NUMBERS 13:27 - Edisana ñwed Abasi Ibom

²⁷ Ndien mmɔ edɔhɔ enye, ete, Nnyin ima isim ke isɔŋ emi afo ɔkɔdɔŋde nnyin ete ika, ndien ke akpanikɔ enye ɔfɔfiɔrɔ mmɔŋ-eba ye aran-ɔkwɔk; emi onyuŋ edi mfri esie.

NUMBERS 13:27 ပူးပေါင်းရင်းမြစ်များ

NEHEMIAH 9:25

Ndien mmɔ eda obio ibibene ekɔŋ, ye isɔŋ isek, enyuŋ enyene ufɔk emi kpukpru oruk nti ŋkpɔ eyɔhɔde ke esit, obube mmɔŋ emi eketibide, ye iŋwaŋ-vine, ye iŋwaŋ-olive, ye ediwak eto mfri eke ediade. Ndien mmɔ edia eyuhɔ, enyuŋ ekponi, enyuŋ edat esit ke akwa mfɔn fo.

EXODUS 13:5

Ndien ama ekem ke ini Jehovah edidade mbufo oduk ke isɔŋ mme Canaanite, ye mme Hittite, ye mme Amorite, ye mme Hivite, ye mme Jebusite, emi enye ɔkɔŋwɔŋɔde ɔnɔ mme usɔ, ete iyenɔ mbufo, isɔŋ emi ɔfiɔrɔde mmɔŋ-eba ye aran-ɔkwɔk, ndien mbufo enam utom emi ke ɔfiɔŋ emi.

EXODUS 3:17

Mmonyuŋ ndɔhɔ nte, Nyesio mbufo ke ukut Egypt, nda ŋka isɔŋ mme Canaanite, ye mme Hittite, ye mme Amorite, ye mme Perizzite, ye mme Hivite, ye mme Jebusite, ke isɔŋ emi ɔfiɔrɔde mmɔŋ-eba ye aran-ɔkwɔk.

EXODUS 3:8

mmonyuŋ nsuhɔre ndisio mmɔ nditɔ Egypt ke ubɔk, ndinyuŋ nda mmɔ ŋwɔrɔ ke isɔŋ oro, ndɔk ŋka isɔŋ emi ɔfɔnde, onyuŋ aŋwaŋade, ke isɔŋ emi ɔfiɔrɔde mmɔŋ-eba ye aran-ɔkwɔk; ke ɔtɔ mme Canaanite, ye mme Hittite, ye mme Amorite, ye mme Perizzite, ye mme Hivite, ye mme Jebusite.

EXODUS 33:3

Dɔk ke isɔŋ emi ɔfiɔrɔde mmɔŋ-eba ye aran-ɔkwɔk: koro mmendisaŋake ke otu mbufo ndɔk; koro mbufo edide mbon nsɔŋ-ibuot: mbak ndibiat mbufo ke usuŋ.

JEREMIAH 11:5

man nnim uŋwɔŋɔ oro ŋkɔŋwɔŋɔde nnɔ mme ete mbufo, nte ke ndinɔ mmɔ isɔŋ emi ɔfiɔrɔde mmɔŋ-eba ye aran-ɔkwɔk, kpa nte edide mfin emi. Ndien ami mbɔrɔ, nte, Amen, O Jehovah.

JEREMIAH 32:22

onyuŋ ɔnɔ mmɔ isɔŋ emi afo ɔkɔŋwɔŋɔde ɔnɔ mme ete mmɔ, ete iyenɔ mmɔ, isɔŋ eke ɔfiɔrɔde mmɔŋeba ye aran-ɔkwɔk:

EZEKIEL 20:15

Ami ŋko nnyuŋ mmenere ubɔk mi nnɔ mmɔ ke wilderness, nte ke ndidaha mmɔ nduk ke isɔŋ emi ŋkɔnɔde mmɔ, emi ɔfiɔrɔde mmɔŋ-eba ye aran-ɔkwɔk; enye eyekan kpukpru mme idut;

EZEKIEL 20:6

Ke usen oro ke ŋkemenere ubɔk mi nnɔ mmɔ, nte, Nyesioŋo mmɔ ke isɔŋ Egypt, nda nduk ke isɔŋ emi ŋkeyepde nnɔ mmɔ, emi ɔfiɔrɔde mmɔŋ eba ye aran-ɔkwɔk; enye eyekan kpukpru mme idut.

LEVITICUS 20:24

Ŋkonyuŋ ndɔhɔ mbufo, nte mbufo eyeda isɔŋ mmɔ enyene, ami nyenyuŋ nda enye nnɔ mbufo enyene, isɔŋ emi ɔfiɔrɔde mmɔŋ-eba ye aran-ɔkwɔk: ami ndi Jehovah Abasi mbufo, emi ndianarede mbufo ke mme idut efen.

NUMBERS 14:7

ndien mmɔ edɔhɔ ofuri esop nditɔ Israel, ete, Isɔŋ oro nnyin ikesaŋade ke esit ibe ika enye ndiyep, edi ata eti isɔŋ.

NUMBERS 14:8

Edieke nnyin inemde Jehovah esit, enye eyeda nnyin oduk ke isɔŋ oro, onyuŋ ada enye ɔnɔ nnyin; isɔŋ emi ɔfiɔrɔde mmɔŋ-eba ye aran-ɔkwɔk.

NUMBERS 16:13

Nte emi afo okosiode nnyin ke isɔŋ emi ɔfiɔrɔde mmɔŋ-eba ye aran-ɔkɔk, ndiwot nnyin ke wilderness, ikemke fi, ibɔhɔke ini afo onyuŋ ada ubɔŋ ke otu nnyin ŋko?

NUMBERS 16:14

Afo uka unyuŋ udaha nnyin uduk ke isɔŋ emi ɔfiɔrɔde mmɔŋ-eba ye aran-ɔkwɔk, uka unyuŋ unɔŋɔ nnyin iŋwaŋ ye iŋwaŋ vine ŋko inyene: nte afo oyom nditibi mbon emi enyin? Nnyin idige.

DEUTERONOMY 11:9

man mme usen mbufo enyuŋ ebigi ke isɔŋ emi Jehovah ɔkɔŋwɔŋɔde ɔnɔ mme ete mbufo, ete inɔ mmɔ ye nditɔ mmɔ, kpa isɔŋ emi ɔfiɔrɔde mmɔŋ-eba ye aran-ɔkwɔk.

DEUTERONOMY 26:9

enye onyuŋ ada nnyin edi ke ebiet emi, onyuŋ ɔnɔ nnyin isɔŋ emi, kpa isɔŋ emi ɔfiɔrɔde mmɔŋ-eba ye aran-ɔkwɔk.

DEUTERONOMY 27:3

ndien wet kpukpru ikɔ mbet emi sin ke esit, ke afo ama ekebe, man afo oduk ke isɔŋ emi Jehovah Abasi fo ɔnɔde fi, kpa isɔŋ emi ɔfiɔrɔde mmɔŋ-eba ye aran-ɔkwɔk; kpa nte Jehovah mme usɔ ɔkɔdɔhɔde fi.

DEUTERONOMY 31:20

Koro adaŋemi ndidade mmɔ nduk ke isɔŋ emi ŋkɔŋwɔŋɔde nnɔ mme ete mmɔ, emi ɔfiɔrɔde mmɔŋ-eba ye aran-ɔkwɔk; ndien mmɔ eyedia eyuhɔ, enyuŋ ekpon, ndien mmɔ eyekabare etiene abasi efen, ekenam ido mmɔ, enyuŋ esin mi ke ndek, enyuŋ ebiat ediomi mi.

DEUTERONOMY 6:3

O Israel, kop ndien, nyuŋ tiŋ enyin ndinam: man ɔfɔn fi, man mbufo enyuŋ etɔt eti-eti, ke isɔŋ emi ɔfiɔrɔde mmɔŋ-eba ye aran-ɔkwɔk, kpa nte Jehovah Abasi mme usɔ ɔkɔŋwɔŋɔde ɔnɔ fi.

JOSHUA 5:6

Koro nditɔ Israel esaŋade ke wilderness ke isua aba, tutu kpukpru owo ke otu mbon ekɔŋ oro eketode ke Egypt, ekure, koro mmɔ mikekopke uyo Jehovah: emi Jehovah ɔkɔŋwɔŋɔde abaŋa mmɔ, ete ke imɔ idiwutke mmɔ isɔŋ oro Jehovah ɔkɔŋwɔŋɔde ɔnɔ mme ete mmɔ, ete iyenɔ nnyin, isɔŋ emi ɔfiɔrɔde mmɔŋ-eba ye aran-ɔkwɔk.