NUMBERS 14:43 - Edisana ñwed Abasi Ibom

⁴³ Koro mme Amalekite ye mme Canaanite edude do ke iso mbufo, mbufo eyenyuŋ ekpaŋa ke ofut: koro emekabare ekpɔŋ Jehovah, mmɔdo Jehovah midinyuŋ iduhe ye mbufo.

NUMBERS 14:43 ပူးပေါင်းရင်းမြစ်များ

1 CHRONICLES 28:9

Ndien afo Solomon eyen mi, fiɔk Abasi usɔ, nyuŋ nam ŋkpɔ esie ke ofuri esit, ye ke ima ukpɔŋ: koro Jehovah ɔduŋɔde kpukpru esit owo, onyuŋ otim ɔfiɔk kpukpru se ekikere obotde: afo ama oyom enye, eyekut enye; edi ama ɔkpɔŋ enye, enye eyemen fi ɔduɔk tutu amama.

2 CHRONICLES 15:2

ndien enye ɔwɔrɔ okosobo ye Asa, onyuŋ ɔdɔhɔ enye, ete: Asa ye ofuri Judah ye Benjamin, mbufo ekop uyo mi, Jehovah ada ye mbufo ke ini mbufo ededa ye enye; ndien edieke mbufo ediyomde enye, mbufo eyekut enye; edi edieke mbufo edikpɔŋde enye, enye eyekpɔŋ mbufo.

ŊWED MME PSALM 44:10

Afo eyenam nnyin ikpa edem inɔ mme asua; ndien mbon utɔk nnyin ebume ke idem mmɔ.

ISAIAH 63:10

Edi mmɔ esɔŋ ibuot enyuŋ eyat Edisana Spirit esie: ndein enye akabare edi usua mmɔ, onyuŋ aŋwana ekɔŋ ye mmɔ.

HOSEA 9:12

Mmɔ ema ekpebɔk nditɔ mmɔ, ŋkpɔbɔ mmɔ nditɔ tutu baba owo kiet isuhɔke: koro osuk ɔdɔdiɔk ɔnɔ mmɔ ke ini ŋkabarede ŋkpɔŋ mmɔ.

LEVITICUS 26:17

Nyenyuŋ ŋkwaŋa iso mi ye mbufo, ndien mbufo eyesuana ke iso mme asua mbufo; mme mmɔ emi esuade mbufo eyekara mbufo: ndien mbufo eyefeŋe itɔk, ke baba owo kiet mibineke mbufo.

NUMBERS 13:29

Amalek eduŋ ke edem usuk isɔŋ; mme Hittite, ye mme Jebusite, ye mme Amorite, enyuŋ eduŋ ke ikpɔ obot; mme Canaanite ŋko eduŋ ke mben inyaŋ, ye ke mben Jordan.

NUMBERS 14:25

Ndien mme Amalekite ye mme Canaanite etie ke itihere; mkpɔŋ mbufo ewɔŋɔre edaŋa eka ke wilderness usuŋ Ididuot Inyaŋ.

NUMBERS 14:42

Ekudɔk: koro Jehovah miduhe ke otu mbufo; mbak mme asua mbufo edisuan mbufo.

NUMBERS 14:44

Edi mmɔ esɔŋ esit edɔk ke ibuot obot: edi ekebe ediomi Jehovah, ye Moses iwɔrɔke ke nna.

DEUTERONOMY 28:25

Jehovah eyenim fi ke iso mme usua fo, ete esuan fi: afo eyewɔrɔ aka ekɔŋ ye mmɔ ke usuŋ kierakiet, ndien eyefehe ke iso mmɔ ke usuŋ itiaba: ndien afo eyedi se kpukpru mme idut ererimbot enukde.

JOSHUA 22:15

Ekem mmɔ edisim nditɔ Reuben, ye nditɔ Gad, ye ubak esien Manasseh, ke isɔŋ Gilead,

JOSHUA 7:12

Ndien nditɔ Israel ikwe nte edade ke iso mme asua mmɔ, mmɔ ekpa edem enɔ mme asua mmɔ, koro mmɔ edide ŋkpɔ nsobo: ndinyuŋ nduhe aba ye mbufo, ke mbufo misoboke ŋkpɔ nsobo ke otu mbufo ifep.

JUDGES 16:20

Ndien enye ɔdɔhɔ ete, Mme Philistine emɔŋ emum fi Samson. Ndien enye edemere ke idap, onyuŋ ɔdɔhɔ ete, Nyewɔrɔ nte ŋkam ŋwɔrɔde, nnyuŋ nnyeŋe idem mi. Edi enye ifiɔkke ite ke Jehovah ɔmɔkpɔŋ imɔ.