NUMBERS 10:10 - Edisana ñwed Abasi Ibom

¹⁰ Ndien ŋko ke usen idara mbufo, ye ke ini usɔrɔ mbufo, ye ke iso ɔfiɔŋ mbufo, mbufo eda ukorowo efuri ebaŋa edifɔp uwa mbufo, ye mme uwa emem mbufo: man mmɔ edi ŋkpɔ eriti mbufo ke iso Abasi mbufo. Ami ndi Jehovah Abasi mbufo.

NUMBERS 10:10 ပူးပေါင်းရင်းမြစ်များ

2 NDIDEM 4:23

Ndien ebe ɔdɔhɔ ete, Afo anam didie aka ɔtɔ esie mfin emi? Ke idige obufa ɔfiɔŋ, inyuŋ idige sabbath. Ndien enye ɔbɔrɔ ete, Ke ɔfɔfɔn.

1 CHRONICLES 15:24

Shebaniah ŋko, ye Joshaphat, ye Nethanel, ye Amasai, ye Zechariah, ye Benaiah, ye Eliezer, mme oku, edi mme andifuri ukorowo ke iso ekebe Abasi; Obed-edom ye Jehiah enyuŋ edi mme etie-usuŋ ke eke ekebe.

1 CHRONICLES 15:28

Ofuri Israel enyuŋ eda ekebe ediomi Jehovah edɔk ke mkpo, ye ke uyom obukpoŋ, ye ukorowo, ye cymbal, ke enam uyom ke psaltery, ye ke harp.

1 CHRONICLES 16:42

Heman, ye Jeduthun ŋko ye mmɔ, ete enam uyom ke ukorowo, ye ke cymbal, ye ke ikwɔ, eno Abasi. Nditɔ-iren Jeduthun ŋko enyuŋ etie ke usuŋ.

2 CHRONICLES 29:26

Ntre ke mme Levite ekama ŋkpɔ-mbre David eda, mme oku enyuŋ ekama mme ukorowo.

2 CHRONICLES 29:28

Ndien ofuri esop etuak ibuot, mbon-ikwɔ enyuŋ ekwɔ, mme andifuri enyuŋ efuri ukorowo; enam kpukpru ŋkpɔ emi, tutu ema edifɔp uwa.

2 CHRONICLES 7:6

Ndien mme oku eda ke mme itie unam-ŋkpɔ mmɔ: mme Levite enyuŋ ekama ŋkpɔ ikwɔ Jehovah oro David edidem akanamde ndikɔm Jehovah, koro ima esie ebigide ke nsinsi, ke ini David adade ubɔk mmɔ otoro; mme oku enyuŋ esak iso ese mmɔ, efuri ukorowo, ofuri Israel enyuŋ eda.

EZRA 3:10

Ndien adaŋemi mme andibɔp etɔŋɔde ndibɔp mme temple Jehovah, mmɔ enim mme oku, esine edisine-ŋkpɔ mmɔ, ekama ukorowo, enyuŋ enim mme Levite, nditɔ Asaph, ekama cymbal, ete etoro Jehovah, nte David edidem Israel eketemede.

NEHEMIAH 12:35

ye ndusuk nditɔ mme oku ekama mme ukorowo: kpa Zechariah eyen Jonathan, eyen Shemaiah, eyen Mattaniah, eyen Micaiah, eyen Zaccur, eyen Asaph:

ŊWED MME PSALM 150:3

Etoro enye ke uyom ukorowo; Etoro enye ke psaltery ye harp.

ŊWED MME PSALM 81:3

Mbufo efuri ukorowo ke obufa ɔfiɔŋ, ke ɔyɔhɔ ɔfiɔŋ, ke usen usɔrɔ nnyin.

ŊWED MME PSALM 81:4

Koro emi edide ewuhɔ Israel, ye ido Abasi Jacob.

ŊWED MME PSALM 89:15

Ɔfɔfɔn ɔnɔ mmɔ eke efiɔkde mkpo idara: O Jehovah, mmɔ eyesaŋa ke uŋwana iso fo.

EXODUS 28:29

Ndien Aaron eyebiom enyiŋ nditɔ Israel ke mbana-ikpanesit-ikpe ke esit esie, ke ini enye odukde ke edisana ebiet, man edi ŋkpɔ eriti ke iso Jehovah kpukpru ini.

EXODUS 30:16

Ntem ke afo edibɔ nditɔ Israel silver usio-isop, onyuŋ ada enye ɔnɔ ke utom tent esop; man nditɔ Israel enyene enye ke ŋkpɔ eriti ke iso Jehovah, ke erisio isop ukpɔŋ mbufo.

ISAIAH 27:13

Ama onyuŋ ekem ke usen oro, eyefuri akwa ukorowo, ndien mmɔ eke esopde ke isɔŋ Assyria, ye mmɔ eke esuanade ke isɔŋ Egypt, eyedi edituak ibuot enɔ Jehovah ke edisana obot ke Jerusalem.

LEVITICUS 23:24

Dɔhɔ nditɔ Israel, ete, ke ɔyɔhɔ ɔfiɔŋ itiaba, ke akpa usen ɔfiɔŋ, ke mbufo edinim sabbath, eke efuride ukorowo enam owo eti, edisana esop.

NUMBERS 10:9

Ndien ŋko ke adaŋemi mbufo edikade ekɔŋ ke isɔŋ mbufo ye mme asua emi efikde mbufo, mbufo eda ukorowo eduat; ndien Jehovah Abasi mbufo eyeti mbufo, onyuŋ anyaŋa mbufo osio mme asua ke ubɔk.

NUMBERS 28:11

Ndien ŋko mbufo eda edifɔp uwa esɔk Jehovah ke iso ɔfiɔŋ mbufo; abak enaŋ iba, ye okukim kiet, ye nditɔ erɔŋ isua kiet kiet itiaba, eke efɔnde ema;

NUMBERS 29:1

NDIEN ŋko ke ɔyɔhɔ ɔfiɔŋ itiaba, ke akpa usen ɔfiɔŋ, ke mbufo edisop edisana esop; ekunam baba ubɔk-utom kiet: mbufo enim enye ke usen erifuri ukorowo.

MATTHEW 11:28

Etiene Mi, kpukpru mbufo emi ekpade mba enyuŋ ebiomde edidobi mbiomo, ndien Ami nyenɔ mbufo nduɔk-odudu.

UTOM MME APOSTLE 10:4

Edi ke ini enye owukde enyin ese angel, ndik anam enye, enye onyuŋ ɔdɔhɔ ete, Nso, Ɔbɔŋ? Edi angel ɔdɔhɔ enye ete, Mkpe-ubɔk fo ye ŋkpɔ-mfɔn eke ɔnɔde mme ubuene ema edɔk edi ke iso Abasi, nte ŋkpɔ eke Enye adade eti fi.

1 ŊWED CORINTH 15:52

ke idaha kiet, ke eriyip enyin kiet, ke adaŋemi edifride akpatre ukorowo. Koro eyefri ukorowo, ndien eyenam mme akpa-mkpa eset nte mmɔ midikemeke ndibiara aba, eyenyuŋ ekpuhɔre nnyin.

1 ŊWED THESSALONICA 4:16

Koro Ɔbɔŋ ke Idem Esie eyeto ke heaven ɔsuhɔre ye mkpo, ye uyo archangel, ye ukorowo Abasi; ndien mmɔ emi ekpaŋade ke Christ eyebem iso eset:

1 ŊWED THESSALONICA 4:18

Mmɔdo emen ikɔ emi edɔŋ kiet eken esit.

JOSHUA 4:7

Ndien mbufo edibɔrɔ mmɔ ete, Mmɔŋ Jordan ama ekekpehe ke iso ekebe ediomi Jehovah; adaŋaemi enye ebede Jordan, mmɔŋ Jordan ekpehe: ndien mme itiat emi eyena ke editi ŋkpɔ nditɔ Israel ke nsinsi.

JOSHUA 6:4

Ndien yak oku itiaba ebiom obukpoŋ itiaba ebem ekebe iso; ndien ke ɔyɔhɔ usen itiaba, mbufo ekan obio ekuk utim ikatiaba, mme oku enyuŋ efuri obukpoŋ.

ERIYARARE 22:17

Spirit ye ŋwan-ndɔ edɔhɔ ete, Di. Owo eke onyuŋ okopde, yak enye ɔdɔhɔ ete, Di. Owo eke itɔŋ asatde, yak enye edi. Owo eke amade, yak edi edibɔ mmɔŋ uwem ke ikpikpu.

1 SAMUEL 20:5

Ndien David ɔdɔhɔ Jonathan, ete, Sese, mkpɔŋ edi obufa ɔfiɔŋ, ndien ŋkpetreke nditie ke itie udia ye edidem: edi yak ŋka ŋkedibe ke ikɔt, tutu osim ke ɔyɔhɔ mbubreyo ita.