NUMBERS 13:32 - Edisana ñwed Abasi Ibom

³² Ndien mmɔ eda idiɔk mbuk ebaŋa isɔŋ oro mmɔ ekekade ndiyep, editiŋ enɔ nditɔ Israel, ete, Isɔŋ oro nnyin ikebede ika enye ndiyep, edi isɔŋ eke adiade mme andiduŋ enye; ndien kpukpru owo emi nnyin ikokutde ke esit ekoŋ idaha.

NUMBERS 13:32 ပူးပေါင်းရင်းမြစ်များ

2 SAMUEL 21:20

Ekɔŋ eŋwen onyuŋ ɔtɔŋɔ ntak odu ke Gath, ndien anyan owo odu do, emi nnuenubɔk esie ye nnuenukot esie edide itiokiet, itiokiet, ewɔrɔ edip ye inaŋ ke ibat; enye okonyuŋ amama ɔnɔ Raphah.

1 CHRONICLES 20:6

Ndien ekɔŋ ɔtɔŋɔ ntak otibe ke Gath, ndien anyan owo odu do, emi enyenede nnuenubɔk ye nnuenukot itiokiet, itiokiet, edip ye inaŋ; enye onyuŋ amana ɔnɔ Rapha.

ŊWED MME PSALM 106:24

Mmɔ enyuŋ ese ediye isɔŋ oro ke ndek, inyuŋ inimke uyo esie ke akpanikɔ.

EZEKIEL 36:12

Nyenyuŋ nnam owo, kpa ikɔt mi Israel, esaŋa mbufo ke enyɔŋ; ndien mmɔ eyenyene fi, afo eye-nyuŋ edi udeme mmɔ, ndien afo uduyakke aba mmɔ enana owo.

AMOS 2:10

Ami ŋkonyuŋ nda mbufo ke isɔŋ Egypt ndɔk, nnyuŋ nda mbufo ke usuŋ wilderness ke isua aba, man eda isɔŋ mme Amorite enyene.

AMOS 2:9

Ndien ami ŋkebin mme Amorite ke iso mmɔ mfep, emi idaha mmɔ okoŋde nte cedar, mmɔ enyuŋ esɔŋ nte ofriyo; ndien ŋkosobo mfri esie ke enyɔŋ, ye oruŋ ke idak.

NUMBERS 13:28

Edi mme mmɔ emi eduŋde ke isɔŋ oro edi mkpɔsɔŋ, mme obio enyuŋ enyene ibibene, enyuŋ ekponi eti-eti: nnyin ima inyuŋ ikut nditɔ Anak do ŋko-ŋko.

MATTHEW 23:13

Edi eyedɔdiɔk ɔnɔ mbufo, mme scribe ye mme Pharisee, mbon mbubik! koro mbufo eberi Obio Ubɔŋ heaven ebaha owo: koro mbufo idukke ke idem mbufo, inyuŋ iyakke mmɔ emi eyomde ndiduk ebe eduk.

DEUTERONOMY 1:28

Nnyin ididɔk ika mmɔŋ? Nditɔ-ete nnyin emenam nsia oyomo nnyin, ete, Mbon oro ekponi enyuŋ ekoŋ ekan nnyin; mme obio ekponi, ibibene mmɔ enyuŋ esim enyɔŋ; nnyin ikenyuŋ ikut nditɔ mme Anakim do.