NUMBERS 15:15 - Edisana ñwed Abasi Ibom

¹⁵ Ɔfɔn mbufo emi edide esop, ye esen owo eke edide oduduŋ ke otu mbufo enim suk ewuhɔ kiet, nsinsi ewuhɔ ke emana mbufo: nte mbufo etiede, kpasuk ntre ke esen owo editie ke iso Jehovah.

NUMBERS 15:15 ပူးပေါင်းရင်းမြစ်များ

ESTHER 9:27

enyuŋ enim enɔ idem mmɔ, ye ubon mmɔ, ye kpukpru owo eke edidiande idem ye mmɔ, ete ekutre ndinim usen mbiba emi, nte asaŋade ke ŋwed mmɔ, ye ini emi mmɔ edoride kpukpru isua;

EXODUS 12:14

Ndien usen emi eyedi usen eke mbufo etide; mbufo enyuŋ enim enye enɔ Jehovah ke usɔrɔ, ke kpukpru emana mbufo; enim enye ke nsinsi ewuhɔ.

EXODUS 12:24

Mbufo enyuŋ enim ŋkpɔ emi ke ewuhɔ fo, ye eke nditɔ fo ke nsinsi.

EXODUS 12:43

Ndien Jehovah ɔdɔhɔ Moses ye Aaron, ete, Emi edi ewuhɔ passover: Esen owo ndomo kiet okudia ke esit:

EXODUS 12:49

Yak enim ido kiet, ekpedi amana do, okponyuŋ edi esen owo eke oduŋde ke otu mbufo.

EXODUS 28:43

Ndien yak Aaron ye nditɔ esie esine mmɔ ke idem, ke ini mmɔ edukde ke tent esop, ye ke ini mmɔ edide ke itie-uwa ndinam ŋkpɔ ke edisana ubet, man ekudue isop, ekunyuŋ ekpa: eyedi nsinsi ewuhɔ ɔnɔ enye, ye nditɔ esie eke editienede enye ke edem.

LEVITICUS 24:22

Mbufo enim ubɔk ido kiet ye esen owo, ye eyen isɔŋ: koro ami ndide Jehovah Abasi mbufo.

NUMBERS 10:8

Ndien edi nditɔ Aaron mme oku edifuri ukorowo oro; yak ana ɔnɔ mbufo ke nsinsi ewuhɔ ke ofuri emana mbufo.

NUMBERS 15:14

Ndien ŋko ke adaŋemi esen owo oduŋde ye mbufo, mme owo ekededi eke edidude ke otu mbufo ke ofuri emana mbufo, ndien oyom ndiwa uwa ikaŋ edinem utebe nnɔ Jehovah; yak enye anam kpasuk nte mbufo enamde.

NUMBERS 15:29

Mbufo enim ubɔk ewuhɔ kiet ye owo emi abiatde mbet ke ndudue, edide amana ke otu nditɔ Israel, onyuŋ edide esen emi oduŋde ke otu mmɔ.

NUMBERS 18:8

Ndien Jehovah ɔdɔhɔ Aaron, ete, Sese, ami ŋko mmɔnɔ, fi ukpeme edimenere uwa mi ke kpukpru edisana ŋkpɔ nditɔ Israel: mmada mmɔ nnɔ fi ye nditɔ fo ke udeme ke nsinsi ewuhɔ.

NUMBERS 9:14

Ndien edieke esen owo ediduŋde ke otu mbufo, onyuŋ oyom ndinim passover nnɔ Jehovah: yak enye anam nte mme ewuhɔ passover, ye ido esie esaŋade: yak esen owo ye amana ke isɔŋ enim ubɔk ido kiet.

ŊWED MBON GALATIA 3:28

Jew ye Greek ikemeke ndidu, ofin ye eyen-isɔŋ ikemeke ndidu, erenowo ye ŋwan inyuŋ ikemeke ndidu; koro kpukpru mbufo edi kiet ke Christ Jesus.

ŊWED MBON COLOSSAE 3:11

emi Greek mme Jew, mme ana mbobi me owo eke minaŋa mbobi, mme owo esit ikɔt, mme owo Scyntia, mme ofin mme eyen-isɔŋ miduhe ke enye, edi Christ edi kpukpru ŋkpɔ onyuŋ odu ke kpukpru ŋkpɔ.

JOSHUA 8:33

Ndien ofuri Israel, ye mbiowo mmɔ, ye ndidaha, ye mme ekpe-ikpe mmɔ, eda ke edem ekebe emi, ye ke edem eken, ke iso mme oku mme Levite, emi ebiomde ekebe ediomi Jehovah, ye esen owo, ye amana ke otu mmɔ; ubak mmɔ kiet ekem ye obot Gerizim, ubak mmɔ eken enyuŋ ekem ye obot Ebal; kpa nte Moses owo Jehovah ekebemde iso owuk, ete mmɔ ediɔŋ nditɔ Israel.

1 SAMUEL 30:25

Ndien edi ntre toto ke usen oro, onyuŋ aka iso: enye (David) onyuŋ onim enye ke ewuhɔ ye ido ke Israel tutu osim mfin emi.