NUMBERS 14:29 - Edisana ñwed Abasi Ibom

²⁹ Mme okpo mbufo eyeduɔŋɔ mi ke wilderness; ndien mbufo kpukpru emi ekebatde, ke adaŋa nte ofuri ibat mbufo edide, ɔtɔŋɔde ke owo isua edip, ye mmɔ emi ebede oro, emi esukde mi uyo,

NUMBERS 14:29 ပူးပေါင်းရင်းမြစ်များ

ŊWED MME PSALM 106:26

Ndien enye emenere ubɔk esie abaŋa mmɔ, ete imen mmɔ iduɔk ke wilderness:

ŊWED MME PSALM 78:33

Ndien enye ama usen mmɔ ke ikpikpu, ye mme isua mmɔ ke ndik.

EZEKIEL 20:38

ndien nyekpɔri mbon nsɔŋ-ibuot ke otu mbufo mfep, ye mmɔ emi eduede mi: nyesio mmɔ ke isɔŋ emi mmɔ eduŋde ke esit, ndien mmɔ ididukke ke isɔŋ Israel. Ndien mbufo eyefiɔk ete ke ami ndi Jehovah.

NUMBERS 1:45

Ndien kpukpru nditɔ Isreal emi ekebatde ke ufɔk mme ete mmɔ ɔtɔŋɔde ke owo isua edip, ye mmɔ eke ebede oro, kpukpru owo eke esaŋade ke udim ekɔŋ ke Israel ewɔŋɔ;

NUMBERS 1:46

Ndien kpukpru mme mmɔ emi ekebatde edi tɔsin owo ke itie ikie itiokiet, ye tɔsin ita, ye ikie ition ye aba ye udop.

NUMBERS 26:64

Edi ama edi mmɔ oro Moses ye Aaron ekebatde, ke ini mmɔ ebatde nditɔ Israel ke wilderness Sinai, baba kiet iduhe ke otu mme mmɔ emi.

NUMBERS 26:65

Koro Jehovah ɔkɔdɔhɔde abaŋa mmɔ, ete ke mmɔ enyene ndikpa ke wilderness. Ndien baba owo mmɔ kiet isuhɔke, ibɔhɔke Caleb eyen Jephunneh, ye Joshua eyen Nun.

1 ŊWED CORINTH 10:5

Edi ediwak owo ke otu mmɔ ikenemke Abasi esit; koro Enye asuan mme okpo mmɔ eduɔŋɔ ke desert.

DEUTERONOMY 2:14

Ndien ini emi nnyin iketode ke Kadesh-barnea, isaŋa tutu idibe itihere Zered, edi isua edip ye efureta; tutu ofuri emana mbon-ekɔŋ ekure ke nna, kpa nte Jehovah ɔkɔŋwɔŋɔde abaŋa mmɔ.

MME HEBREW 3:17

Abasi okonyuŋ ayat esit ye manie isua aba? Nte idige ye mme anam idiɔk-ŋkpɔ, emi mme okpo mmɔ eduɔŋɔde ke desert?

JOSHUA 5:6

Koro nditɔ Israel esaŋade ke wilderness ke isua aba, tutu kpukpru owo ke otu mbon ekɔŋ oro eketode ke Egypt, ekure, koro mmɔ mikekopke uyo Jehovah: emi Jehovah ɔkɔŋwɔŋɔde abaŋa mmɔ, ete ke imɔ idiwutke mmɔ isɔŋ oro Jehovah ɔkɔŋwɔŋɔde ɔnɔ mme ete mmɔ, ete iyenɔ nnyin, isɔŋ emi ɔfiɔrɔde mmɔŋ-eba ye aran-ɔkwɔk.

JUDE 1:5

Edi mmonyom nditi mbufo se mbufo ema ekefiɔk ema, nte, ke adaŋemi Jehovah ama akanyaŋa ikɔt osio ke Egypt, ekem Enye osobo mmɔ emi minimke ke akpanikɔ.