NUMBERS 11:25 - Edisana ñwed Abasi Ibom

²⁵ Ndien Jehovah etie ke obubit enyɔŋ ɔsuhɔre, edidɔhɔ ye enye, onyuŋ ada ubak spirit emi odude enye ke idem, esin mbiowo ata ye udop oro ke idem: ndien edikem, ke spirit oro odukde mmɔ ke idem, mmɔ etiŋ prophecy, ndien itiŋke aba.

NUMBERS 11:25 ပူးပေါင်းရင်းမြစ်များ

2 NDIDEM 2:15

Ndien adaŋemi nditɔ mme prophet oro edude ke Jericho ke edem oko ekutde, mmɔ edɔhɔ ete, spirit Elijah odu Elisha ke idem. Ndien mmɔ eka ekesobo ye enye, enyuŋ enuhɔ ke isɔŋ enɔ enye.

NEHEMIAH 9:20

Afo onyuŋ ɔnɔ mmɔ eti spirit fo man anam mmɔ efiɔk ŋkpɔ, unyuŋ usioho mmɔ manna fo ke inua ufep, onyuŋ ɔnɔ mmɔ mmɔŋ ke ini nsat-itɔŋ mmɔ.

ŊWED MME PSALM 99:7

Enye etie ke adaha obubit enyɔŋ ɔdɔhɔ ye mmɔ: mmɔ enim mbet esie ye mme ewuhɔ emi enye ɔkɔnɔde mmɔ.

EXODUS 32:32

Afo akpakam efen idiɔk ido mmɔ ndien mmunyimeke, mbɔk, sɔhi mi fep ke ŋwed fo emi afo ewetde.

EXODUS 34:5

Ndien Jehovah etie ke obubit enyɔŋ ɔsuhɔre, edida ye enye do, onyun ataŋa enyiŋ Jehovah.

EXODUS 40:38

Koro obubit enyɔŋ Jehovah odorode ke ebiet-iduŋ ke uwem-eyo, ikaŋ onyuŋ odoro ke esit ke okoneyo, ke iso ofuri ufɔk Israel, ke ofuri isaŋ mmɔ.

ISAIAH 63:11

Ndien enye eti eyo oko, Moses, ye ikɔt esie: “Enye emi akadade mmɔ ye ɔbɔk-ufene esie ke inyaŋ ɔdɔk, odu mmɔŋ? Enye emi ekesinde enye Edisana Spirit esie ke idem, odu mmɔŋ?

EZEKIEL 8:11

Owo ata ye duop emi etode ke mbiowo ufɔk Israel enyuŋ eda ke iso mmɔ, Jaazaniah eyen Shaphan onyuŋ ada ke otu mmɔ, kpukpru owo enyuŋ ekama censer mmɔ ke ubɔk mmɔ; ndien incense ɔdɔk nte akamba nsuŋikaŋ.

NUMBERS 11:17

Ndien nyesuhɔre ndidɔhɔ ye afo do: nyenyuŋ nda ubak spirit emi esinede fi ke idem, nsin mmɔ ke idem; ndien mmɔ eyetiene fi ebiom mbiomo mbio emi, man afo okubiom ke idem fo ikpɔŋ:

NUMBERS 12:5

Ndien Jehovah etie ke adaha obubit enyɔŋ ɔsuhɔre, edida ke usuŋ efe esop, onyuŋ okot Aaron ye Miriam edi: ndien mmɔ mbiba eto edi.

NUMBERS 16:25

Ndien Moses adaha ke enyɔŋ aka ke ɔtɔ Dathan, ye Abiram; mbiowo Israel enyuŋ etiene enye eka.

NUMBERS 24:2

Ndien Balaam emenere enyin esiemɔ okut Israel etiede ke ataya ke ubon, ke ubon: ndien spirit Abasi oduk enye ke idem.

NUMBERS 27:18

Ndien Jehovah ɔdɔhɔ Moses ete, Da Joshua eyen Nun ke idem fo, owo emi spirit odude enye ke esit, nyuŋ da ubɔk fo dori enye ke idem;

UTOM MME APOSTLE 11:28

Ndien owo mmɔ kiet, emi ekerede Agabus, adaha ke enyɔŋ ada odudu Spirit ayarare ete akamba akaŋ ɔmɔŋ odu ke ofuri ererimbot; akaŋ emi osu ke eyo Claudius.

1 ŊWED CORINTH 14:32

ndien spirit mme asiak-uduak-Abasi esine ke idak erikara mme asiak-uduak-Abasi.

JAMES 1:17

Kpukpru eti erinɔ ye kpukpru enɔ eke efɔnde ema eto ke enyɔŋ, eto ke ubɔk Ete mme uŋwana esuhɔre edi; emi mikemeke ndikpuhɔre, ukpuhɔre itie minyuŋ ikemeke ndimen Enye nsin ke mfut.

2 PETER 1:21

Koro akanam baba ikɔ prophet itoho ke uduak owo: edi mme owo etiŋ ikɔ eke otode Abasi, nte Edisana Spirit esinde mmɔ etiŋ.

JUDGES 3:10

Ndien spirit Jehovah edidoro enye ke idem, ndien enye ekpe ikpe Israel, onyuŋ ɔwɔrɔ aka ekɔŋ, ndien Jehovah emen Cushan-rishathiam edidem Mesopotamia esin enye ke ubɔk: ubɔk esie onyuŋ ɔsɔŋɔ akan Cushan-rishathaim.

1 SAMUEL 10:10

Ndien adaŋemi mmɔ esimde do ke obot oro, sese, udim prophet edisobo ye enye: ndien Spirit Abasi oduk enye ke idem, ndien enye anam prophecy ke otu mmɔ.