NUMBERS 12:11 - Edisana ñwed Abasi Ibom

¹¹ Ndien Aaron ɔdɔhɔ Moses, ete, Ɔbɔŋ mi, mbɔk, kudori nnyin idiɔk ido emi, emi nnyin inamde ndisime, emi nnyin inyuŋ iduede.

NUMBERS 12:11 ပူးပေါင်းရင်းမြစ်များ

2 SAMUEL 19:19

onyuŋ ɔdɔhɔ edidem, ete, Yak ɔbɔŋ mi okubat oburobut ido ɔnɔ mi, kunyuŋ uti se owo fo ɔkɔdiɔkde ndinam ke usen oro ɔbɔŋ mi akadahade ke Jerusalem, ke edidem ndida enye nsin ke esit esie.

2 SAMUEL 24:10

Ekem esit ɔtɔ David, ke enye ama akabat mbio-obio ntre. David onyuŋ ɔdɔhɔ Jehovah, ete, Mmanam idiɔk eti-eti ke se ŋkanamde: edi, mbɔk Jehovah, kam dahado ke idiɔk ido owo fo; koro mmanam ndisime ido eti-eti.

1 NDIDEM 13:6

Ndien edidem ɔbɔrɔ owo Abasi oro, ete, Mbɔk, beŋe Jehovah Abasi fo, nyuŋ kpe enye ubɔk nɔ mi, ete Enye ayak ubɔk mi afiak mi ke idem. Ndien owo Abasi oro ebeŋe Jehovah, ndien ubɔk edidem afiak adiana enye ke idem, onyuŋ akabare etie nte akpa.

2 CHRONICLES 16:9

Koro enyin Jehovah esaŋade ke ofuri ererimbot, ete isɔŋɔ imum mmɔ eke ofuri esit mmɔ odude ye enye ikama. Afo amanam ndisime ke ŋkpɔ emi; koro toto ke ini emi afo eyenyene ekɔŋ.

EXODUS 12:32

Enyuŋ eda ŋkpri ufene mbufo ye enaŋ mbufo ŋko, nte emi mbufo ekedɔhɔde, eka; enyuŋ ediɔŋ mi ŋko.

MME ŊKE 30:32

Edieke afo anamde ebiɔ ke eritaŋ idem fo: edieke afo onyuŋ ekerede idiɔk, fuk ubɔk ke inua.

JEREMIAH 42:2

edidɔhɔ Jeremiah prophet, ete, Mbɔk, yak mkpe-ubɔk nnyin ɔsuhɔre ana fi ke iso, nyuŋ kpe Jehovah Abasi fo ubɔk baŋa nnyin, baŋa kpukpru mmɔ eke esuhɔde mi: koro nnyin emi ikewakde isuhɔde esisit, kpa nte enyin fo okutde nnyin:

NUMBERS 11:2

Ndien kpukpru owo eseme enɔ Moses; ndien ke ini Moses ekpede Jehovah ubɔk, ikaŋ oro onime.

NUMBERS 12:12

Mbɔk, kuyak enye etie nte akpa-mfia, emi obuk esie edem kiet eyemerede adaŋemi enye otode eka esie ke idibi.

UTOM MME APOSTLE 8:24

Edi Simon ɔbɔrɔ ete, Ekpe Ɔbɔŋ ubɔk enɔ mi, ete, se mbufo etiŋde baba kiet okusim mi.

ERIYARARE 3:9

Sese, mmɔnɔ mmɔ emi etode synagogue Satan, emi edɔhɔde ete mme imɔ idi mme Jew, ndien mmɔ idige, edi esosu; sese, nyenam mmɔ edi edituak ibuot ke ukot fo, enyuŋ efiɔk ete, Ami ŋkamama fi.

1 SAMUEL 12:19

Ndien kpukpru owo edɔhɔ Samuel, ete, Kpe Jehovah Abasi fo ubɔk nɔ ikɔt fo, man nnyin ikukpaŋa: koro nnyin imada idiɔkŋkpɔ ke eriyom edidem ikɔrɔ ye mme idiɔk ido nnyin efen.

1 SAMUEL 2:30

Mmɔdo Jehovah Abasi Israel ɔdɔhɔde ete, Kakpan ke ŋkɔdɔhɔ, nte ke ufɔk fo,ye ufɔk usɔ eyesaŋa ke iso mi ke nsinsi: edi ke emi Jehovah ɔdɔhɔ ete, Nsa mi O! koro nyekpono mmɔ eke ekponode mi, edi nyesin mme andisuene mi ke ndek.