NUMBERS 14:8 - Edisana ñwed Abasi Ibom

⁸ Edieke nnyin inemde Jehovah esit, enye eyeda nnyin oduk ke isɔŋ oro, onyuŋ ada enye ɔnɔ nnyin; isɔŋ emi ɔfiɔrɔde mmɔŋ-eba ye aran-ɔkwɔk.

NUMBERS 14:8 ပူးပေါင်းရင်းမြစ်များ

2 SAMUEL 22:20

Enye ada mi ɔwɔrɔ esin ke akamba ufaŋ: atara mi idem, koro amade mi.

1 NDIDEM 10:9

Etoro Jehovah Abasi fo, emi amade fi, onyuŋ emende fi odori ke ebekpo Israel: koro Jehovah amade Israel ke nsinsi esin enye onim fi ke edidem, man afo ekpe ikpe eke enende.

2 NDIDEM 18:32

tutu ami ndi ndida mbufo nnyɔŋ ke isɔŋ emi ebietde isɔŋ mbufo, kpa isɔŋ ibokpot, ye eke wine, isɔŋ uyo ye eke iŋwaŋ-vine, isɔŋ aran-olive ye eke aran-ɔkwɔk, man mbufo edu uwem, ekukpaŋa: mbufo ekukop, ndien, uyo Hezekiah, ke ini enye atapde mbufo, ete, Jehovah eyenyaŋa nnyin.

ŊWED MME PSALM 22:8

“Beredem ke Jehovah.” Enye eyenam enye ɔbɔhɔ: eyenyaŋa enye, koro amade enye.

EXODUS 3:8

mmonyuŋ nsuhɔre ndisio mmɔ nditɔ Egypt ke ubɔk, ndinyuŋ nda mmɔ ŋwɔrɔ ke isɔŋ oro, ndɔk ŋka isɔŋ emi ɔfɔnde, onyuŋ aŋwaŋade, ke isɔŋ emi ɔfiɔrɔde mmɔŋ-eba ye aran-ɔkwɔk; ke ɔtɔ mme Canaanite, ye mme Hittite, ye mme Amorite, ye mme Perizzite, ye mme Hivite, ye mme Jebusite.

ISAIAH 62:4

Udukereke aba Azuvah (ŋwan eke ekpɔŋde): isɔŋ fo idinyuŋ ikereke aba Shemamah (desert): edi eyesio fi enyiŋ Hephzibah (ŋwan oro enem mi esit): eyesio isɔŋ fo enyiŋ Beulah (ŋwan emi edɔde): koro afo eyenem Jehovah esit; eyenyuŋ eda isɔŋ fo edɔ.

JEREMIAH 32:41

Ndien nyedat esit mbaŋa mmɔ ndifɔn ye mmɔ, nnyuŋ ntɔ mmɔ ke isɔŋ emi ke akpanikɔ, ye ke ofuri esit mi, ye ke ofuri ukpɔŋ mi.

ZEPHANIAH 3:17

Jehovah Abasi fo odu ke ufɔt fo, ɔmɔsɔŋ; enye eyenyaŋa, eyedat esit abaŋa fi ke idara; enye eyedop uyo ke ima esie, eyebre abaŋa fi ke ikwɔ.

NUMBERS 13:27

Ndien mmɔ edɔhɔ enye, ete, Nnyin ima isim ke isɔŋ emi afo ɔkɔdɔŋde nnyin ete ika, ndien ke akpanikɔ enye ɔfɔfiɔrɔ mmɔŋ-eba ye aran-ɔkwɔk; emi onyuŋ edi mfri esie.

NUMBERS 16:14

Afo uka unyuŋ udaha nnyin uduk ke isɔŋ emi ɔfiɔrɔde mmɔŋ-eba ye aran-ɔkwɔk, uka unyuŋ unɔŋɔ nnyin iŋwaŋ ye iŋwaŋ vine ŋko inyene: nte afo oyom nditibi mbon emi enyin? Nnyin idige.

ŊWED MBON ROME 8:31

Nso ke ididɔhɔ ndien ibaŋa ŋkpɔ emi? Edieke Abasi adade ye nnyin, anie edikeme ndibiɔŋɔ nnyin?

DEUTERONOMY 10:15

Edi mme usɔ ema enem Jehovah esit, enye onyuŋ ama mmɔ, ama onyuŋ emek mbufo ubon mmɔ emi etienede mmɔ edem, ke otu kpukpru obio, kpa nte edide mfin emi.

JOSHUA 14:12

Kam nɔ mi, ndien, obot emi, nte Jehovah ɔkɔdɔhɔde ke usen oro: koro afo ama okop ke usen oro: koro mme Anakim edudu do, mme obio enyuŋ ekponi, enyuŋ enyene ibibene; Jehovah ama odu ye ami, ndien nyekeme ndibɔ mmɔ itie, kpa nte Jehovah ɔkɔdɔhɔde.