NUMBERS 1:3 - Edisana ñwed Abasi Ibom

³ kpukpru irenowo kiet kiet; ɔtɔŋɔde ke owo isua edip ye mmɔ emi ebede oro, kpukpru owo eke ekade ekɔŋ ke Israel; afo ye Aaron ebat mmɔ esin ke mme udim mmɔ.

NUMBERS 1:3 ပူးပေါင်းရင်းမြစ်များ

2 SAMUEL 24:9

Ndien Joab ada ibat owo oro mmɔ ekebatde esɔk edidem: ndien Israel edi tɔsin mbon-uko emi esiɔŋode ofut ke itie ikie itiaita; iren-owo Judah enyuŋ edi tɔsin ke itie ikie ition.

1 CHRONICLES 5:18

Nditɔ Reuben, ye mme Gadite, ye ibio esien Manasseh, emi edide mbon-uko, owo emi ekamade otu ekɔŋ ye ofut, enyuŋ etopde utiga, enyuŋ efiɔkde ekɔŋ, eti-eti edi tɔsin, tɔsin, ke itie aba ye inaŋ, ye ikie itiaba ye ata emi ewɔrɔde udim ekɔŋ.

2 CHRONICLES 25:5

Ekem Amaziah obon Judah ɔtɔ kiet, onyuŋ otim mmɔ ke ufɔk ete, ke ufɔk ete, onim ke mme etubom mme tɔsin, ye mme etubom mme ikie, ke ofuri Judah ye Benjamin: onyuŋ abat mmɔ, ɔtɔŋɔde ke owo isua edip, ye mmɔ eke ebede oro, ndien okut nte mmɔ ewɔrɔde tɔsin edimek owo ikie ita eke ewɔrɔde eka ekɔŋ, ekama eduat ye otu-ekɔŋ.

EXODUS 12:17

Mbufo edinyuŋ enim usɔrɔ uyo eke leaven miduhe: koro ke idem usen emi ke ami nsio mme udim mbufo ke isɔŋ Egypt mfep: mbufo enim ndien usen emi ke ofuri emana mbufo ke nsinsi ewuhɔ.

EXODUS 30:14

Yak kpukpru owo eke ebede ediana ye mmɔ eke ebatde ɔtɔŋɔde ke owo isua edip, ye mmɔ eke ebede oro, enɔ enɔ Jehovah.

EXODUS 38:26

nte edisana shekel edide, eke kpukpru owo eke ebede eduk ke otu mme mmɔ emi ebatde, ɔtɔŋɔde ke owo isua edip, ye mmɔ eke ebede oro, eke tɔsin owo ikie itiokiet ye tɔsin ita, ye ikie ition ye aba ye duop.

NUMBERS 14:29

Mme okpo mbufo eyeduɔŋɔ mi ke wilderness; ndien mbufo kpukpru emi ekebatde, ke adaŋa nte ofuri ibat mbufo edide, ɔtɔŋɔde ke owo isua edip, ye mmɔ emi ebede oro, emi esukde mi uyo,

NUMBERS 26:2

ete, Mbufo ebat mbuot ofuri esop nditɔ Israel, ɔtɔŋɔde ke owo isua edip, ye mmɔ eke ebede oro, ke ofuri ufɔk mme ete mmɔ, kpukpru mmɔ eke ewɔŋɔde ke Israel, eka ekɔŋ.

NUMBERS 3:15

Bat nditɔ Levi, nte ufɔk mme ete mmɔ edide, ye nte oruk mmɔ edide; kpukpru iren-owo, ɔtɔŋɔde ke eyen ɔfiɔŋ kiet ye mmɔ eke ebede oro, ke afo edibat mmɔ.

NUMBERS 32:11

Baba owo mmɔ kiet emi eketode ke Egypt, ɔtɔŋɔde ke owo isua edip, ye mmɔ eke ebede oro, idikwe isɔŋ emi ŋkɔŋwɔŋɔde nnɔ Abraham ye Isaac, ye Jacob: koro mmɔ mitimke isaŋa mi ke edem?

NUMBERS 33:1

MME mmɔ emi edi mme isaŋ nditɔ Israel emi eketode ke isɔŋ Egypt, ke udim, ke udim, ke ubɔk Moses ye Aaron.

NUMBERS 4:3

Ɔtɔŋɔde ke owo isua edip ye duop, ye mmɔ eke ebede oro, tutu osim isua aba ye udop, kpukpru owo eke edukde ke udim utom, man enam utom ke efe esop.

DEUTERONOMY 24:5

Ke adaŋemi owo ɔdɔde ɔbufa ŋwan, enye okuka ekɔŋ, ekunyuŋ edɔŋ enye baba utom kiet: eyak enye enɔ ufɔk esie isua kiet, man enye adat ŋwan esie emi enye ɔdɔde esit.

DEUTERONOMY 3:18

Ndien ŋwuk mbufo ke ini oro, nte, Jehovah Abasi mbufo ɔmɔnɔ mbufo isɔŋ emi ete eda enye enyene: kpukpru mbufo mbon uko ebɔbɔ mbɔbɔ ekɔŋ, ebem nditɔ Israel nditɔ-ete mbufo iso ebe.