ŊWED MME PSALM 92:1 - Edisana ñwed Abasi Ibom

¹ ƆFƆN ndikɔm Jehovah, nnyuŋ ŋkwɔ enyiŋ fo, O Ata Edikoŋ:

ŊWED MME PSALM 92:1 ပူးပေါင်းရင်းမြစ်များ

ŊWED MME PSALM 107:1

MBUFO ekɔm Jehovah, koro enye ɔfɔŋde; koro ima esie ebigide ke nsinsi.

ŊWED MME PSALM 107:15

Yak mmɔ ekɔm Jehovah ke ima esie, ye ke mme utibe ŋkpɔ emi enye anamde ye nditɔ owo.

ŊWED MME PSALM 107:8

Yak owo ekɔm Jehovah ke ima esie, ye ke mme utibe ŋkpɔ emi enye anamde ye nditɔ owo.

ŊWED MME PSALM 135:3

Mbufo etoro Jehovah; koro Jehovah ɔfɔnde: ekwɔ enɔ enyiŋ esie: koro eyede.

ŊWED MME PSALM 147:1

MBUFO etoro Jehovah, koro ɔfɔnde ndikwɔ Abasi nnyin; koro enende; itoro onyuŋ eye.

ŊWED MME PSALM 33:1

MBUFO nti owo, edara Jehovah: itoro omodot mmɔ eke enende.

ŊWED MME PSALM 50:23

Owo eke awade uwa ekɔm eyekpono mi: ama onyuŋ edi owo eke otimde ndinim ido, nyewut enye erinyaŋa eke Abasi anyaŋade.

ŊWED MME PSALM 52:9

Nyekɔm fi ke nsinsi, koro afo akanamde [emi]; nyenyuŋ ndori enyin mi ke enyiŋ fo; koro ɔfɔnde, ke iso mbon-ima fo.

ŊWED MME PSALM 54:6

Nyeda ŋkpɔ ima esit ŋwa nnɔ fi: nyetoro enyiŋ fo, O Jehovah; koro ɔfɔnde.

ŊWED MME PSALM 73:28

Edi ama edi ami, ɔfɔn mi ndikpere Abasi: mberedem ye Ɔbɔŋ Jehovah, man mbuk kpukpru mme utibe ŋkpɔ fo.

ŊWED MME PSALM 82:6

Ami ndɔdɔhɔ nte, Mbufo edi abasi; kpukpru mbufo enyuŋ edi nditɔ Ata Edikoŋ.

ŊWED MME PSALM 92:8

Edi afo, O Jehovah, omokoŋ ke nsinsi.

ISAIAH 57:15

Koro emi edi uyo Enye emi okoŋde, onyuŋ emenerede ke enyɔŋ, emi oduŋde ke nsinsi, enyiŋ esie onyuŋ edi edisana, ete, Ami nyeduŋ ke edikoŋ ye edisana ebiet, nyenyuŋ nduŋ ye enye emi otukde onyuŋ ɔsuhɔrede spirit esiemɔ, nte ndemere spirit mmɔ eke esuhɔrede idem mmɔ enim, nnyuŋ ndemere esit mmɔ eke etukde idem mmɔ.

DANIEL 5:18

Afo, O edidem, Abasi Ibom ama ɔnɔ Nebuchadnezzar usɔ ubɔŋ ye ubom ye ukpono ye uyai:

ŊWED MBON EPHESUS 5:19

Eda psalm ye hymn ye ikwɔ spirit eneme nneme ye kiet eken, ekwɔ enyuŋ enam edinem uyom ke esit mbufo enɔ Ɔbɔŋ.

MME HEBREW 13:15

Yak nnyin iwa uwa ekɔm inɔ Abasi kpukpru ini ke enyiŋ Jesus, kpa mfri mkpɔk-inua eke ekponode enyiŋ Esie.

MME HEBREW 4:9

Mmɔdo nduɔk-odudu sabbath ɔsuhɔ ɔnɔ ikɔt Abasi.