ŊWED MME PSALM 96:7 - Edisana ñwed Abasi Ibom

⁷ Mbufo mme oruk ererimbot, enɔ Jehovah, enɔ Jehovah ubɔŋ ye odudu.

ŊWED MME PSALM 96:7 ပူးပေါင်းရင်းမြစ်များ

ŊWED MME PSALM 22:27

Kpukpru mme utit ererimbot eyeti, enyuŋ ekabare etiene Jehovah: kpukpru ufɔk mme idut eyenyuŋ etuak ibuot enɔ fi.

MATTHEW 6:13

Kunyuŋ uda nnyin usin ke idomo; Edi sio nnyin ke ubɔk andidiɔk.

LUKE 2:14

Uboŋ enyene Abasi ke ata enyɔŋ. Emem onyuŋ odu ke isɔŋ ke otu owo emi Enye enende iso ye mmɔ.

1 PETER 5:11

Yak edi Enye edi Andikara ke nsinsi-nsinsi. Amen.

ERIYARARE 14:7

ndien enye ɔdɔhɔ ke ɔkpɔsɔŋ uyo ete, Mbufo eteŋe Abasi, enyuŋ enɔ Enye ubɔŋ; koro ekem ini ikpe Esie; enyuŋ etuak ibuot enɔ Enye emi okobotde enyɔŋ ye isɔŋ ye inyaŋ ye idim mmɔŋ.

ERIYARARE 19:1

KE ŋkpɔ emi ema ekebe, ŋkop se ibietde uyo akwa otu owo nte ɔdɔhɔde ke heaven, ete, Hallelujah; Erinyaŋa, ye ubɔŋ, ye ukeme enyene Abasi nnyin:

ERIYARARE 19:6

Ndien ŋkop uyo emi ebietde mkpo akwa otu, ye uyom uwak mbufut, ye uyom ɔkpɔsɔŋ obuma ɔdɔhɔde ete, Hallelujah; koro Ɔbɔŋ Abasi nnyin, Andikara kpukpru ŋkpɔ, ada ubɔŋ.

ERIYARARE 5:13

Ndien ŋkop kpukpru ŋkpɔ emi ekebotde, emi edude ke heaven, ye ke isɔŋ, ye ke idak isɔŋ, ye ke inyaŋ, ye kpukpru ŋkpɔ eke edude mmɔ ke esit, nte edɔhɔde ete, Yak eridiɔŋ, ye ukpono, ye ubɔŋ, ye erikara ofuri ekondo, enyene Enye emi etiede ke ebekpo, enyuŋ enyene Eyen-erɔŋ ke nsinsi-nsinsi.

ERIYARARE 5:9

Ndien mmɔ ekwɔ obufa ikwɔ ete, Afo omodot ndida ŋwed, ndinyuŋ ndianare mme ufik-ŋkpɔ esie; koro ekewotde Fi, Afo ama onyuŋ ada iyip fo osio owo ke kpukpru esien, ye usem, ye obio, ye idut, afak mmɔ ɔnɔ Abasi;

ERIYARARE 7:12

etuak ibuot enɔ Abasi, ete, Amen; yak eridiɔŋ, ye ubɔŋ, ye ifiɔk, ye ekɔm, ye ukpono ye odudu, ye ukeme, enyene Abasi nnyin ke nsinsi-nsinsi. Amen.