ŊWED MME PSALM 83:2 - Edisana ñwed Abasi Ibom

² Koro, sese, mme asua fo esin ndutime: mmɔ eke esuade fi enyuŋ emenerede ibuot.

ŊWED MME PSALM 83:2 ပူးပေါင်းရင်းမြစ်များ

2 NDIDEM 19:28

Koro afo ayatde esit ye ami, koro iseri fo ama onyuŋ ɔdɔk ediduk mi ke utɔŋ; mmɔdo ndisinde fi mkpanuen mi ke ibuo, ye uruk mi ke mkpɔk-inua fo; ndien nyenam fi afiak ke usuŋ oro afo akasaŋade ke esit edi.

ŊWED MME PSALM 109:1

O ABASI itoro mi, kudop uyo;

ŊWED MME PSALM 74:23

Kufre uyo mme asua fo: ndutime mbon-utɔk fo osuk ɔdɔdɔk kpukpru ini.

ŊWED MME PSALM 74:4

Mbon utɔk fo efiori mfiori ke ufɔt ebiet esop fo; mmɔ emenere mme idiɔŋɔ mmɔ ewuk ke idiɔŋɔ.

ŊWED MME PSALM 81:15

Mmɔ eke esuade Jehovah ekpenem inua enɔ enye; ndien eyo mmɔ ekpebigi ke nsinsi.

ŊWED MME PSALM 93:3

O Jehovah, mme akpa-mmɔŋ emenere mkpo mmɔ.

ISAIAH 17:12

Kop! uyom ediwak mme idut! ke eyomo nte uyom inyaŋ ibom. Mkpo ediwak owo ŋko! Ke ekpot nte akamba mmɔŋ okpotde.

ISAIAH 37:23

Afo okosuŋi onyuŋ esuene anie? okonyuŋ emenere uyo fo ke enyɔŋ, onyuŋ emenere enyin fo ke enyɔŋ abaŋa anie? Ke abaŋa Edisana Abasi Israel.

ISAIAH 37:29

Koro iyaresit fo ye ami, ye usɔŋ-enyin fo edɔkde ediduk mi ke utɔŋ, mmɔdo ndisinde fi mkpanuen mi ke ibuo, ye uruk mi ke mkpɔk-inua, ndien nyenam fi afiak ke usuŋ emi afo akasaŋade ke esit edi.

JEREMIAH 1:19

Ndien mmɔ eyeŋwana ekɔŋ ye afo; edi idikemeke ubɔk ye afo; koro ami ndude ye afo, man nnyaŋa fi: uyo Jehovah edi emi.

MATTHEW 27:24

Edi ke ini Pilate okutde ete, imɔ ikemeke ndinam ndomo ŋkpɔ kiet, edi utu ke oro ndutime edidu, enye ada mmɔŋ eyet ubɔk ke iso otu owo, ete mmɔ, Nsaŋake ŋkpɔ ke iyip eti owo emi: mbuhehe mbufo edi oro.

UTOM MME APOSTLE 16:22

Ndien otu owo edaha ke enyɔŋ etiŋ ŋkpɔ edian mmɔ: mme ebierikpe enyuŋ ekpɔk ɔfɔŋidem mme apostle efep, enɔ uyo ete eda eto etim mmɔ.

UTOM MME APOSTLE 17:5

Edi mme Jew efibe mmɔ ufup, eda ndusuk mbukpo owo ke otu mbio-obio edian idem, enyuŋ ekɔ otu owo ebon, esin ndutime ke obio; mmɔ enyuŋ eyom ndibuŋ ufɔk Jason eŋwana ndida mmɔ oro ŋwɔrɔ nsɔk mbio-obio.

UTOM MME APOSTLE 21:30

Ofuri obio otimere, mbio-obio enyuŋ efeŋe ekebono ɔtɔ kiet: mmɔ enyuŋ emum Paul eduri enye ewɔrɔ ke temple: enyuŋ eberi usuŋ ini kiet.

UTOM MME APOSTLE 22:22

Mmɔ ekpaŋ utɔŋ enɔ enye tutu osim ikɔ emi; ndien mmɔ emenere uyo ete, Esio oruk owo emi ke ererimbot efep: enye idotke ndidu uwem.

UTOM MME APOSTLE 23:10

Ndien ke ini eneni ɔsɔŋde, akamba etubom efehe ndik, ete mmɔ eyewai Paul mbai-mbai, onyuŋ ɔnɔ mbon-ekɔŋ uyo ete, esuhɔre ekewamare enye esio mmɔ ke ubɔk, eda enye eduk edi ke ufɔk mbon-ekɔŋ.

JUDGES 8:28

Ntre ke Midian esuk ibuot ke iso nditɔ Israel, inyuŋ imenke aba ibuot mmɔ. Ndien isɔŋ ana suŋ ke ofuri isua aba ke eyo Gideon.