ŊWED MME PSALM 9:9 - Edisana ñwed Abasi Ibom

⁹ Ndien Jehovah eyedi ebiet ubɔhɔ mmɔ eke owo etukde, ebiet ubɔhɔ ke ini nnaneyin.

ŊWED MME PSALM 9:9 ပူးပေါင်းရင်းမြစ်များ

1 CHRONICLES 16:33

Ndien mme eto akai eyefiori Jehovah ke iso, koro enye edide ndikpe ikpe ekondo.

ŊWED MME PSALM 108:12

Di nyaŋa nnyin, sio ke ukut; koro erinyaŋa eke otode owo edide ikpikpu.

ŊWED MME PSALM 142:4

Kabare ke nnasia, nyuŋ se, ndien baba owo kiet eke ɔdiɔŋɔde mi iduhe; ubɔhɔ mi amatak; baba owo kiet eke ekerede ukpɔŋ mi iduhe.

ŊWED MME PSALM 18:2

Jehovah edi akwa itiat mi, ye ufɔk ekɔŋ mi ye andinyaŋa mi; Abasi mi edi akwa itiat mi; nyebuɔt idem mi ye enye; otu-ekɔŋ mi, ye nduk erinyaŋa mi, ye edikoŋ ebiet mi.

ŊWED MME PSALM 20:1

YAK Jehovah akam eyere fi ke usen ukut! yak enyiŋ Abasi Jacob ekpeme fi.

ŊWED MME PSALM 32:7

Afo edi ebiet udibe mi; eyekpeme mi abak nnanenyin: eyeda ikwɔ ubɔhɔ akan mi okuk. Selah.

ŊWED MME PSALM 37:39

Ndien edi Jehovah anyaŋa nti owo: enye edi odudu mmɔ ke ini ukut.

ŊWED MME PSALM 46:1

ABASI edi ebiet-ubɔhɔ nnyin ye odudu nnyin, Enye edi andinyaŋa eke ekperede nnyin eti-eti ke nnanenyin.

ŊWED MME PSALM 46:7

Jehovah mme udim odu ye nnyin: Abasi Jacob edi ubɔhɔ nnyin. [Selah.]

ŊWED MME PSALM 48:3

Emefiɔk Abasi ke ikpɔ ufɔk esie, ete ke enye edi ebiet-ubɔhɔ.

ŊWED MME PSALM 50:15

nyuŋ sio mme akaŋa fo nɔ Ata Edikoŋ. Ndien seme nɔ mi ke usen ukut: nyebabare fi mbaba, ndien afo eyekpono mi.

ŊWED MME PSALM 62:8

Mbufo kpukpru owo, ebuɔt idem ye enye kpukpru ini; enwaŋa esit mbufo ke iso esie: Abasi edi ebiet ubɔhɔ nnyin. [Selah.]

ŊWED MME PSALM 67:5

O Abasi, yak mme idut ekɔm fi, yak kpukpru mme idut ekɔm fi.

ŊWED MME PSALM 7:9

Mbɔk, nam idiɔk ido mme idiɔk owo etre, nyuŋ nam edinen owo ɔsɔŋ ada: afo, edinen Abasi, onyuŋ odomo esit ye ekput.

ŊWED MME PSALM 96:10

Mbufo edɔhɔ ke otu mme idut, ete, ke Jehovah edi edidem: ererimbot onyuŋ ɔsɔŋ ada, idisehekede: enye eyekpe mme idut nte enende.

ŊWED MME PSALM 98:9

ke iso Jehovah; koro enye edide ndikpe ererimbot: enye eyekpe ekondo ke eti ido, ye mme idut nte enende.

MME ŊKE 18:10

Enyiŋ Jehovah edi ɔkpɔsɔŋ tower: eti owo efehe oduk ke esit, ndien odu ke ifure.

ISAIAH 32:2

Ndien owo kiet eyekabare ebiet ɔtɔ udibe ofum, ye etehe ubɔhɔ edim; ebiet akpa mmɔŋ ke edisat isɔŋ, ebiet mfut akwa itiat ke isɔŋ mkpa-mba.

ISAIAH 8:14

Ndien enye eyedi se ufɔk Israel mbiba enimde ke edisana, ye itiat utuaha, ye akwa itiat eke esinde mmɔ eduɔŋɔ, ye afia ye mfine mme andiduŋ Jerusalem.

NAHUM 1:7

Jehovah ɔmɔfɔn, edi ɔkpɔsɔŋ ebiet ke usen ukut; enye onyuŋ ɔfiɔk mmɔ eke ebuɔtde idem mmɔ ye enye.

LUKE 13:34

O Jerusalem, Jerusalem emi owotde mme prophet, onyuŋ ɔtɔŋɔde mmɔ emi edɔŋde etiene fi ke itiat! Adaŋa ediwak ini didie ke ŋkoyom nditaŋ nditɔ fo mbon ɔtɔ kiet, kpa nte unen obonde nditɔ esie ke idak mba esie, ndien mbufo ikonyimeke!

DEUTERONOMY 33:27

Nsinsi Abasi edi ebiet iduŋ, nsinsi ubɔk enyuŋ edu ke idak: ndien enye eyebin mme asua ke iso fo efep, onyuŋ ɔdɔhɔ ete, Sosobo.

MME HEBREW 6:18

man okpoto ke ŋkpɔ iba emi mikemeke ndikpuhɔre, emi Abasi mikemeke ndisu nsu ke esit, nnyin ikpenyene akwa nsɔŋ-esit, kpa nnyin emi ima ifehe iyom ubɔhɔ ke erimum idori-enyin emi enimde nnyin ke iso: