ŊWED MME PSALM 80:8 - Edisana ñwed Abasi Ibom

⁸ Afo ama ada vine ke Egypt edi: ebin mme idut efep, onyuŋ ɔtɔ enye.

ŊWED MME PSALM 80:8 ပူးပေါင်းရင်းမြစ်များ

ŊWED MME PSALM 31:17

O Jehovah, kuyak but anam mi; koro nsemede nnɔ fi: yak mme idiɔk owo ekut but, yak mmɔ edop uyo ke obio ekpo.

ŊWED MME PSALM 44:2

Afo, kpa ubɔk fo, ekebin mme idut, ndien ada mmɔ (mme ete) ɔtɔ; afo akanuak mme obio oro edi anam mmɔ eken etɔt:

ŊWED MME PSALM 60:3

Afo okowut ikɔt fo nsɔŋido: akanam nnyin iŋwɔŋ wine eke esinde owo eteŋ.

ŊWED MME PSALM 78:55

Ndien enye ebin mme idut ke iso mmɔ efep, onyuŋ ada uruk edeme udeme ɔnɔ mmɔ, ndien anam mme esien Israel eduŋ ke mme tent mmɔ.

JEREMIAH 12:10

Ediwak mme ekpemerɔŋ emebiat iŋwaŋ-vine mi, emedigi udeme mi ke ukot, emenim edinem udeme mi ke desert nditaha.

JEREMIAH 2:21

Ndien ami ŋkɔtɔ fi ata vine, ata akpan mkpasip: nsinam ndien afo akabarede edi idiɔk eyen vine idut ɔnɔ mi?

EZEKIEL 15:6

Mmɔdo ntem ke Ɔbɔŋ Jehovah ɔdɔhɔ, ete, Kpa nte vine ke otu mme eto akai emi ami ndade nnɔ ikaŋ ke ifia, kpa ntre ke ndinɔ mme andiduŋ Jerusalem.

EZEKIEL 17:6

Ndien enye otibe, onyuŋ akabare edi vine eke asiahade onyuŋ ɔmuhɔde idaha; mme ŋkɔk esie enyuŋ ekabare ese enye, oruŋ esie onyuŋ odu enye ke idak; ndien enye akabare edi vine, onyuŋ anam ŋkɔk, onyuŋ asiaha ikɔŋ.

EZEKIEL 19:10

Ke ini afo okodude ke iyip fo, uka ebiet vine eke etɔde ke mben mmɔŋ: ediwak mmɔŋ esin enye oŋwum mfri, onyuŋ awak ŋkɔk.

UTOM MME APOSTLE 7:45

Mme ete nnyin ŋko eda ataya emi esaŋa ye Joshua eduk, ke ini mmɔ edade isɔŋ mme idut, emi Abasi ebinde osio ke iso mme ete nnyin, enyene, tutu osim eyo David:

JOSHUA 13:6

Kpukpru mme andiduŋ ikpɔ obot, ɔtɔŋɔde ke Lebanon tutu osim ke Misrephoth-maim, kpukpru mme Zidonian, mmɔ ke ami ndisioŋo mfep ke iso nditɔ Israel: edi sin afia, da enye nɔ Israel ke udeme, kpa nte ŋketemede fi.