ŊWED MME PSALM 81:3 - Edisana ñwed Abasi Ibom

³ Mbufo efuri ukorowo ke obufa ɔfiɔŋ, ke ɔyɔhɔ ɔfiɔŋ, ke usen usɔrɔ nnyin.

ŊWED MME PSALM 81:3 ပူးပေါင်းရင်းမြစ်များ

2 NDIDEM 4:23

Ndien ebe ɔdɔhɔ ete, Afo anam didie aka ɔtɔ esie mfin emi? Ke idige obufa ɔfiɔŋ, inyuŋ idige sabbath. Ndien enye ɔbɔrɔ ete, Ke ɔfɔfɔn.

1 CHRONICLES 15:16

David onyuŋ eteme mbɔŋ mme Levite, ete enim nditɔ-ete mmɔ, ete eda ndido, ye harp, ye cymbal, ekwɔ ikwɔ, enam eyom ke erimenere uyo ke idara.

1 CHRONICLES 15:19

Ndien mme ɔkwɔ-ikwɔ, Heman, ye Asaph, ye Ethan, ekama cymbal okpoho, man ebre ɔkpɔsɔŋ.

1 CHRONICLES 15:24

Shebaniah ŋko, ye Joshaphat, ye Nethanel, ye Amasai, ye Zechariah, ye Benaiah, ye Eliezer, mme oku, edi mme andifuri ukorowo ke iso ekebe Abasi; Obed-edom ye Jehiah enyuŋ edi mme etie-usuŋ ke eke ekebe.

1 CHRONICLES 16:42

Heman, ye Jeduthun ŋko ye mmɔ, ete enam uyom ke ukorowo, ye ke cymbal, ye ke ikwɔ, eno Abasi. Nditɔ-iren Jeduthun ŋko enyuŋ etie ke usuŋ.

1 CHRONICLES 16:6

Benaiah ŋko, ye Jahaziel mme oku, ekama ukorowo kpukpru ini ke iso ekebe ediomi Abasi.

1 CHRONICLES 25:1

NDIEN David ye mme etubom mme ŋka edianare nditɔ Asaph, ye eke Heman, ye eke Jeduthun, enɔ utom, man ebre harp, ye psaltery, ye cymbal; ndien ibat mme anam-ŋkpɔ nte utom mmɔ etiede, edi:

2 CHRONICLES 13:12

Ndien, sese, Abasi odu ye nnyin ke etubom, ye mme oku esie, ye mme ukorowo uyom emi edade enam uyom ebaŋa mbufo. Mbufo, nditɔ Israel, ekuŋwana ekɔŋ ye Jehovah Abasi mme ete mbufo: koro mbufo midikwe unen.

2 CHRONICLES 13:14

Ekem Judah ekabare, ndien, sese, ekɔŋ odu mmɔ ke iso ye ke edem: ndien mmɔ eseme enɔ Jehovah, mme oku enyuŋ efuri ukorowo.

2 CHRONICLES 2:4

Sese, ami mmɔŋ ndibɔp ufɔk nnɔ enyiŋ Jehovah Abasi mi, ndida nnim nnɔ enye, man efɔp edifuɔŋ incense enɔ enye, ye ke eke uyo eke ediɔkde kpukpru ini, ye ke edifɔp uwa usenubɔk ye mbubreyo, ye ke mme sabbath, ye ke mbufa ɔfiɔŋ, ye ke mme usɔrɔ emi Jehovah Abasi nnyin okodoride. Emi edi nsinsi ewuhɔ ke Israel.

2 CHRONICLES 5:12

mme Levite ŋko eke ekwɔde ikwɔ, kpukpru mmɔ, ye Asaph, ye Heman, ye Jeduthun, ye nditɔ mmɔ, ye nditɔ-ete mmɔ esine eti linen, ekama cymbal, ye psaltery, ye harp, eda ke edem usiaha-utin itie-uwa, oku ikie ye edip enyuŋ edu ye mmɔ, efuri ukorowo):

2 CHRONICLES 8:13

nte ibat kpukpru usen asaŋade, ke awa nte ibet Moses asaŋade, ke mme sabbath, ye ke mbufa ɔfiɔŋ, ye ke ini eke edoride, utim ikata ke isua, ke isua, ke usɔrɔ uyo eke leaven miduhe, ye ke usɔrɔ mme urua, ye ke usɔrɔ mme ataya.

ŊWED MME PSALM 149:3

Yak mmɔ etoro enyiŋ esie ke unek: emen ekɔmɔ ye harp ebre enɔ enye.

ŊWED MME PSALM 33:2

Mbufo ekɔm Jehovah ke harp: eda psaltery uruk duop ekwɔ enɔ enye.

ŊWED MME PSALM 98:6

Eda ukorowo ye uyo obukpoŋ edara ke iso Jehovah edidem.

ŊWED ESEME 2:6

Enye omonyuŋ owuri ɔkɔ esie, kpa nte eke iŋwaŋ: amabiat ebiet esop esie: Jehovah amanam efre usɔrɔ ye sabbath ke Zion, onyuŋ ɔduɔk edidem ye oku ke ikaŋ iyaresit esie.

NAHUM 1:15

Sese, ukot enye emi adade eti mbuk edi, emi ɔkwɔrɔde emem, edu ke ikpɔ obot! O Judah, nim ederi fo, sio mme akaŋa fo: koro oburobut owo miditɔŋɔke aba ntak isaŋa fi ke esit: emesibe enye efep ema.

NUMBERS 15:3

Mbufo enyuŋ eyomde ndiwa uwa ikaŋ nnɔ Jehovah, mme edifɔp uwa, mme uwa eke ewade ke erinam akaŋa, mme uwa ima, mme ke usɔrɔ mbufo, man enam edinem utebe enɔ Jehovah, edide ke enaŋ, onyuŋ edide ke ŋkpri ufene:

NUMBERS 28:11

Ndien ŋko mbufo eda edifɔp uwa esɔk Jehovah ke iso ɔfiɔŋ mbufo; abak enaŋ iba, ye okukim kiet, ye nditɔ erɔŋ isua kiet kiet itiaba, eke efɔnde ema;

DEUTERONOMY 16:15

Ke usen itiaba ke afo edinim usɔrɔ ɔnɔ Jehovah Abasi fo ke ebiet emi Jehovah edimekde: koro Jehovah Abasi fo eyediɔŋ fi ke kpukpru mbuŋwum-ŋkpɔ fo, ye ke kpukpru utom ubɔk fo, kutre ndien ndidat esit.

ŊWED MBON COLOSSAE 2:16

Mmɔdo ekuyak baba owo kiet ekpe ikpe ɔnɔ mbufo ke se mbufo ediade, ye ke se mbufo eŋwɔŋde, ye ke ido eke mbufo enimde usɔrɔ ye obufa ɔfiɔŋ ye sabbath.