ŊWED MME PSALM 85:6 - Edisana ñwed Abasi Ibom

⁶ Nte afo edinam iyaresit fo osim kpukpru emana? Nte afo udutɔŋɔke ntak udemere nnyin, man ikɔt fo ekpedara fi?

ŊWED MME PSALM 85:6 ပူးပေါင်းရင်းမြစ်များ

ŊWED MME PSALM 138:7

Ke ini nsaŋade ke ufɔt nnanenyin, afo eyenim mi ke uwem: eyenyan ubɔk fo odori ke iyaresit mme asua mi; ubɔk nnasia fo eyenyuŋ anyaŋa mi.

ŊWED MME PSALM 149:2

Yak Israel adat esit abaŋa andibot enye: yak nditɔ Zion ebre ebaŋa edidem mmɔ.

ŊWED MME PSALM 53:6

Erinyaŋa Israel akpakam oto ke Zion! Ke adaŋemi Abasi adade ikɔt esie emi eketaŋde efep afiak edi, Jacob eyebre, Israel eyedara.

ŊWED MME PSALM 71:20

Afo emi anamde nnyin ikut ikpɔ ye mme idiɔk ukut, eyenam nnyin itɔŋɔ ntak idu uwem, onyuŋ anam nnyin itɔŋɔ ntak ito ke edituŋɔ ebiet isɔŋ idɔk.

ŊWED MME PSALM 74:1

O ABASI, nsinam afo emende nnyin ɔduɔk ke nsinsi? Nte iyaresit fo ɔwɔrɔ nsuŋikaŋ ye ufene emi afo ɔbɔkde?

ŊWED MME PSALM 77:8

Nte ima esie amakpa ama ke nsinsi?

ŊWED MME PSALM 80:18

Ndien nnyin idifiakke edem ikpɔŋ fi: afo eyenam itɔŋ uwem ɔsɔŋɔ nnyin, ndien nnyin iyeseme ikot enyiŋ fo.

ŊWED MME PSALM 90:14

Nɔ nnyin ima fo ke usenubɔk yuhɔ; ndien esit eyedat onyuŋ enem nnyin ke ofuri uwem nnyin.

ISAIAH 57:15

Koro emi edi uyo Enye emi okoŋde, onyuŋ emenerede ke enyɔŋ, emi oduŋde ke nsinsi, enyiŋ esie onyuŋ edi edisana, ete, Ami nyeduŋ ke edikoŋ ye edisana ebiet, nyenyuŋ nduŋ ye enye emi otukde onyuŋ ɔsuhɔrede spirit esiemɔ, nte ndemere spirit mmɔ eke esuhɔrede idem mmɔ enim, nnyuŋ ndemere esit mmɔ eke etukde idem mmɔ.

JEREMIAH 3:5

Nte enye edikɔkɔhɔre ke nsinsi? Nte enye edinim iyaresit tutu amama? Sese, afo ɔmɔdɔhɔ, omonyuŋ anam mme idiɔk ŋkpɔ adaŋa nte ekemede.

JEREMIAH 33:11

ke eyekop uyom idara, ye uyom mbre, ye uyo ɔdɔ ŋwan, ye uyo ŋwan ndɔ, ye uyo mmɔ eke edɔhɔde, ete, “Mbufo etoro Jehovah mme udim: koro Jehovah ɔfɔnde; koro ima esie ebigide ke nsinsi”: ye eke mmɔ emi edade ekɔm edi ke ufɔk Jehovah. Koro ami nyeda nditɔ isɔŋ emi eketaŋde efep mfiak ndi, kpa nte akpa; ke edi Jehovah ɔdɔhɔ.

HOSEA 6:2

Ke usen iba ebede, enye eyenam nnyin iset: ke ɔyɔhɔ usen ita enye eyedemere nnyin, ndien nnyin iyedu uwem ke iso esie.

HABAKKUK 3:2

O Jehovah, mmokop mbuk fo; ndik anam mi: O Jehovah, demere enye utom fo ke ufɔt mme isua, nam efiɔk enye ke ufɔt mme isua; ke ini iyaresit, ti mbɔm.