ŊWED MME PSALM 83:14 - Edisana ñwed Abasi Ibom

¹⁴ Kpa nte ikaŋ atade akai, nte edemikaŋ onyuŋ ɔfɔpde ikpɔ obot;

ŊWED MME PSALM 83:14 ပူးပေါင်းရင်းမြစ်များ

ŊWED JOB 21:18

Mmɔ ebiet nnyanyaŋa ke iso ofum, enyuŋ ebiet mbio eke oyobio ɔkpɔride efep.

ISAIAH 17:13

Ata ediwak owo ekpot nte akamba mmɔŋ okpotde: edi Enye aduat mmɔ, ndien mmɔ efeŋe anyan usuŋ, enyuŋ ebine mmɔ nte mbio ibokpot ke enyɔŋ obot ke iso ofum, ye nte ŋwewere ŋkpɔ ke iso oyobio.

ISAIAH 30:33

Koro ema etim Topheth ebigi; ema enyuŋ ediɔŋ enye enɔ edidem; enye ama otuŋ enye, ama onyuŋ anam okpon: ebok ikaŋ ye ifia emekpon: ibifik Jehovah, nte akpa brimstone, ɔfɔp enye.

ISAIAH 9:18

Koro idiɔk ido asakde nte ikaŋ: enye ata akpap ye ikɔt ŋkukim, onyuŋ obubere ke mfuhɔ akai, ndien mmɔ edɔk ke enyɔŋ, nte nsuŋikaŋ eke emenerede.

NAHUM 1:10

Koro ke ini mmɔ esuk ebebari nte ikɔt ŋkukim, enyuŋ eŋwɔŋ wine ekpa, eyeta mmɔ nte etak nnyanyaŋa eke asatde ama.

NAHUM 1:6

Anie ekeme ndibigi ke iso ifuresit esie? Anie onyuŋ ekeme ndida ke ikaŋ iyaresit esie? Enye aŋwaŋa ifuresit esie nte ikaŋ, onyuŋ obom ikpɔ itiat.

MALACHI 4:1

KORO, sese, usen oro ke edi, ke asak nte usaŋ-uyo: ndien kpukpru mbon iseri, ye kpukpru mme anam idiɔk eyekabare edi etak nnyanyaŋa: ndien usen eke edidide eyeta mmɔ, Jehovah mme udim ɔdɔhɔ, emi midisuhɔke oruŋ midinyuŋ isuhɔke ŋkɔk inɔ mmɔ.

DEUTERONOMY 32:22

Koro ikaŋ obuberede ke iyaresit mi, eyenyuŋ ɔfɔp tutu osim ke udem hell, onyuŋ ata isɔŋ ye mbuŋwum-ŋkpɔ esie, onyuŋ okim ikaŋ ke itie obot.