NUMBERS 13:17 - Edisana ñwed Abasi Ibom

¹⁷ Ntem ke Moses ɔdɔŋ mmɔ ekeyep isɔŋ Canaan, onyuŋ ɔdɔhɔ mmɔ, ete, Mbufo edɔk ntem ke edem usuk, enyuŋ edɔk ke obot;

NUMBERS 13:17 ပူးပေါင်းရင်းမြစ်များ

GENESIS 12:9

Ndien Abram ɔwɔrɔ iduŋ aka usuk-usuk.

GENESIS 13:1

NDIEN Abram oto ke Egypt ɔdɔk, enye ye ŋwan esie, ye kpukpru se inyenede enye, ye Lot ŋko, aka ke edem usuk.

GENESIS 13:17

Daha ke enyɔŋ saŋa ke isɔŋ emi, ke uniɔŋ esie, ye ke ubara esie: koro ndade enye nnɔ fi.

GENESIS 13:3

Ekem, nte enye otode ke edem usuk asaŋa ke usuŋ esie, enye osin Beth-el, ke ebiet oro tent esie okodude do akpa, ke ufɔt Beth-el ye Ai;

GENESIS 14:10

Ndien obube bitumen ewak ke itihere Siddim; ndien ndidem Sodom ye Gomorrah efeŋe itɔk, ekeduɔŋɔ do; ndien mmɔ ekesuhɔde efeŋe eka ikpɔ obot.

NUMBERS 13:18

Enyuŋ ese isɔŋ nte etiede; ye mme andiduŋ enye, mme mmɔ edi mkpɔsɔŋ, mme edi mmeme, mme iwakke, mme ewak;

NUMBERS 13:29

Amalek eduŋ ke edem usuk isɔŋ; mme Hittite, ye mme Jebusite, ye mme Amorite, enyuŋ eduŋ ke ikpɔ obot; mme Canaanite ŋko eduŋ ke mben inyaŋ, ye ke mben Jordan.

NUMBERS 14:40

Ndien mmɔ ebak edaha ke enyɔŋ ke usenubɔk, ekedɔk ke ibuot obot, ete, Se nnyin nnyin, imenyime ndidɔk ke ebiet emi Jehovah ɔkɔdɔhɔde: koro nnyin ima idue.

DEUTERONOMY 1:44

Ndien mme Amorite emi eduŋde ke obot oro, ewɔŋɔ ekebiɔŋɔ mbufo, enyuŋ ebine mbufo nte ɔkwɔk enamde, enyuŋ esobo mbufo ke Seir, tutu osim ke Hormah.

JOSHUA 10:40

Ntem ke Joshua akan ofuri edem ikpɔ obot, ye eke usuk, ye eke una-isɔŋ edem inyaŋ, ye eke mme usuhɔre, ye kpukpru mbɔŋ mmɔ: enye isuhɔke baba nsuhɔ kiet, edi osobo kpukpru se iduɔkde ibifik, kpa nte Jehovah Abasi Israel okowukde.

JOSHUA 15:3

ndien enye ada ediwɔrɔ ke edem usuk-usuk obot Akrabbim, ndien ebe aka Zin, ndien ɔdɔk ke edem usuk-usuk Kadesh-barnea, ndien ebe aka Hezron, ndien ɔdɔk ke Addar, ndien akanare ediwɔrɔ ke Karka:

JOSHUA 2:1

NDIEN Joshua eyen Nun etie ke Shittim ɔdɔŋ owo iba uyep ndibe-ndibe, ete, Mbufo eka ekese isɔŋ oro ye Jericho. Ndien mmɔ eka ekeduk ke ufɔk akpara kiet ekere Rahab, ekedaŋ do.

JUDGES 1:15

Ndien enye ɔbɔrɔ enye, ete, Nɔ mi eti ŋkpɔ: koro afo ɔmɔnɔ mi edisat isɔŋ; nɔ mi idim mmɔŋ ŋko. Ndien Caleb ɔnɔ enye idim ke obot ye idim ke usuhɔre.

JUDGES 1:19

Ndien Jehovah odu ye Judah; ndien enye ada edem obot enyene; koro enye mikwe nte osioŋode mme andiduŋ itihere efep, koro mmɔ enyenede chariot ukwak.

JUDGES 1:9

Ndien, ekem, nditɔ Judah esuhɔre eka ndiŋwana ekɔŋ ke mme Canaanite emi eduŋde ke ikpɔ obot, ye ke usuk, ye ke una-isɔŋ edem inyaŋ.