ŊWED MME PSALM 94:2 - Edisana ñwed Abasi Ibom

² Ebierikpe ererimbot, menere idem fo, nɔ mbon-iseri usiene.

ŊWED MME PSALM 94:2 ပူးပေါင်းရင်းမြစ်များ

ŊWED MME PSALM 7:6

O Jehovah, daha ke enyɔŋ ke iyaresit fo, men idem fo ke otu ifuresit mme asua mi: nyuŋ demere baŋa mi: afo omonim ikpe.

2 ŊWED CORINTH 5:10

Koro kpukpru nnyin inyene ndiwɔrɔ nyarare ke iso itie-ikpe Christ; man owo kiet kiet ɔbɔ utip eke ekemde ye se enye akanamde ke ikpɔhidem, ye ŋkpɔ oro edide eti, ye onyuŋ edide idiɔk.

ŊWED MME PSALM 31:23

O, mbufo ema Jehovah, kpukpru mbon-ima esie: Jehovah ekpeme mbon-akpanikɔ, onyuŋ osio usiene eti-eti ye mmɔ eke eseride iseri.

GENESIS 18:25

Nsa fo O! Ndinam ntem, ndiwot mmɔ eke enende ye mmɔ eke minenke: mmɔ eke enende ndinyuŋ ntie nte mmɔ eke minenke, nsa fo O! Nte Ebierikpe ofuri ererimbot idinamke se inende?

1 PETER 5:5

Kpasuk ntre, mbufo mkparawa, esuk idem enɔ mbiowo. Kpukpru mbufo enyuŋ ebɔbɔ nsukidem ke idem nte mbɔbɔ, enam ŋkpɔ enɔ kiet eken: koro Abasi aŋwaŋwana ye mbon iseri, edi ɔfɔn ido ye mbon nsukidem.

MICAH 5:9

Afo eyemenere ubɔk fo aŋwana ye mbon-utɔk fo, ndien eyesibe kpukpru mme asua fo efep.

DANIEL 4:37

Ke emi ami Nebuchadnezzar ŋkɔm nnyuŋ ntoro nnyuŋ ŋkpono Edidem enyɔŋ, emi kpukpru se enye anamde edide akpanikɔ; mme usuŋ esie enyuŋ edi ikpe: ndien enye emekeme ndisuhɔre mmɔ eke esaŋade ke iseri.

ISAIAH 37:29

Koro iyaresit fo ye ami, ye usɔŋ-enyin fo edɔkde ediduk mi ke utɔŋ, mmɔdo ndisinde fi mkpanuen mi ke ibuo, ye uruk mi ke mkpɔk-inua, ndien nyenam fi afiak ke usuŋ emi afo akasaŋade ke esit edi.

ISAIAH 37:23

Afo okosuŋi onyuŋ esuene anie? okonyuŋ emenere uyo fo ke enyɔŋ, onyuŋ emenere enyin fo ke enyɔŋ abaŋa anie? Ke abaŋa Edisana Abasi Israel.

ISAIAH 10:12

Ndien eyedi nte Ɔbɔŋ edisibede ofuri utom esiemɔ efep ke obot Zion, ye ke Jerusalem; ndien nyeda ufen ntiene mfri iseri esit edidem Assyria, ye ubɔŋ mmenere iso esie.

ISAIAH 2:17

Ndien mmenere owo eyesuhɔre, ntaŋ-idem mbɔŋ onyuŋ ɔduɔ: ndien Jehovah ikpɔŋ-ikpɔŋ okoŋ ke usen oro.

ŊWED MME PSALM 74:22

Daha ke enyɔŋ, O Abasi, kpe ikpe fo: ti esuene emi ndisime owo esuenede fi ofuri usen.

ŊWED MME PSALM 68:1

ABASI eyedaha ada, mme asua esie eyesuana: mbon-utɔk esie eyenyuŋ efeŋe ke iso esie.

ŊWED MME PSALM 50:6

Ndien enyɔŋ eyebuk edinen ido esie: koro edide Abasi edi ebierikpe. [Selah.]

2 CHRONICLES 20:12

O Abasi nnyin nte afo udukpehe ikpe ye mmɔ? koro nnyin minyeneke odudu ke iso akwa otu owo emi edide ndiŋwana ekɔŋ ye nnyin? nnyin inyuŋ ifiɔkke se nnyin idinamde: edi nnyin idori enyin ye afo.

ŊWED MME PSALM 82:8

O Abasi, daha ke enyɔŋ, kpe ikpe ererimbot; koro afo eyeda kpukpru mme idut enyene.