ŊWED MME PSALM 99:8 - Edisana ñwed Abasi Ibom

⁸ O Jehovah Abasi nnyin, afo ekeyere mmɔ: afo ekedi Abasi emi adahadedo ɔnɔ mmɔ, edi osio usiene abaŋa idiɔk ido mmɔ.

ŊWED MME PSALM 99:8 ပူးပေါင်းရင်းမြစ်များ

2 SAMUEL 12:14

Edi koro afo amada ŋkpɔ emi esin mme asua Jehovah etiŋ idiɔk ikɔ, eyen emi amanade ɔnɔ fi ŋko iditreke ndikpa.

ŊWED MME PSALM 78:38

Ndien enye enyene-mbɔm osio isop idiɔk ido mmɔ, inyuŋ isoboke mmɔ: Edi awak ndikabare ŋkpɔŋ iyaresit esie, inyuŋ idemekede ofuri ifuresit esie.

ŊWED MME PSALM 89:33

Edi ndibɔhɔ enye ima mi, ndinyuŋ mbiatke akpanikɔ mi.

EXODUS 32:2

Ndien Aaron ɔdɔhɔ mmɔ ete, Mbufo esioŋo mkpanuen o-gold emi edude ke utɔŋ iban mbufo, ye ke eke nditɔ-iren mbufo, ye ke eke nditɔ-iban mbufo, eda esɔk mi.

EXODUS 34:7

awak ima ye akpanikɔ, onim ima ɔnɔ ediwak tɔsin, efen mme ukwaŋ-ŋkpɔ, ye ndudue, ye idiɔk ido, edi iyakke mbon-isop ebɔhɔ; ada usiene mme ukwaŋkpɔ mme ete, osio ye nditɔ, ye nditɔ nditɔ, tutu osim ɔyɔhɔ emana ita ye inaŋ.

ECCLESIASTES 7:29

Sese, mma ŋkut ŋkpɔ emi ikpɔŋ-ikpɔŋ, nte ke Abasi ama anam owo edinen; ndien mmɔ ema eyom ediwak idiɔk usuŋ.

JEREMIAH 46:28

Jehovah ɔdɔhɔ ete, Afo owo mi Jacob, kufehe: koro ami ndude ye afo: koro nyesobo kpukpru mme idut emi ŋkebinde fi nsin do: edi ndisoboke fi mma, edi nyetunɔ fi ke ufat; ndien ndiyakke fi ɔbɔhɔ ikpikpu.

ZEPHANIAH 3:7

Ŋkɔdɔhɔ nte, Kam bak mi, bɔ item; ndien idisibeke iduŋ esie ifep, kpa kpukpru se ŋkonimde nnɔ enye: edi mmɔ ebak edemere enam kpukpru ido mmɔ ediɔk.

NUMBERS 20:12

Ndien Jehovah ɔdɔhɔ Moses ye Aaron, ete, Koro mbufo mikenimke uyo mi ke akpanikɔ, inyuŋ ikpono mi ke iso nditɔ Israel, mmɔdo mbufo mididaha mme mmɔ emi iduk ke isɔŋ emi nnɔde mmɔ.

NUMBERS 20:24

koro enye mididukke ke isɔŋ emi nnɔde nditɔ Israel, koro mbufo mikekopke uyo mi ke ɔtɔ mmɔŋ Meribah.

ŊWED MBON ROME 1:21

koro okposuk edi nte mmɔ efiɔkde Abasi, mmɔ inɔŋɔ Enye ubɔŋ nte Abasi, inyuŋ inɔŋɔ Enye ekɔm; edi ekabare ekere ikpikpu ekikere, ndisime esit mmɔ onyuŋ akabare okim.

DEUTERONOMY 3:26

Edi Jehovah akayat esit ye ami abaŋa mbufo, ndien ikopke uyo mi: Jehovah onyuŋ ɔdɔhɔ mi, ete, Yak ekem fi; kutɔŋɔ aba ntak udɔhɔ mi ubaŋa ŋkpɔ emi.