ŊWED MME PSALM 76:6 - Edisana ñwed Abasi Ibom

⁶ O Abasi Jacob, nduari fo esin chariot ye horse ede idap.

ŊWED MME PSALM 76:6 ပူးပေါင်းရင်းမြစ်များ

2 SAMUEL 10:18

Ndien Syria efeŋe ke iso Israel; David onyuŋ owot mbio chariot Syria ikie itiaba, ye tɔsin mbon horse aba, onyuŋ ɔnɔ Shobach etubom mbon-ekɔŋ esie unan owot do.

2 NDIDEM 19:35

Edikem ke okoneyo oro angel Jehovah ɔwɔrɔ, okowot tɔsin, tɔsin owo ke itie ikie ye anaŋ ye ition ke nna-ekɔŋ Assyria: ndien adaŋemi mmɔ ebakde edemere ke usenubɔk, sese, kpukpru mmɔ edi okpo.

2 CHRONICLES 32:21

Ndien Jehovah ɔdɔŋ angel okosobo kpukpru mbon uko, ye mbɔŋ ye mme etubom nna-ekɔŋ edidem Assyria. Ndien enye ada but ke iso ɔnyɔŋ ke idut esie. Ekem adaŋemi enye odukde ke ufɔk abasi esie, mmɔ emi eketode enye ke idem ewot enye do ke ofut.

ŊWED MME PSALM 104:7

Nduari fo esin mmɔ efeŋe; uyo obuma fo esin mmɔ esɔp itɔk enyɔŋɔ.

ŊWED MME PSALM 18:15

Ndien mmɔ ekut afua mmɔŋ, se ererimbot eberede ke esit onyuŋ ayarare, ke nduari fo, O Jehovah, ke ibifik emi ofimede ke ibuo fo.

ŊWED MME PSALM 80:16

Mmɔ emefɔp enye ke ikaŋ; emekpi enye; nduari iso fo omosobo mmɔ.

EXODUS 15:1

NDIEN Moses ye nditɔ Israel ekwɔ ikwɔ emi enɔ Jehovah, enyuŋ edɔhɔ ete, Nyekwɔ nnɔ Jehovah, koro enye okoŋde; enye ekemen horse ye andidoro-horse, ɔduɔk ke inyaŋ.

EXODUS 15:10

Afo okofri ibifik fo; inyaŋ ofuk mmɔ; mmɔ edeŋ nte ŋket ke mkpɔsɔŋ mmɔŋ.

EXODUS 15:21

Ndien Miriam ɔbɔrɔ mmɔ, ete, Mbufo ekwɔ enɔ Jehovah, koro enye okoŋde; enye ekemen horse ye andidoro-horse ɔduɔk ke inyaŋ.

ISAIAH 37:36

Ndien angel Jehovah ɔwɔrɔ okowot tɔsin owo itie ikie ye anaŋ, ye tɔsin owo ition, ke nna-ekɔŋ Assyria; ndien ke mmɔ ebakde edemere ke usenubɔk, sese, kpukpru mmɔ edi okpo-okpo.

JEREMIAH 51:39

Ke ini mmɔ efiopde nyenim udia mmɔ, nnyuŋ nnam mmɔ eŋwɔŋ mmin ekpa, man mmɔ ebre mbre, ndien ede nsinsi idap, ekunyuŋ edemere: ke edi Jehovah ɔdɔhɔ.

JEREMIAH 51:57

Ndien nyenam mbɔŋ mmɔ, ye mme ɔfiɔkŋkpɔ owo mmɔ, ye mme etubom mmɔ, ye ikpɔ owo mmɔ, ye mbon uko mmɔ eŋwɔŋ ekpa: ndien mmɔ eyede nsinsi idap, idinyuŋ idemekede; emi edi uyo edidem, Jehovah mme udim edi enyiŋ esie.

EZEKIEL 39:20

Ndien mme horse, ye mbon horse, mbon uko, ye kpukpru mbon-ekɔŋ ke okpokoro mi eyeyuhɔ mbufo: Ɔbɔŋ Jehovah ɔdɔhɔ.

NAHUM 1:6

Anie ekeme ndibigi ke iso ifuresit esie? Anie onyuŋ ekeme ndida ke ikaŋ iyaresit esie? Enye aŋwaŋa ifuresit esie nte ikaŋ, onyuŋ obom ikpɔ itiat.

NAHUM 2:13

Jehovah mme udim ɔdɔhɔ ete, Sese, mmɔŋ nnam ikɔ ye afo. Ndien nyefɔp mme chariot esie nnam edi nsuŋ-ikaŋ: ofut eyenyuŋ adia mkparawa lion fo: ndien nyesibe se afo awaide ke isɔŋ mfep, ndien idikopke aba uyo mme isuŋ-utom fo.

NAHUM 3:18

Mme ekpemerɔŋ fo etie idap-idap, O edidem Assyria: mbɔŋ fo esuhɔre ena: ikɔt fo emesuana ke ikpɔ obot, ndien baba owo kiet eke edibonde mmɔ iduhe.

ZECHARIAH 12:4

Jehovah ɔdɔhɔ, ete, Ke usen oro nyeda mkpa-idem mmia kpukpru horse, nnyuŋ nda idat mmia mmɔ eke edorode mmɔ: ndien nyetat enyin mi nse ufɔk Judah, nnyuŋ ntibi kpukpru mme horse mme idut enyin.

1 SAMUEL 26:12

Ntre ke David emen eduat, ye abaŋ mmɔŋ, ke ɔtɔ udoribuot Saul; ndien mmɔ enyɔŋ, edi baba owo kiet ikwe, baba owo kiet inyuŋ ifiɔkke, baba kiet inyuŋ idemekede: koro kpukpru mmɔ edede idap; koro ɔkpɔsɔŋ idap Jehovah ɔduɔde mmɔ ke idem.