NUMBERS 12:6 - Edisana ñwed Abasi Ibom

⁶ Ndien enye ɔdɔhɔ ete, Mbufo ekop ndien ikɔ mi: edieke prophet ediduŋde ke otu mbufo, ami Jehovah nyeyarare idem mi nnɔ enye ke ŋkukut, nnyuŋ ndɔhɔ ye enye ke ndap.

NUMBERS 12:6 ပူးပေါင်းရင်းမြစ်များ

GENESIS 15:1

KE ŋkpɔ emi ema ekebe, ikɔ Jehovah osim Abram ke ŋkukut, ete, Kufehe ndik, Abram: Ami ndi otu ekɔŋ fo, utip fo awak eti-eti.

GENESIS 20:7

Yak ŋwan owo oro afiak, ndien; koro owo oro edide prophet, eyenyuŋ anam mkpe-ubɔk ɔnɔ fi, ndien afo eyedu uwem: edi ke muyakke enye afiak, fiɔk ete ke afo ye kpukpru se idide okuo eyekpaŋa.

GENESIS 28:12

Ndien enye adaba ndap, ndien, se, udigukot eke adade ke isɔŋ, ibuot esie onyuŋ osim ke enyɔŋ; ndien, sese mme angel Abasi ke edɔk enyuŋ esuhɔre ke esit.

GENESIS 28:16

Ekem, Jacob edemere ke idap, ndien ɔdɔhɔ ete, Kakpan Jehovah odu ke ɔtɔ emi; ndien ami mfiɔkke.

GENESIS 37:5

Ekem, Joseph adaba ndap, emen etiŋ ɔnɔ nditɔ-ete esie: ndien mmɔ edediɔŋ esua enye.

GENESIS 37:9

Ndien enye ɔtɔŋɔ ntak adaba ndap efen, emen enye etiŋ ɔnɔ nditɔ-ete esie, ete, Sese, mma ndaba ndap efen; ndien, sese, utin ye ɔfiɔŋ, ye ntantafiɔŋ duop-

GENESIS 46:2

Ndien Abasi ɔdɔhɔ Israel ke ŋkukut ke okoneyo, ete, Jacob, Jacob.

2 SAMUEL 7:4

Edikem ke okoneyo oro, ndien uyo Jehovah osim Nathan, ete,

1 NDIDEM 3:15

Ndien Solomon edemere; ndien, sese, ndap ke edi. Ndien enye edi ke Jerusalem, edida ke iso ekebe ediomi Jehovah, onyuŋ etem akamba udia ɔnɔ kpukpru ikɔt esie.

1 NDIDEM 3:5

Ekem Jehovah okowut Solomon idem ke Gibeon, ke ndap ke okoneyo: Abasi onyuŋ ɔdɔhɔ, ete, Beŋe se ndinɔde fi.

ŊWED JOB 33:15

Ke ndap, ke ŋkukut okoneyo, ke ini ɔkpɔsɔŋ idap ɔduɔde owo ke idem: ke eride idap ke bed;

ŊWED JOB 4:13

Ke ekikere emi etode ke ŋkukut ke okoneyo, ke ŋkpɔsɔŋ idap ɔduɔde owo ke idem.

ŊWED MME PSALM 105:15

Mbufo ekutuk mbon emi nyetde aran nnim ke idem mi, ekunyuŋ enam mme prophet mi idiɔk.

ŊWED MME PSALM 89:19

Ke ini oro afo ɔkɔdɔhɔde ye mbon-ima fo ke ŋkukut, ete, Mmada erinyaŋa ndori owo uko ke idem; mmosio ata owo ke otu mbio-obio mmenere nnim ke enyɔŋ.

EXODUS 7:1

NDIEN Jehovah ɔdɔhɔ Moses, ete, Sese, mmonim fi ke Abasi nnɔ Pharaoh: ndien Aaron eyen-uka eyedi prophet fo.

JEREMIAH 23:25

Mmokop uyo mme prophet emi etiŋde nsunsu o-prophecy ke enyiŋ mi, ete, “Mmadaba ndap, mmadaba ndap.”

JEREMIAH 23:28

Yak prophet eke ndap odude ye enye etiŋ ndap; ndien yak owo eke ikɔ mi odude ye enye, etiŋ ikɔ mi akpan-akpan. Ikpɔk ibokpot asaŋa nso ye idem ibokpot? Jehovah ɔdɔhɔ.

EZEKIEL 1:1

EDIKEM ke ɔyɔhɔ isua edip ye duop, ke ɔyɔhɔ ɔfiɔŋ inaŋ, ke ɔyɔhɔ usen ɔfiɔŋ ition, ke ini ami ndude ke otu mbon ntaŋ-mfep ke mben akpa Chebar, enyɔŋ okubɔre, ndien ŋkut ŋkukut Abasi.

DANIEL 10:8

Ndien ami nsuk ikpɔŋ ke idem mi, nnyuŋ ŋkut akamba ŋkukut emi; baba odudu inyuŋ isukke mi ke idem; uyai mi onyuŋ akabare abiara mi ke idem, nnyuŋ nnyeneke aba odudu.

DANIEL 2:19

Ndien eyarade ndibe ŋkpɔ emi enɔ Daniel ke ndap ke okoneyo.

DANIEL 7:1

KE akpa isua Belshazzar edidem Babylon, Daniel okut ndap kiet ye ŋkukut ibuot esie ke bed esie. Ndien enye ewet ndap oro, onyuŋ obuk ofuri ikɔ oro.

DANIEL 8:2

Ndien ŋkut ke ŋkukut oro; ndien edikem ke ini ŋkutde, ami ndu ke Shushan ufɔk edidem, emi odude ke esien Elam; ndien ŋkut ke ŋkukut oro, ndien ami ndu ke mben akpa mmɔŋ Ulai.

HOSEA 12:11

Ŋkɔm Gilead anam oburobut: mmɔ edi ata mbon nsu: mmɔ ewa enaŋ ke Gilgal; mme itie-uwa mmɔ enyuŋ ebiet ibombom ke iŋwaŋ eke efuŋde.

JOEL 3:1

KORO, sese, ke eyo oro, ye ke ini oro ndidade nditɔ Judah ye eke Jerusalem emi eketaŋde efep, nnyɔŋ ndi,

ZECHARIAH 1:8

Ŋkokut ke okoneyo, ndien, sese, owo odoro ke ididuot horse, ndien enye ada ke otu eto myrtle oro edude ke ebedeŋ; ndien horse eken eke edide ididuot, ye aran-aran, ye afia, eda enye ke edem.

NUMBERS 24:4

Uyo andikop ikɔ Abasi, emi okokutde ŋkukut Ata Ɔkpɔsɔŋ, nte enye ɔduɔde, ke enyin anana:

MATTHEW 1:20

Edi ke adaŋemi enye ekerede mme ŋkpɔ emi, sese, angel Jehovah ɔbiɔŋɔre enye ke iso ke ndap, ete enye, Joseph, eyen David, kufehe ndida Mary ŋwan fo nnyɔŋ ufɔk: koro idibi oro enye oyomode oto ke Edisana Spirit.

MATTHEW 2:19

Edi ke ini Herod ama akakpa, sese, angel Jehovah ɔbiɔŋɔre Joseph ke iso ke ndap ke Egypt, ete enye,

MATTHEW 23:31

Mmɔdo mbufo edi ntiense edian idem mbufo, ete mme imɔ idi nditɔ mmɔ emi ekowotde mme prophet.

MATTHEW 23:34

Mmɔdo sese, Ami mmosio mme prophet ye mme ɔfiɔk-ŋkpɔ owo ye mme scribe ndɔŋ ke ɔtɔ mbufo; mbufo eyewot, enyuŋ ekɔŋ ndusuk mmɔ ke cross; mbufo eyenyuŋ emia ndusuk mmɔ ke synagogue mbufo, enyuŋ ekɔbɔ ebine mmɔ ke obio ke obio:

MATTHEW 23:37

O Jerusalem, Jerusalem, emi owotde mme prophet, onyuŋ ɔtɔŋɔde mmɔ eke edɔŋde etiene fi ke itiat. Adaŋa ediwak ini didie ke ŋkoyom ndibon nditɔ fo ɔtɔ kiet, kpa nte unen obonde nditɔ esie ke idak mba esie, ndien mbufo ikonyimeke.

MATTHEW 27:19

Edi ke adaŋemi enye etiede ke itie-ikpe, ŋwan esie ɔdɔŋ edidɔhɔ enye ete, Kusaŋa ŋkpɔ ye eti owo emi; koro mma ŋkut ukut eti-eti ke ndap mfin emi mbaŋa Enye.

LUKE 1:11

Ndien angel Jehovah ɔbiɔŋɔre enye ke iso, ada ke itie ufɔp-incense ke ubok nnasia.

LUKE 1:22

Edi ke adaŋemi enye ɔwɔrɔde, ikemeke nditiŋ ikɔ nnɔ mmɔ: ntre ke mmɔ efiɔk ete, enye ama okut ŋkukut ke temple: ndien enye ada ibuot anam idiɔŋɔ ɔnɔ mmɔ, onyuŋ etie imum.

LUKE 20:6

Edi ima idɔhɔ ite, Oto owo, kpukpru mbio-obio eyetɔŋɔ nnyin ke itiat: koro mmɔ eburede efiɔk ete John ekedi prophet.

UTOM MME APOSTLE 10:11

Enye onyuŋ okut nte enyɔŋ ɔkibɔrede, ye nte ŋkpɔ ɔsuhɔrede, eke ebietde akwa ɔfɔŋ, eke emumde ke utit mbinaŋ eyak enim ke isɔŋ;

UTOM MME APOSTLE 10:17

Edi nte esit otimerede Peter abaŋa se ŋkukut oro enye okutde ɔwɔrɔde, sese, mme isuŋutom Cornelius ekeyom ufɔk Simon; enyuŋ eda ke enyin-usuŋ,

ŊWED MBON EPHESUS 4:11

Ndien Enye ɔkɔnɔ ndusuk owo nte mme apostle; onyuŋ ɔnɔ ndusuk owo nte mme asiak-uduak Abasi, onyuŋ ɔnɔ ndusuk owo nte mme ɔkwɔrɔ-gospel, onyuŋ ɔnɔ ndusuk owo nte mme andikpeme ye mme anditeme;

DEUTERONOMY 18:15

Jehovah Abasi fo eyenam prophet eke edibietde mi, adaha ada ke otu fo ɔnɔ fi: enye ke mbufo edikop enɔ;

DEUTERONOMY 18:18

Nyenam prophet kiet, ebiet fi, adaha ada ke otu nditɔ-ete mmɔ, nyenyuŋ nda ikɔ mi nsin enye ke inua; ndien enye eyeda kpukpru se ami ntemede enye etiŋ ɔnɔ mmɔ.

MME HEBREW 1:1

ABASI, emi akadade mme prophet etiŋ ikɔ mkpuhɔ-mkpuhɔ ye ke nsio-nsio usuŋ ɔnɔ mme ete nnyin ke eyo oko,

ERIYARARE 11:10

Ndien mme andiduŋ ke isɔŋ edat esit ebaŋa mmɔ, enyuŋ enam idara, enyuŋ enɔ enɔ esɔk kiet eken, koro mme prophet iba oro ekɔtuhɔrede mme andiduŋ ke isɔŋ.

ERIYARARE 11:3

Nyenyuŋ mmen odudu nnɔ ntiense Mi iba, ndien mmɔ eyesine ɔfɔŋ-ikpo etiŋ nte prophet ke thousand usen kiet ye usen ikie iba ye ata.

1 SAMUEL 28:6

Ndien adaŋemi Saul obupde Jehovah, Jehovah ibɔrɔke enye ke ndap, ye ke Urim, ye ke mme prophet.

1 SAMUEL 3:15

Ndien Samuel ana ke isɔŋ tutu eyo esiere, ndien eberere itim ufɔk Jehovah: ndien ndik iyakke Samuel etiŋ ŋkukut emi ɔnɔ Eli.

1 SAMUEL 3:21

Ndien Jehovah ɔtɔŋɔ ntak owut mmɔ idem ke Shiloh: koro Jehovah ayararede idem ɔnɔ Samuel ke Shiloh ke uyo Jehovah.