Jehovah, nnɔ fi.

MATTHEW 6:33

Ekam ebem iso eyom Obio Ubɔŋ Esie ye edinen ido Esie; ndien eyedian kpukpru ŋkpɔ emi enɔ mbufo.

ŊWED MBON ROME 11:16

Edieke akpa ubak asanade, ofuri ebok asana kpa ntre: onyuŋ edieke oruŋ asanade, mme ŋkɔk etie kpa ntre.

1 ŊWED CORINTH 15:20

Edi ke akpanikɔ ema enam Christ eset ke mkpa, nte akpa mbuŋwum ke otu mmɔ emi edede idap.

DEUTERONOMY 14:22

Kutre ndi nɔ ɔyɔhɔ ubak duop ke kpukpru se mkpasip fo oŋwumde, eke otode ke inwaŋ fo, kpukpru isua.

DEUTERONOMY 14:23

Nyuŋ tie ke iso Jehovah Abasi fo ke ebiet emi enye edimekde ndinim enyiŋ esiemɔ ke esit, dia ɔyɔhɔ ubak ibokpot fo duop, ye eke obufa wine fo, ye eke aran fo, ye eke akpa nditɔ ufene fo; man afo ekpep ndibak Jehovah Abasi fo kpukpru ini.

DEUTERONOMY 16:13

Nim usɔrɔ mme ataya ke ofuri usen itiaba, ke adaŋemi afo ama akataŋ kpukpru ibokpot fo ye wine fo obok ɔtɔ kiet:

JAMES 1:18

Oto ke uduak Esie ke Enye akada ikɔ akpanikɔ aman nnyin, man nnyin ikpetie nte akpa mbuŋwum ke otu mmɔ emi Enye okobotde.

ERIYARARE 14:4

Mmɔ emi edi owo emi mikasabakere idem ye iban; koro mmɔ mikɔdɔhɔ ndɔ. Emi edi mmɔ emi etienede Eyen-erɔŋ eka ɔtɔ nte Enye akaka. Ekefak mmɔ esio ke otu owo, ete mmɔ edi akpa mbuŋwum enɔ Abasi ye Eyen-erɔŋ.