NUMBERS 12:13 - Edisana ñwed Abasi Ibom

¹³ Ndien Moses eseme ɔnɔ Jehovah ete, Mbɔk, Abasi, nam udɔŋɔ okure enye ndien.

NUMBERS 12:13 ပူးပေါင်းရင်းမြစ်များ

GENESIS 20:17

Ndien Abraham ekpe Abasi ubɔk: ndien Abasi anam idem ɔsɔŋ Abimelech, ye ŋwan esie, ye nditɔ-iban ufɔk esie; ndien mmɔ

1 NDIDEM 13:6

Ndien edidem ɔbɔrɔ owo Abasi oro, ete, Mbɔk, beŋe Jehovah Abasi fo, nyuŋ kpe enye ubɔk nɔ mi, ete Enye ayak ubɔk mi afiak mi ke idem. Ndien owo Abasi oro ebeŋe Jehovah, ndien ubɔk edidem afiak adiana enye ke idem, onyuŋ akabare etie nte akpa.

ŊWED MME PSALM 30:2

O Jehovah, Abasi mi, ŋkeseme nnɔ fi, ndien afo anam udɔŋɔ okure mi.

ŊWED MME PSALM 41:4

Ŋkɔdɔhɔ nte, O Jehovah, tua mi mbɔm: nam udɔŋɔ okure ukpɔŋ mi; koro mmedue fi.

EXODUS 15:26

onyuŋ ɔdɔhɔ ete, edieke afo editimde okop uyo Jehovah Abasi fo, onyuŋ anamde se inende enye ke enyin, onyuŋ akpaŋde utɔŋ ɔnɔ mbet esie, onyuŋ onimde kpukpru ewuhɔ esie, ndidaha baba udɔŋɔ kiet emi ŋkanamde etiene Egypt, ntiene fi: koro edi ami Jehovah nnam udɔŋɔ okure fi.

EXODUS 4:7

Ndien enye ɔdɔhɔ ete, Tɔŋɔ ntak sin ubɔk fo ke ikpanesit fo. Ndien enye ɔtɔŋɔ ntak esin ubɔk ke ikpanesit esie; onyuŋ osio enye ke ikpanesit ŋko, ndien, sese, enye amakabare nte obukidem esie.

ISAIAH 30:26

Ndien uŋwana ɔfiɔŋ eyebiet uŋwana utin, uŋwana utin eyenyuŋ aka iso utim ikatiaba, ebiet uwemeyo itiaba, ke usen eke Jehovah edibɔpde unan ikɔt esiemɔ, edinyuŋ ɔkɔkde ufen eke emiade mmɔ.

JEREMIAH 17:14

Nam udɔŋɔ okure mi, O Jehovah, ndien udɔŋɔ eyekure mi; nyaŋa mi, ndien nyedu ke ifure: koro afo edide itoro mi.

NUMBERS 11:2

Ndien kpukpru owo eseme enɔ Moses; ndien ke ini Moses ekpede Jehovah ubɔk, ikaŋ oro onime.

NUMBERS 12:12

Mbɔk, kuyak enye etie nte akpa-mfia, emi obuk esie edem kiet eyemerede adaŋemi enye otode eka esie ke idibi.

NUMBERS 14:2

Ndien kpukpru nditɔ Israel esuk Moses ye Aaron uyo: ofuri esop enyuŋ edɔhɔ mmɔ, ete, Nnyin ikpekam ikpaŋa ke isɔŋ Egypt!

NUMBERS 16:41

Ndien mkpɔŋ kpukpru mbon esop nditɔ Israel esuk Moses ye Aaron uyo, ete, Mbufo emewot ikɔt Jehovah.

LUKE 23:34

Edi Jesus ete, Ete, dahado nɔ mmɔ koro mmɔ mifiɔkke se mmɔ enamde. Mmɔ esin afia edeme edisine-ŋkpɔ Esie ke otu idem mmɔ.

LUKE 6:28

enyuŋ ebɔŋ akam eyom ufɔn mmɔ eke esuenede mbufo.

UTOM MME APOSTLE 7:60

Enye onyuŋ ɔtɔnɔ edɔŋ, ofiori ke ɔkpɔsɔŋ uyo ete, Ɔbɔŋ, kuda idiɔk-ŋkpɔ emi udori mmɔ. Ndien ke ama eketiŋ ntre, enye ede.

ŊWED MBON ROME 12:21

Ekuyak idiɔk akan mbufo, edi eda nti erinam ekan idiɔk ubɔk.

JAMES 5:15

ndien akam mbuɔtidem eyenyaŋa enye emi ɔdɔŋɔde, Ɔbɔŋ eyenyuŋ anam enye adaha ada; ndien edieke enye akanamde idiɔk-ŋkpɔ, eyefen enye.

1 SAMUEL 12:23

Ndien ama edi ami, nsa mi! nduehe Jehovah ke eritre ndikpe enye ubɔk nnɔ mbufo: edi nyeteme mbufo eti ye edinen usuŋ:

1 SAMUEL 15:11

Mmatua mkpɔfiɔk koro ŋkonimde Saul ke edidem: koro enye ama akabare ɔkpɔŋ mi, inyuŋ inamke uyo mi. Ndien Samuel ayat esit, onyuŋ eseme ɔnɔ Jehovah ke ofuri okoneyo.