NUMBERS 15:14 - Edisana ñwed Abasi Ibom

¹⁴ Ndien ŋko ke adaŋemi esen owo oduŋde ye mbufo, mme owo ekededi eke edidude ke otu mbufo ke ofuri emana mbufo, ndien oyom ndiwa uwa ikaŋ edinem utebe nnɔ Jehovah; yak enye anam kpasuk nte mbufo enamde.

NUMBERS 15:14 ပူးပေါင်းရင်းမြစ်များ

1 NDIDEM 8:42

(koro mmɔ edikopde ebaŋa akwa enyiŋ fo, ye ɔkpɔsɔŋ ita fo, ye edimenere ubɔk fo;) ndien edi edibɔŋ akam ke ufɔk emi;

LEVITICUS 22:18

Dɔhɔ Aaron, ye nditɔ esie, ye kpukpru nditɔ Israel, ete mmɔ, Ama edi owo ufɔk Israel ekededi, ye eke isen owo ke Israel, eke edidade enɔ esie edi, edide akaŋa mmɔ ekededi, onyuŋ edide ŋkpɔ ima esit mmɔ ekededi, eke mmɔ edidade enɔ Jehovah ke edifɔp uwa;

LEVITICUS 22:25

Mbufo ekunyuŋ ebɔ esen owo baba oruk ŋkpɔ emi kiet ke ubɔk, ewa uyo Abasi mbufo: koro mbiara odude ke esit, mmɔ ebiomo ndo: idibɔhɔ mbufo ŋkpɔ oro ke ubɔk.

NUMBERS 15:13

Kpukpru amana ke isɔŋ oro enyene ndinam ŋkpɔ emi ntem, ke eriwa uwa ikaŋ eti utebe nnɔ Jehovah.

NUMBERS 15:15

Ɔfɔn mbufo emi edide esop, ye esen owo eke edide oduduŋ ke otu mbufo enim suk ewuhɔ kiet, nsinsi ewuhɔ ke emana mbufo: nte mbufo etiede, kpasuk ntre ke esen owo editie ke iso Jehovah.