ŊWED MME PSALM 81:7 - Edisana ñwed Abasi Ibom

⁷ Afo ekeseme ke itie ukut, ndien mbabare fi: ntie ke itie udibe obuma nyere fi: Ndomo fi ke ɔtɔ mmɔŋ Meribah. [Selah.]

ŊWED MME PSALM 81:7 ပူးပေါင်းရင်းမြစ်များ

ŊWED MME PSALM 50:15

nyuŋ sio mme akaŋa fo nɔ Ata Edikoŋ. Ndien seme nɔ mi ke usen ukut: nyebabare fi mbaba, ndien afo eyekpono mi.

EXODUS 14:10

Ekem, ke ini Pharaoh asaŋade ekpere, nditɔ Israel emenere enyin mmɔ, ndien sese, nditɔ Egypt esaŋa ebine mmɔ; ndien ndik anam mmɔ eti-eti: nditɔ Israel enyuŋ eseme enɔ Jehovah.

EXODUS 14:24

Edikem, ke ŋkim-ŋwaŋa usenubɔk Jehovah etie ke adaha ikaŋ ye eke obubit enyɔŋ, ese mme udim nditɔ Egypt, onyuŋ etimere mme udim nditɔ Egypt:

EXODUS 19:19

Ekem ke uyo ukorowo ɔdiɔŋde ɔsɔŋ eti eti, Moses ɔdɔhɔ, ndien Abasi ada uyo ɔbɔrɔ enye.

EXODUS 2:23

Edikem ke anyan ini oro edidem Egypt akpa: ndien nditɔ Israel eseme ufin mmɔ, enyuŋ etuaŋa; ndien eseme emi mmɔ esemede ufin mmɔ ɔdɔk osim Abasi.

EXODUS 20:2

Jehovah Abasi fo, emi ŋkosiode fi ke isɔŋ Egypt, ke ufɔk ufin mfep.

EXODUS 6:6

Dɔhɔ ndien ye nditɔ Israel, ete, Ami ndi Jehovah, nyenyuŋ nnam mbufo ewɔŋɔ ke idak mbiomo Egypt, nnyuŋ nsio mbufo ke ufin mmɔ, nnyuŋ mfak mbufo ke edinyanare ubɔk, ye ke ikpɔ ufen:

JEREMIAH 16:14

Jehovah ɔdɔhɔ, ete, Sese, oro esin usen edi eke mididɔhɔke aba, ite “Ma uwem Jehovah emi akadade nditɔ Israel ke isɔŋ Egypt ɔdɔk”;

NUMBERS 20:13

Emi edi mmɔŋ utɔk (Meribah), emi nditɔ Israel etɔhɔde ye Jehovah ebaŋa, ndien enye ada mmɔ ukpono ke idem.

NUMBERS 20:24

koro enye mididukke ke isɔŋ emi nnɔde nditɔ Israel, koro mbufo mikekopke uyo mi ke ɔtɔ mmɔŋ Meribah.

DEUTERONOMY 33:8

Enye onyuŋ ɔdɔhɔ abaŋa Levi, ete, Akpanikɔ Fo ye uŋwana Fo eyedu ye owo emi Afo amade, emi Afo okodomode ke Massah, okonyuŋ ɔtɔhɔde ye enye ke ikɔ mmɔŋ Meribah:

DEUTERONOMY 5:6

Ami ndi Jehovah Abasi fo, emi ŋkosiode fi ke isɔŋ Egypt, ke ufɔk ufin mfep.