NUMBERS 12:8 - Edisana ñwed Abasi Ibom

⁸ Nneme ye enye ke inua ke inua; ke atatai, idige ke ŋke ikɔ; enye eyenyuŋ okut mbiet Jehovah: mbufo enam naŋa didie mifeheke ndisuk owo mi Moses uyo?

NUMBERS 12:8 ပူးပေါင်းရင်းမြစ်များ

GENESIS 32:30

Jacob do. Ndien Jacob osio ebiet oro enyiŋ Peniel: koro mma ŋkut Abasi iso ye iso, enye onyuŋ onim mi uwem.

ŊWED MME PSALM 17:15

Ami nyese iso fo ke eti ido; mbiet fo eyeyuhɔ mi ke ini ndemerede.

ŊWED MME PSALM 49:4

Nyekpaŋ utɔŋ mi ke ikwɔ: nyesiak ŋke mi ke harp.

EXODUS 19:19

Ekem ke uyo ukorowo ɔdiɔŋde ɔsɔŋ eti eti, Moses ɔdɔhɔ, ndien Abasi ada uyo ɔbɔrɔ enye.

EXODUS 20:4

Kunam edisɔi ŋkpɔ unɔ idem fo, kunyuŋ unam mbiet baba ŋkpɔ kiet eke odude ke heaven ke enyɔŋ, ye eke odude ke isɔŋ ke idak, ye eke odude ke mmɔŋ ke idak isɔŋ;

EXODUS 33:11

Ntem ke Jehovah osioŋo nneme ye Moses iso ye iso, nte emi owo osioŋode nneme ye ufan esie. Ndien enye afiak oduk ke nna; edi Joshua, eyen Nun, asaŋutom esie, akparawa, idahake ke tent.

EXODUS 33:19

Ndien Enye ɔdɔhɔ, ete, Ami nyenam ofuri ufɔn mi ɔbiɔŋɔ fi ke iso, nyenyuŋ ntaŋa enyiŋ Jehovah ke iso fo: nnyuŋ mfɔn ye owo eke ndifɔnde, nnyuŋ nnyene mbɔm ye owo eke ndinyenede mbɔm.

EXODUS 33:23

ndien nyemenere ubɔk mi mfep, ndien afo eyekut mi ibut edem; edi udukwe mi iso.

EXODUS 34:30

Ndien adaŋemi Aaron ye kpukpru nditɔ Israel ekutde Moses, sese, ikpa iso esie esem: ndien mmɔ edikhe ndisaŋa ŋkpere enye.

MME ŊKE 1:6

Man enye otim ɔfiɔk ŋke, ye ŋkim-ŋkim ikɔ: ikɔ mme ɔfiɔk-ŋkpɔ, ye uyaŋa ikɔ mmɔ.

ISAIAH 40:18

Ndien mbufo edidomo Abasi ye anie? Enyuŋ eda nso idomo edomo enye?

ISAIAH 46:5

Mbufo edidɔhɔ, ete ke ami mbiet, nnyuŋ ŋkem ye anie? Edida anie edomo mi, man kiet ebiet kiet?

EZEKIEL 17:2

Eyen owo, top ŋke, nyuŋ tiŋ parable nɔ ufɔk Israel; nyuŋ dɔhɔ ete,

EZEKIEL 20:49

Ndien ami ndɔhɔ nte, Ah, Ɔbɔŋ Jehovah, mmɔ edɔhɔ mi ete, Nte enye itopke ŋke?

HOSEA 12:13

Jehovah onyuŋ ada ubɔk prophet kiet osio Israel ke Egypt ɔdɔk, enyuŋ eda prophet ekpeme enye.

NUMBERS 14:14

ɔdɔk;) Ema enyuŋ etiŋ enɔ mmɔ emi eduŋde ke edem emi: mmɔ ema ekekop ete ke afo Jehovah ama ayarare idem fo ke enyin mmɔ, ete ke obubit enyɔŋ fo onyuŋ adada mmɔ ke enyɔŋ; ke afo onyuŋ ebem mmɔ iso asaŋa ke adaha ikaŋ ke okoneyo.

NUMBERS 7:89

Ekem adaŋemi Moses okodukde ke efe esop ndidɔhɔ ye Enye, ndien enye okop uyo andidɔhɔ ye enye otode ke itie usio-isop emi odorode ke ekebe ntiense, ke ufɔt mme cherubim iba: ntem ke enye ɔdɔhɔ ye enye.

MATTHEW 13:35

man osu nte prophet ekewetde, ete, Nyetat inua Mi ntiŋ ikɔ ke ŋke, Nyetiŋ ŋkpɔ eke ekodibede toto ke eritɔŋɔ ererimbot.

LUKE 10:16

Owo eke okopde uyo mbufo okop uyo Mi; owo eke onyuŋ esinde mbufo esin Mi; owo eke esinde mi onyuŋ esin Enye emi ɔkɔdɔŋde Mi.

JOHN 1:18

Akanam baba owo kiet ikwe Abasi; ikpoŋ-ikpɔŋ Eyen emi Abasi obonde, emi odude ke ikpanesit Ete, kpa Enye amayarare Abasi.

JOHN 15:15

Ŋkotke aba mbufo mme asaŋutom, koro asaŋutom mifiɔkke se ete-ufɔk esie anamde; edi ŋkot mbufo mme ufan, koro mma mmen kpukpru se ŋkokopde ke inua Ete Mi nyarare nnɔ mbufo.

JOHN 15:24

Edieke mmneŋkpesineke ke ufɔt mmɔ nnam mme utom eke akanam owo efen minamke, mmɔ ikpenyeneke idiɔk-ŋkpɔ: edi ke emi mmɔ ekokut enyuŋ esua Mi ye Ete Mi.

1 ŊWED CORINTH 13:12

Idahemi nnyin imokut ŋkpɔ ntre ntimere-ntimere, nte owo okutde ŋkpɔ ke ukuriso: edi adaŋoro iyekut ŋkpɔ iso ye iso; idahemi mmɔfiɔk ŋkpɔ ubak-ubak, edi adaŋoro nyefiɔk ɔyɔhɔ-ɔyɔhɔ, kpa nte efiɔkde mi.

2 ŊWED CORINTH 3:18

Edi kpukpru nnyin imada iso emi mikuihi, imum ubɔŋ Ɔbɔŋ ikama, nte ukuriso omumde ŋkpɔ; ntre ke nnyin ikpuhɔre ibe ikabare inyene mbiet Esie, ikɔrɔ ubɔŋ ke ubɔŋ, kpa nte Ɔbɔŋ emi edide Spirit anamde.

DEUTERONOMY 18:15

Jehovah Abasi fo eyenam prophet eke edibietde mi, adaha ada ke otu fo ɔnɔ fi: enye ke mbufo edikop enɔ;

DEUTERONOMY 34:10

Ndien baba prophet kiet, ebietde Moses, idahake aba ida ke otu Israel, emi Jehovah ɔfiɔkde iso ke iso,

DEUTERONOMY 4:15

Mbufo etim ndien ekpeme idem mbufo eti-eti: koro mbufo mikekwe baba mbiet ŋkpɔ kiet ke usen oro Jehovah eketiede ke ufɔt ikaŋ oro ɔdɔhɔ ye mbufo ke Horeb:

DEUTERONOMY 5:8

Kunam edisɔi ŋkpɔ unɔ idem fo, kunyuŋ unam mbiet baba ŋkpɔ kiet eke odude ke heaven ke enyɔŋ, ye eke odude ke isɔŋ ke idak, ye eke odude ke mmɔŋ ke idak isɔŋ:

ŊWED MBON COLOSSAE 1:15

Enye edi mbiet Abasi emi enyin owo mikwe; Abasi okobon Enye ete edi Akpan, ndien edibot ofuri ererimbot.

1 ŊWED THESSALONICA 4:8

Mmɔdo owo emi esinde ndibɔ item emi isinke item owo, edi esin item Abasi, emi ɔnɔde mbufo Edisana Spirit Esie.

1ŊWED TIMOTHY 6:16

emi Enye ikpɔŋ mikpaha mkpa, emi oduŋde ke uŋwana eke owo mikemeke ndisaŋa ŋkpere; emi akanam owo mikwe, midinyuŋ ikemeke ndikut: ubɔŋ enyene Enye ye nsinsi odudu. Amen.

MME HEBREW 1:1

ABASI, emi akadade mme prophet etiŋ ikɔ mkpuhɔ-mkpuhɔ ye ke nsio-nsio usuŋ ɔnɔ mme ete nnyin ke eyo oko,

MME HEBREW 1:3

Enye oro edi uyama ubɔŋ Abasi, ye ata mbiet Idem Esie, onyuŋ ada uyo odudu Esie omum kpukpru ŋkpɔ akama: ekem, ke Enye ama akama utom erinam owo esana ke mme idiɔk-ŋkpɔ, Enye ɔsuhɔre etetie ke ubɔk nnasia Andinyene-ubɔŋ ke enyɔŋ;

2 PETER 2:10

akpan-akpan mmɔ eke esaŋade ke ndek-ndek idiɔk itɔŋ obukidem edu uwem enyuŋ esinde mme andikara. Mmɔ edi mbon emiom ye mbon nsɔŋ-ibuot, inamke mmɔ ndik ndisuŋi mme akama-itie ubɔŋ:

JUDE 1:8

Kpasuk ntre memmɔ oro ŋko esabare obukidem mmɔ ke ikpikpu ekikere mmɔ, enyuŋ esin mme andikara ke ndek, enyuŋ esuŋi mme akama ikpɔ itie.