NUMBERS 11:1 - Edisana ñwed Abasi Ibom

¹ NDIEN adaŋemi mbio oro enamde nsukuyo, ɔdiɔk Jehovah ke utɔŋ: ndien Jehovah okop, onyuŋ ayat esit; ikaŋ Jehovah onyuŋ obumere ke otu mmɔ, onyuŋ ata owo ke utit nna.

NUMBERS 11:1 ပူးပေါင်းရင်းမြစ်များ

GENESIS 38:10

eyen-eka esie eyen. Ndien se enye anamde ɔdiɔk ke iso Jehovah; ndien Enye owot enye nde.

2 SAMUEL 11:27

Ekem adaŋemi utua-eyet okurede, David ɔdɔŋ ekeda enye edi ke ufɔk esie, ndien enye akabare edi ŋwan esie, onyuŋ aman eyen ɔnɔ enye. Edi ŋkpɔ oro David akanamde ntre ayat Jehovah esit.

2 NDIDEM 1:12

Ndien Elijah ɔbɔrɔ mmɔ, ete, Edieke ami ndide owo Abasi, yak ikaŋ oto ke enyɔŋ ɔsuhɔre, ata fi ye owo fo aba ye duop. Ndien ikaŋ Abasi oto ke enyɔŋ ɔsuhɔre, ata enye ye owo esie aba ye duop.

ŊWED JOB 1:16

Ke adaŋemi enye emi osuk ɔdɔhɔde, owo efen oduk edidɔhɔ ete, Ikaŋ abasi omoto ke enyɔŋ ɔduɔ edifɔp ŋkpri ufene, ye mkparawa fo, onyuŋ ata mmɔ; ndien suk ami ikpɔŋ-ikpɔŋ mbɔhɔ nditiŋ nnɔ fi.

ŊWED MME PSALM 106:18

Ndien ikaŋ obubere ke otu udim mmɔ; edem-ikaŋ onyuŋ ɔfɔp mme idiɔk owo.

ŊWED MME PSALM 78:21

Oro esin Jehovah okop, onyuŋ ayat esit: ikaŋ onyuŋ obubere ke Jacob, iyaresit onyuŋ ɔdɔk anam Israel ŋko;

ŊWED MME PSALM 78:63

Ikaŋ ata mkparawa mmɔ; ndien mmɔ itoroke nditɔ-iban mmɔ.

EXODUS 16:7

ndien ke usenubɔk, mbufo eyekut ubɔŋ Jehovah; koro enye okopde uyo emi mbufo esukde Jehovah; ndien nnyin idi mme anie, eke mbufo esukde nnyin uyo?

EXODUS 16:9

Ekem Moses ete Aaron, Dɔhɔ ofuri udim nditɔ Israel, ete, Mbufo esaŋa ekpere ke iso Jehovah: koro enye omokop nsuk uyo mbufo.

ISAIAH 10:17

Ndien uŋwana Israel eyekabare edi ikaŋ, Edisana Abasi esie eyenyuŋ edi edemikaŋ: ndien eyefɔp onyuŋ ata akpap ye ikɔt ŋkukim esie ke usen kiet;

ISAIAH 30:33

Koro ema etim Topheth ebigi; ema enyuŋ ediɔŋ enye enɔ edidem; enye ama otuŋ enye, ama onyuŋ anam okpon: ebok ikaŋ ye ifia emekpon: ibifik Jehovah, nte akpa brimstone, ɔfɔp enye.

ISAIAH 33:14

Mme idiɔk owo ke Zion ke edikhe; unyek-idem omum mme oburobut owo: “Anie ke otu nnyin ekeme ndiduŋ ke ikaŋ eke atade? Anie ke otu nnyin ekeme ndiduŋ ke nsinsi erisak?”

ŊWED ESEME 3:39

Owo uwem edinam didie eseme, owo anam didie eseme (ufen) idiɔk ido esie?

EZEKIEL 20:36

Kpa nte ŋkekpede ikpe ye mme ete mbufo ke wilderness isɔŋ Egypt, kpa ntre ke ndikpe ŋko ye mbufo; uyo Ɔbɔŋ Jehovah edi emi.

LEVITICUS 10:2

Ndien ikaŋ oto ke iso Jehovah, ediwot mmɔ, ndien mmɔ ekpa ke iso Jehovah.

NAHUM 1:5

Ikpɔ obot enyek ebak enye, ŋkpri obot enyuŋ etara: iso esie esin isɔŋ ofut, ye ekondo ye kpukpru mme andiduŋ ke esit.

HABAKKUK 3:5

Idiɔk udɔŋɔ asaŋa enye ke iso; edisak ikaŋ onyuŋ ɔwɔrɔ enye ke ukot.

NUMBERS 10:33

Ekem mmɔ edaŋa ke obot Jehovah, esaŋa isaŋ usen ita; ekebe ediomi Jehovah onyuŋ ebem mmɔ iso ke isaŋ usen ita, ndiyom ebiet nna nnɔ mmɔ.

NUMBERS 11:18

Nyuŋ dɔhɔ kpukpru owo, ete, Enam idem mbufo esana ebeŋe mkpɔŋ, ndien mbufo eyeta unam; koro mbufo eketuade Jehovah ke utɔŋ, ete, Anie edinɔ nnyin unam eke itade? koro ɔkɔfɔnde ye nnyin ke Egypt: Jehovah ndien eyenɔ mbufo unam eke etade,

NUMBERS 12:2

Mmɔ enyuŋ edɔhɔ, ete, Nte ye Moses ikpɔŋ ke Jehovah osuk ɔdɔhɔ? Nte enye idɔhɔke ye nnyin ŋko? Ndien Jehovah okop.

NUMBERS 14:2

Ndien kpukpru nditɔ Israel esuk Moses ye Aaron uyo: ofuri esop enyuŋ edɔhɔ mmɔ, ete, Nnyin ikpekam ikpaŋa ke isɔŋ Egypt!

NUMBERS 14:22

Koro kpukpru mmɔ eke ekutde ubɔŋ mi, ye mme utibe ŋkpɔ mi emi ŋkanamde ke Egypt, ye ke wilderness, ema ekedomo mi utim ikoduop emi, ema enyuŋ esin uyo mi ndikop:

NUMBERS 14:27

Adaŋa didie ke ndidahado nnɔ idiɔk mbon esop emi esukde mi uyo? Mmokop nsukuyo nditɔ Israel, emi mmɔ esukde mi?

NUMBERS 14:28

Dɔhɔ mmɔ ete, Jehovah ete, Kpa nte emi ndude uwem, ke akpanikɔ nyenam ye mmɔ kpa nte mmɔ edɔhɔde esin mi ke utɔŋ:

NUMBERS 16:11

Edi emi esin fi ye nsaŋa fo esop idem enam ikɔ ye Jehovah: ndien Aaron edi anie eke mbufo esukde enye uyo?

NUMBERS 16:35

Ndien ikaŋ oto Jehovah, edita owo ikie ye aba ye duop emi efɔpde incense.

NUMBERS 17:5

Ndien ama ekem esaŋ owo eke ndimekde, eyesehe: ntem ke ndisuk nsukuyo nditɔ Israel emi mmɔ esukde mbufo, nnam enye ɔkpɔŋ mi.

NUMBERS 21:5

Ndien kpukpru owo enam ikɔ ye Abasi ye Moses, ete, Nsinam mbufo edade nnyin ke Egypt ewɔrɔ, ete nnyin idikpaŋa ke wilderness emi? koro uyo ye mmɔŋ miduhe; obukpo uyo emi onyuŋ efek nnyin.

1 ŊWED CORINTH 10:10

Mbufo ekunyuŋ esuk uyo, nte ndusuk mmɔ ekesukde, enyuŋ etakde ke ubɔk andisobo.

DEUTERONOMY 25:18

emi ɔkɔwɔrɔde ekɔŋ ye afo ke usuŋ, onyuŋ owotde kpukpru eke ekpɔtde ke otu mbufo ke ukperedem fo, ke ini afo akpade mba, onyuŋ ɔyuhɔde utom; ndien mibakke Abasi.

DEUTERONOMY 32:22

Koro ikaŋ obuberede ke iyaresit mi, eyenyuŋ ɔfɔp tutu osim ke udem hell, onyuŋ ata isɔŋ ye mbuŋwum-ŋkpɔ esie, onyuŋ okim ikaŋ ke itie obot.

DEUTERONOMY 9:22

Mbufo ekenyuŋ eyat Jehovah esit ke Taberah, ye ke Massah, ye ke Kibroth-hattaavah.

MME HEBREW 12:29

Koro Abasi nnyin edi ikaŋ eke atade ta.

JAMES 5:4

Sese, utip mbio-utom emi edɔkde idɔk ke iŋwaŋ mbufo, eke mbufo emumde ekama ke ŋkanubɔk, ke ofofiori; eseme mbon-idɔk omonyuŋ oduk Ɔbɔŋ mme udim ke utɔŋ.

JUDE 1:16

Mmɔ emi edi mbon nsuk-uyo; mmɔ esuk Abasi uyo ebaŋa itie emi Enye okonimde mmɔ; mmɔ esaŋa nte idiɔk itɔŋ mmɔ adade mmɔ aka, inua mmɔ onyuŋ etiŋ ikɔ iseri-iseri, mmɔ enyuŋ ekpek mme owo, eyom mfɔn enɔ idem.