NUMBERS 13:28 - Edisana ñwed Abasi Ibom

²⁸ Edi mme mmɔ emi eduŋde ke isɔŋ oro edi mkpɔsɔŋ, mme obio enyuŋ enyene ibibene, enyuŋ ekponi eti-eti: nnyin ima inyuŋ ikut nditɔ Anak do ŋko-ŋko.

NUMBERS 13:28 ပူးပေါင်းရင်းမြစ်များ

2 SAMUEL 21:16

Ndien Ishbi-benob emi okotode ke nditɔ Raphah, emi udop eduat esie edide shekel okpoho ikie ita, onyuŋ ɔbɔbɔde obufa ofut, ekere ndiwot David.

NUMBERS 13:33

Do ke nnyin ikenyuŋ ikut mme Nephilim: ndien nnyin ikese idem nnyin ke ŋkuku, mmɔ enyuŋ ese nnyin kpa ntre.

DEUTERONOMY 1:28

Nnyin ididɔk ika mmɔŋ? Nditɔ-ete nnyin emenam nsia oyomo nnyin, ete, Mbon oro ekponi enyuŋ ekoŋ ekan nnyin; mme obio ekponi, ibibene mmɔ enyuŋ esim enyɔŋ; nnyin ikenyuŋ ikut nditɔ mme Anakim do.

DEUTERONOMY 2:21

mbon oro ekponi, enyuŋ ewak, enyuŋ ekoŋ idaha, nte nditɔ Anakim; ndien Jehovah osobo mmɔ efep ke iso mmɔ; ndien mmɔ ebɔ mmɔ isɔŋ, enyuŋ eduŋ ke itie mmɔ:

DEUTERONOMY 3:5

Kpukpru obio emi enyene ŋkokoŋo ibibene, ye itim, ye eto usin-usuŋ; ekɔrɔ ye obio iŋwaŋ ata ediwak.

JOSHUA 11:22

Isuhɔke baba eyen Anak kiet ke isɔŋ nditɔ Israel: edi esuhɔ ke Gaza, ye ke Gath, ye ke Ashdod:

JOSHUA 14:12

Kam nɔ mi, ndien, obot emi, nte Jehovah ɔkɔdɔhɔde ke usen oro: koro afo ama okop ke usen oro: koro mme Anakim edudu do, mme obio enyuŋ ekponi, enyuŋ enyene ibibene; Jehovah ama odu ye ami, ndien nyekeme ndibɔ mmɔ itie, kpa nte Jehovah ɔkɔdɔhɔde.

JOSHUA 15:14

Ndien Caleb osio nditɔ Anak ita ke ɔtɔ oro efep, Sheshai, ye Ahiman, ye Talmai, nditɔ Anak.

JUDGES 1:20

Ekem mmɔ eda Hebron enɔ Caleb, kpa nte Moses ɔkɔdɔhɔde: ndien enye osio nditɔ Anak ita efep ke esit.